(Yesus Bauwau Bele Rore Onomi Ikeunge) ¹ Yesus mokhora owakoubokhe mo, romiyea na moisa hakhainyekokhe. ² Ro mbai, bauwaunge khole mekhe be hineungebokhe mo weunge, "Rowa weyea khena na rare onomi yeufele". ³ Nebeinye, Yesus me hireungekokhe weunge, "Reyea khena khale onomi roufelere, nahibi onomi rouke." ⁴ Nahibi Yesus yea weunge, "Ereibo, hiwa yo re a yakha yakha ekhoijea, eye, wauga be imam re kheleunge bonde mo, mele Tuhan Allahre buma kholongele". ⁵ Yesus Kapernaum yo re meweufike mo, yo mbai fela yung mekhe mo weunge, ⁶ "Rowa, reai abhu akho orora nimainyekokhe ekhe honole ya". ⁷ Yesus yea weunge, nebeisa mo erele onomi mokhorembonde". ⁸ Nebeibe nda fela yung yea weunge, "Rowa, na mam bang ya Weyea reai imeare eweufindere, a mbai se mo eleiko neyea onomi rowende. ⁹ Rahene ban, reyea reai yungle khelene nekhale, reai khelena yo nekhate, reyea wamaele, 'Ndare meng' neyea menate, 'ndire eme' neyea enate.' Nebei hului mbai, reai abhu akhore wanale, 'Nda mokhoibo ba, neyea mokhoiboyole. ¹⁰ Nebei ma borokhene Yesus buma khaewounge, na moisa orate yo re weumi, "Nda hila rabo wanen Israel romiyea nolone Reyea ehubaikoi mo. ¹¹ Reyea wamale, ro miyea heleng sele ralira waisa menate ronaibonde Abraham, Isak, Yakub naei eraman nembainye anenate surga yo ne, ¹² nebeinye, na yo fafa ouben kika nolone hanyaikonde. Nebeinye rime a na herea kili kili bele enaikhonde". ¹³ Nebei fel yungre weunge, "Eye weai rabore haleyea wanen ma yea yembonde". Na abhu akho nahibi onomi rouke. ¹⁴ Yesus mekhe Petrusle imea ne erelebea Petrus na miyea nenakhe be bulinggeane honole. ¹⁵ Yesus na mera ekileungebokhe bea nahibi onomi yeubokhe, nahibi aungukhe Yesusre ei aungebokhe. ¹⁶ Be bahewole mo, ro mbai na u bulune walobo yea eweufike khole khaei bokhe Yesusle bokhore mekhate, Yesus a mbai semo ukenge na u buluna walobo yoni yoni aibalekhe nebei ro nahibi onomi yeubokhe, nane merau romiyea hiwa onomi bewate, ¹⁷ Yesaya yea yen raufike huluinye yeubokhe, "Yesus yea aei male yambi, aei era yung kaeubokhe". ¹⁸ Yesus erele romiyea heleng sele Na bokhona, nebeinye weumi, nemahin refire foma. ¹⁹ Nebeisamo, ahli Taurat nolona ro mbai mekhemo Yesusre hineunge, "Khulu, reyea ware hakhoreibote orayendere ya". ²⁰ Nebeibe Yesus yea weunge, "Serigala (akhela yokhu) na abulu bele, aye bhumana na nale bele, Reyea anuwau bang Ra yungre rarehindere". ²¹ Neai homora ro mbai jea weunge, "Tuhan rare mon yeise erele maekho molorehande mo merele hakhoreibote oromande." ²² Yesus yea weunge, "Rare hakhoisebo, romiyea herate neai here wate yo yea molonate." ²³ Yesus na homona yo bele khakaisa hawaibokhe neaisike. ²⁴ Alu kabam raweubokhe khakaise felei felei felewounge, Yesus jonggune feleungekokhe honole. ²⁵ Ro hiyea mekhe mo yenggeunge, weunge, "Tuhan, hole moloimebo! Ebuleande!" ²⁶ Yesus aungukhe mo weumi, "Rahene buhea hokhombe hila bang rabo bang yo? Nebeisa mo nane alu ukeunge khalaubokhe. ²⁷ Na u na homona yo yea elate, "Nda ro neaisele nde, nda alu bhuna nahibi nare boroungebokhe?" ²⁸ Yesus bhuheaise mekhe, Gadara na ro be ugane khote mekheite hubayaei kokhe, hokholobe here re molate anuwaufa meibalekhe, hanggei sele kotene romiyea nebei anuwaufa oroyei. ²⁹ Na khali khanate nda ma, "Yesus Allahle khelu rahere maei bokhore meyae? Na yaa namman lombe weyea marea bekho mokhoiboise mekhea?" ³⁰ Nebeisa ahau wanen obho homo mbai khuwene beate. ³¹ Na u na walobo Yesusre riyainyele wainye, "Weyea maere hukheumihinde emabalenderena, obho ugane weimi emayembon". ³² Nebeinye Yesus yea weumi, "Eme, ndi obho uga einye fomembo. Nda walobo fayeubokhe. Nane obho horai nihike bhure yea okhate bhune heraibokhe (anaibokhe). ³³ Nebei obho yakhare hebate yo, na fere hakhaikokhe yo eise ayeubokhe, huwaimile rahebe nda kheune khote ro be naei ugane yeubokhe. ³⁴ Ro miyea yo einye nemene maibalekhe Yesusre hubayeaikokhe nane merau riyewainye nebeisa enduwendere.