(Yesusle Yohanesle Bhure Koloumi Kiyea) ¹ Yesus Na U Na homona yore ahuba hungaimile kelenaimile yoran yoranda. ² Yohanes khawa einye hebewole yae, borowole Kristus na khaliya mokhowole, nebeinye na una homona yore ukeumi, ³ mekhate Yesusre hinainyele, "Weyea nane mele kiyea niyae, benen meyea ro hibe rakhemandere?" ⁴ Yesus yea weumi, "Eme Yohanes wennele Ra me u mokhale, nane merau Ra A Faeu boraube, ⁵ jokho khumbayo mana jokho erate, orora nimaikokhe yo mana anyukhete, erana bulona yo onomi yaraikokhe, anggaei khokhung yo borate, herena yo walaibokhe, khou kalona yo Injil boraibokhe. ⁶ Ra une enaleisi romiyea onomi honomi hele. ⁷ Nebeijo ewatera, Yesus nda romiyea helende Yohanesle a be weumi, "Rahebe mayea a khala khalane erembombere? O mbai alu yea khusengere?" ⁸ Mayea embe rahebe erembombere? Ro mbai malo foi hireukokhe? Nebei malore foise hirate yo ondofolo wakhun ranne nekhate ya. ⁹ Mayea embe rahere erembombere? Yendo khayalo? Yo reyea mare wamale, neyea yendo khayalore moi wokheunge ya. ¹⁰ Naei a mbai be niyea homofea ne molaikokhe, "Erem, Reai Una homona yo ufemile bere enatere, nebei kiyea yea mai nibi mokhonehande mai bene." ¹¹ Nda nahelebe mare wamale, miyea yea honaikokhe fafa nolona mbai hambai Yohanes bhure kholoumi kiyea wanen u ya. Nebeibe surga einya meleaken neyea kabaning hele Yohaneslera. ¹² Yohanesle hera mekhe nda he ne, surga yo yan a han ranne mo, romiyea bekhai yoikhai naei khena huluinyemo relaeinye. ¹³ Rabuhine ban, yen ro khayaro yea a feau nulainye mekhe Yohanesle he ne mekhe. ¹⁴ Mayea nare ei annembombena, neyea Elia nane mende kiyea niyea bya. ¹⁵ Nde anggeai bele kiyea borombonde. ¹⁶ Raheyea nda hokholore hului rarensinde ? Neyae fafa fele fele wanen roiboyate naei hokholona yore khali khanaimi, ¹⁷ na a waimile, "Meyea suling mare ranayembe, nebeibe mayea khoibea okhoi. Mayea khena bekho u bekho naei ebeli bande be mayea khena bekho hubaisi". ¹⁸ Rabihine ban Yohanes mekhe hee bhu ban ramang ban nebeinye romiyea yea elate, 'Weyea nda ro long walobo yea angebokhe orote lombe'. ¹⁹ Nebeibe Yesus naei mende ya nuwembonde bhu ramang anenderomiyea bhu mali ramang mali yea unganyele. Khahili roise yarate yore yea, bekhore mokhate yo bele khonate nebeibe isaei heaban name u huluinye. ²⁰ Nebeisamo, Yesus yo yan me re u re mokhokokhe yo na u ehimaleiboinye a yarewoumi. ²¹ "Korasim, buhea hokhoiboi! Betsaida! Nee huweiboi. Buhi wahi ma yone yanne mokhowalebe, nebei me u Tirusne, Sidonne mokhokokaleya, nendahina neyae nee huweumibokhe here malo hiraikokhe ondowai nolone nekhate. ²² Nebeibe, mare wamale, yobei yambei ya ne, Tirus bele, Sidon bele ehee khaenaibonde maisa. ²³ Nane merau Kapernaum, mayea kitenjembe yembe yakhure? Nahului ban, mare ungayemombe embe abulu einye hereyo nolone. ²⁴ Rabihine ban, mai nolone mokhowale yoni yoni Sodomne mokhole yea, nebei yo honou meube manaya bele. ²⁵ Nebei hee yea Yesus a elele, "Reyae buma khaewale Arai Tuhan buma a re kileubokhea kiyea nda yoni yoni isaeiyo heabanyo nolora nundeyae raifike. Nebeibe fafa fele felere yakhaumibokhea. ²⁶ Arai, nebei hului mbai, Weai Khenare koyea mayea Weai bene yoinye benate. ²⁷ Nemene fomene Meakho Rare kinyegokhefe, nane merau hiyea hayea Rare isiyan mo, Meakho Nembai sele naseai, nane merau hiyea hanyea Meakhore isiyan mo Reyae Na Khelu Rembai raisaei nda yoni yonire yakarembomde. ²⁸ "Raei bokhore men, wali heere hubaungele uga yambi releanae, Reyae uga fomarembombe. ²⁹ Reyae wamale a hakhombo, nane merau Raeisa membe isaeyenkho. Rabuhine ban Reyae nime haba nane merau khena u ane nekheyale. Mai bekho bakhore fainyerembombere khena foi u foi isembe. ³⁰ Reai a wamale hakhombombere nime haba, mai bakha ranna ransikamale na foma foma hele".