(Hiwayo Neai bekho Hului Kholoijea) ¹ Romiyea hiwa yo neai bekho weyea hului kholoijea. Ware nebei hului mbai mokhonayete. ² Nebei hului kholamae mbai ware nebei mbai jea roungate hului kholonainyele. ³ Wa akha mbai beakhe mbai naei ijokhona o yaya re weyea erekea weai ijokhona o bohi wa ereiboi? ⁴ Nenda mayea weyea wa akha beakhere wanea, "Wa ijokhona o yaya halerebon, nebeibe wa ijokhona o nekhelebea?" ⁵ Wa ijokhona o bohibe haleiboba nebeisamo wa akha beakhelena o yaya fanyeubonde. ⁶ Rambun foi yokhure ehayeijea, mutiara obhore wongondena oroyea alenaikonde nebeisa bensonde ware khanneukonde". ⁷ Riyeufelena roufele isete. Bealena, hubayeukonde. Me khaba khaba bolena, romau rangayeubonde. ⁸ Nde riyende kiyea, inyainyele, nde beande kiyea rowende, nde me khaba khaba bondena nare romau raunganyebonde. ⁹ Nebei hului mbai mai nolona ro ndebe na faa yea feuw riyengehike nebei rukha yea ikenge? ¹⁰ Ro ndebe, na faa khare riyeungehikebe, ramiyea ikeunge? ¹¹ Nebeinye mayea romiyea bekhobe ma fafare rambun foijea yeumile, nebei hului mbai Arai surgana kiyea rambun na foise mo riyende kiyeare yennele. ¹² Nebeinye weai khenare khoyea mayea romiyea ware mokonayetere nebei hului mbai weyea hiwayore mokoumile. Nebei niyea are hetengekokhe a. ¹³ Wali henare elere romau kikira eweufinde rahene ban romau kaeumau nibi khabani here nibire ekhe, romiyea heleng nebei nibira mo alonnele. ¹⁴ Rabuhineban, romau kiki nibi klingling hosoi wali henare ekhe, romiyea na namekhai hubainyaikonde. ¹⁵ Yakhabeleyea, amere wabate yenjo khaya yore hebembe mai bokhore domba neai maloyea hirenaikonde menate neai hele bea yokhu akhla hanggei. ¹⁶ Ani mokhombondera ro romambonde, anggur hobonolora erowei hului nane merau ara ohakha isa belera ehokhoiboi hului. ¹⁷ Era meleme foi na ani mokhoibyole neai ma foi, era meleme bekho ani mokhoibyole bekho. ¹⁸ Meleme foi nahinggingban ani bekhore mokhombondere. Nebei merau mbai, meleme bekho nahinggingban ani foise mokhombondere. ¹⁹ Era meleme ani bekhore mokhonate yo khahenate inye hainyate. ²⁰ Na ani mokhonatera mayea ro rommile. ²¹ Romiyea Rare Tuhan Tuhanre khainaseleyo nemene surgare eyeiboijea, Maekho surgana khenare khole me u re mokhate yo nebeiyore enayembonde. ²² Nebeijore romiyea heleng sele Rare ungasele, Tuhan, Tuhan, meyae Weai Ro huwewammi, Weai Ro yea walobo hukhewammile emekhai bele bewate yakhawate. ²³ Nebeibe Reyea ufemile Reyea mare oneamale, eme Raei bhera bekhore mokhauge yo. ²⁴ "Nebeinye romiyea Reai a re borombonde kiyea na me u bele mokhondena nebei ro isaei ro hebaen ro na imea rukha ranne heubokhe wanen. ²⁵ Ya alu, bhumea mende horo nebei imea erowei hului, rabihine ban rukha rangne heubokhene. ²⁶ Reai A re boratebe me u emokhoi nebei ro holo khobu ro bele nahului mbai, imea ifau rangne heuboke. ²⁷ Ya alu, bhumea mekhebae nane imea uke khelaubokhe". ²⁸ Yesus nebei a bele elewolene romiyea heleng sele fanggengge yea bowate, ²⁹ Yesus nebei khelewoumi one rohenggo ro wanen Taurat holona yo bele.