Yesus Na Una Homona Yo Eleukokhe (Mark.3:13-19, 6:7-13, Luk.6:12-16, 9:1-6) ¹ Yesus Na Una homona yo khaneumikokhe elae ikeumi u buluna walobore hukhenaimile neaise, nane merau era bulore onomi inyaimile. ² Nda niyea naro: Na bemena kiyea naro Simon Petrus yea uganye na akha beakhe Andreas, Yakobus Zebedeusle khelu, nebeisa Yohanes Yakobus na akha beakhe, ³ Filipus, Bartolomeus, Thomas, Matius roise arilewole kiyea, Yakobus Alfeusle khelu, Tadeus, ⁴ Simon Zelotna ro, Yudas Iskariot Yesusre naise heubokhe kiyea. ⁵ Yesus Na homona yore a weumi, "Nane mekhai a hera weumibokhe yo hineai nibire eijea nane merau Samaria yo re eijea, ⁶ Nebeibe domba-domba Israel nolora nalaibokhe yo naei bokhore yembe. ⁷ Nda mekhaijea wemmile, "Allah Na yohu nobeungebokhe mendere.' ⁸ Erana bulona yo onomi yemmile, herena yo walemmile, u rukuwna yo onomi yemmile, walobo u buluna hukhemmile balenayende me kharo yea yaraukokhene, na mekharo yea wahemmile. ⁹ Eba he ma yalu khainye ayeijea, ¹⁰ holoboi nibi naei, nane merau uga naei malo bee, oro mehau, mehukhun rabihine ban khaliya yo na ramang bele. ¹¹ Yo yan emembombe ijokho erembombe ndele imeane mayea nahului nekhembe nebei imeara alonnokhombe embalembe. ¹² Nebei imea eise emembombe a melaeyemmi bombe. ¹³ Nebei imea foinya onomi yemmile, bekhona, nebei onomi maise bensonde. ¹⁴ Nde mare khena ban kiyea nane merau mai a re boroi kiyea na yo ra nane merau hembombe. ¹⁵ Reyea mare wamale Reai yo hu mende yaa Sodom Gomora khani nahului foi yembonde nebei yo ra. ¹⁶ Mare ukamale embere domba serigala nolona wanen. Nebeinye rami wanen mea nane merau. ¹⁷ Nebeibe romiyeare buhea hokhonembe, nebeijo yea mare ikilenayembe Sanhedrin yung yung bene rahuwae bonayembe sinagoge einye. ¹⁸ Mare yaungayembe ondofolo khose be re embe Reai earene, ¹⁹ Nebeibe mare yaungayembe ondofolo khose be ne embe horo buhea hokhoijea, mai a wemmile naeise Reyae ufembe mare. ²⁰ Rabunine ban nebei a wemmile mai ubenera ban, nebei Maekholena Roh yea mai eisa wemmile. ²¹ Naei akha mbai beakhe mbaise here nibire yea kinyembonde, nane merau naekoyea na khelure kinyembonde. Fafa nane merau na akho nakhere eboroi, honate hainyate. ²² Mayea yokeijore yembombe romiyea naei be ne Reai Ro aerene. Nebei nde Reai einye hebende kiyea wali hena rowende. ²³ Mare yo ne ikele hang konayembena, yohire yea hakhambombe. Mare ufembere, Israelna yo yoni yoni honate mayea moi ewoyoimo khombe Reyea rokho benen ro berensonde merele. ²⁴ Homona yo yunde moi ewoyoi hului, nebeima mbai abhu akho ondofolo khosere moi eihayekoi hului. ²⁵ Homona yo yunde yembondena, nane merau abhu akho ondofolo khosere yembondena, nebei imea rowa walobore yembondena, akhanolo beakhenolone bekhai yoikai nekhenate. ²⁶ "Nebeinye, naere buhea hokoijea, naei be ne rambun nunna naayakha mo, nunna horore romiyea isaeinyaibonde. ²⁷ Mare ouben nolone wamale a, a heheneyea Rare wensele, anggai khelaufa elauge a, yele imea mali randaherayele. ²⁸ Nda ugare hate yo buhea hokoijea, unulure hombonde kiyea be buhea hokhonete neraka einye. ²⁹ Aye klingling bee hele naise ane hele haeibokhe nebeibe Allah Khenare mbai ruwende. ³⁰ Wa yungna unga nemene Allah me baeukokhebe hebate. ³¹ Nebeinye, buhea hokoijea, eyae na bumana nebei ayera. ³² "Nde romiyea bene buma khaenselena, Reyae naei ma nebei romiyeare Meakho surgana kiyeale bene buma khaerende. ³³ Nebeibe nde romiyea bene Rare onenselena nebei hului mbai Maekhole bene Reyea nare onerende. Rahere Yesus Mekhe (Luk.12:51-53, 14:26-27) ³⁴ Ma nendong bene nekhayembe, Reyae nda khanire onomi yeise mekhale. Reyea nda khani rande mekhale onomire ban ya menda fela yeise mekhale. ³⁵ Reyea mekhale wa khelu fafa naekholera enduwende, meanggefa naei ma nenakhelera. Na fau miyea naei ma ne nakhelera, ³⁶ akha beakhe nolora bekho yakhambonde. ³⁷ Nde akho nakhere buhea heumi Reaisa emekhai belena Reaise nahului ban. ³⁸ Nde na ofale ekhaiboijea Rare hakhonasebondena Reai romiyeare eyeiboi hului. ³⁹ Nde yea na wali Reai me einye eikinyeiboi kiyea holere emoloiboi hului. Nebei nde yea na wali Reai me einye kinyembondena nebei kiyea na wali hole molorembonde. ⁴⁰ "Nde mare yobonembobe kiyea nebei hului mbai Rare yobofebokhe. Nde mare yaungembe kiyea nebei kiyea yea Rare ukeufe mekhale. ⁴¹ Nde Allah na Yenjo khayalore yawemmile kiyea nebei kiyealera na me buhea rowende. Romiyea nahele yore yobomile kiyea na me buhea romiyea nahelera rowende. ⁴² Nde yea faa meleare bu yennele anensinde kiyea bu nukhu kholaei mbai semo yennele horo naei me buhea enundeiboi hului.