Sabat Naei A Useai (Mark.2:23-28, Luk.6:1-5) ¹ Nebei hee Yesus gandum hekhe nolora ewole Sabat Ya. Na u na homona yo moni hubuwainyene, gandum ani hokhowate anewate. ² Nebei wanen erewatene, Farisi holonayo Yesusre hinainyele, "Rahene Wa U Na homonayo Sabat yaa bhe ndi mee u mokhate?" ³ Nebeibe Yesus yea weumi, "Mayea homofeana molaikokhe ereiboi Daud na homonayo bele moni khowatene, ⁴ Allah na yo imea ralo imea einye feuwbe na mam ban mae anaikokhe nebei imam naei raman ya. ⁵ Mayea isaeyeiboi Tauratna molaikokhe, sabat ya imam imam sabat asasi khoikoyatebe? ⁶ Nebeibe Reyae wamale Reyae mai nolone mekhale nebei yo imea ralo imeara nabumana kiyea. ⁷ Mana isaeyembombe, 'Reyae eisakhoi meisakhoire khena hilire akhaufe khena ban, nahele yore meyae bekho emokhoiboi hulu. ⁸ Rahene ban Yesus Sabat na yun". ⁹ Nebeisa alainyekokhe Yesus fokhe naei eimon mon imeane fowefike. ¹⁰ Nebeinye ro mbai mera nimainyebokhe honole. Yesusre hinainye, "Mee be hayaeinye kharo onomi sabat ya yae inyainyele? Yesusre mehau hinanyele Nare kemere rorainyebokhe. ¹¹ Nebeibe Yesus yae weumi, "Mayea domba bele yo mai domba sabat ya abulune ruwendena nahului hole moloiboyauge lombe. ¹² Ro miyea dombara na bumarefina ya! Nebeibe me u foi nendon sabat ya ne mokomale". ¹³ Nebeisa mo Yesus nebei ro re weunge, "Wa me ndare neinye onomire isetere". Nda ro na mere mo nekheunge Yesus onom ikeunge. ¹⁴ Nane Farisi homona yo nebeisa ekhate benen Yesusre yo kheijore yeaibokhe, nare honaibondere. ¹⁵ Yesus nebei ma erewolene moi kheungehike romiyea heleng hakhainyekokhe onomi yarowate, ¹⁶ nane merau a herawoumi na yakha yakha ekoijea. ¹⁷ Allah na yendo khayalo Yesaya yea nda ma moloukokhe: ¹⁸ Reyea abhure akhore kheleubokhale kiyea eraunge nare khena khanale ei hawanale, Reai Unulu Naei Einye enensinde nda khanina yoho yonggo hiwa nahele bahekhere isaeinyaei bondere. ¹⁹ Neyea na foi moi sele, khali ekheanei, nane merau nibi ni a none neai a feuw eboroiboi. ²⁰ Naiwa nihaeikokhe ehokoi hului nane merau sumbu khebenggondere khole ekhebeikoi hului, mende nahelere menjembonde, ²¹ Neai Ro Einye hilarabo nda khanina romiyea enainyehalende. ²² Nebeisa, walobo yea ikelewaimiyo, kokhunyo, khumbayo Yesusle bokhore mewate onomi yarowate. ²³ Romiyea eme wanen hubawainye nebeinye elate, "Nda niyea Daudle khelu?" ²⁴ Nebei anggeai borokhatene Farisi homona yo yea elate, "Nda Ro Na Me U mokhole Beelzebullena ban ya, walobo na yung lera." ²⁵ Yesus nebeiyo naei u benena isayeubokhene a weumi, "Yo yan khayeaikokhe yo na u re yobaikokhena nenda ma yea yo henare yembonde." ²⁶ Walobo, walobore ehukheisi hului nebei na u re nenaei khayele hayele na yo hu heki ban? ²⁷ Nebeima mbai, Reyae walobole Beelzebul lere hukheremilere. Mai fafa raheyea hukhenaimile? Nebeinye niyea Waei hakimre inyaibonde. ²⁸ Nebeibe Reyae Allah na Roh yea walobore hukherensindena, Allah Na Yo hu mai ranne mekhehonole. ²⁹ Nane merau nenda ma yea ro mbai wakhelole imeare ende na hoime bahe yaronggonde yokho yea naei sele wakhelo name ororbe na bemere ha yea ikilenneikonde na eba he yaronggonde. ³⁰ Nde Reai homora banne neyae Reai yokheijo nde Reai moisa banne, hereware wembonde. ³¹ Nebeinye mare wamale romiyea na bekho bakho Yesusre mokhonnele buhea hennekonde. Nebeibe Roh Kudusre bekho mokhonnele kiyea, buhea ehekoi hului nda hera nane merau bena ya mendene. ^{32 33} Eramale foi na ani naei ma foi, bekho kiyea naei ma na ani bekho. Rabuhineban o haa na anira ro roboyainye. ³⁴ Neyea ramile orona me na yo, nenda mekhaijea mayea a foi feau foise elenggombere?Bekho khena eisa wa yele ungane eyeisiyele. ³⁵ Ro miyea foi na a feuw foi, romiyea bekho na a feuw bekho, na khena eisa baleijate. ³⁶ Nebeibe Reyea wamale nde na a feuw bekhore mo elendena, neneaijea ensubansinde. ³⁷ Mai ara feuara mare ameyea elenate. ³⁸ Farisi homona yo bele, Taurat homona yo bele Yesusre hinainye, "Khulu, meyea khena khande rambun eme mbai kheleibo". ³⁹ Yesus yes weumi, "Nda hokholo bekho uhila wahila moo mare nebei rambun ekileiboi hului, Yunuslena mekhaijea khelerembombere. ⁴⁰ Yunus kha khaban yarele einye ya name nekheukokhe, nebei ma mbai Reyea nda khani khela yarele einye honorekhonde. ⁴¹ Niniwe romiyea nda holona yo bele nanembainye mebenaibonde Allahle khundan wame ranne romiyeare ehee buhulu inyaimile name u huluinye. Rabuhineban Yunuslena yen kholowole boraibokhene mana eren Yunuslera na bumana kiyea ndane nare mekhe hebele. ⁴² Miyea ondofolo ebun refira anunde nda hokholo bele nembainye yobei yan bei ya ne hebenaibonde me nulenaibonde, neyae nda khani na huba mokhokoi ijenda mekhene, isaei haban Salomolena boroiboise. Mana eren Salomolera bumana kiyea ndana mekhe. ⁴³ "Roh bekho romiyea naei ugara eituwele oroyele a khala khala bu ban anuwaufe beayele no re yembondere, nebeibe ehubaokoi. ⁴⁴ Nebeinye elele, "Bukherehinde be na imeare erelereya, foi sele yeubokhe yolo yolo hele. ⁴⁵ Nebeisa ekhe walobo mehinbee bele yaweumibokhe mekhate ayeubokhe nekhewate. Nebei ro na walina bekho hele yeubokhe. Nebei hului mbai nda khulunna yo. ⁴⁶ Naman romiyea heleng bele a ne elate mo Yesus nenakhe na akha beakhe bele mekhate, weaisi weaisi khoimeyate Yesusre hubainyaikonde a re unganyelere. ⁴⁷ Na ro hiyea Yesusre weunge, "Ereibo, ana naei wa akha beakhe bele moinya nare ekhai hebate, Ware a re ungayetere." ⁴⁸ Nebeibe Yesus yea weumi, "Nde Reai menakhe Reai akha beakhe?" ⁴⁹ Na me kholoukokhemo Yesus a weumi, "Nda niyea Reai akha beakhe, Reai menakhe! ⁵⁰ Rabuhineban, nde Meakho Neai khenare khole ma na me u nebei huluinye mokhondena, nebei kiyeare Reai khelufaa Reai meangge yea, nane merau Menakhe yea me bearebonde."