¹ Onomi foka mayee me oro nem bebele yan hine faegoke nekeyauge yore; reyae Yakobus,Allahle Tuhan Yesus wali ondofolole yebaei bubaei yae,ro melaeyamale. Ujian Iman menghasilkan ketabahan ² Aka naei baeke naei,mai waline kena beko mokonembom be rambun yoni-yoni ennehubambe heene mai kenabe na reimai yae mo kombe. ³ Rabuhine ban mayae maisaei mai hila rabo halaeungene u mali bele yae hubanayembe walora kena mauferawekoke yae na hibi-hibi wali ondo folole a wembe hului mokombe u mekaisa isayembe. ⁴ Nebei u mekai isaeyaeuboke hee mayea henauboke ro miyeare yembombe,Mai wali himalainyeboke yo wanen nekembe nane merau wali ondofolole a wembe huhuinye mo nekembe. ⁵ Mai nolone romiyae hina isaei habaende kalo moloungena,Allahre riyennihinde,nebei isaei hebae nda a yae ohoroiboi na kena faere-faere yae yennele. ⁶ Nebei,isaei hebaende riyensinde ro miyae Allah yennele re hila rabo halende hele,kena u wauwau okoijae rabuhine ban ro miyae kena u wauwau koyate yo naei u mekai nau buna alu raweiboyole rumwae boye yae ndire ndare kounge wanen. ⁷ Kena u wauwaufe koyate ro miyae Allah hena rambun yoni-yoni riyeungere Allah yennele naeise rabo nendo ehalei yae hele. ⁸ Nebei u bene bee nakele,ya hi mahi mo kole;yahire bae mahi mokole. ¹¹ (Kekayaan yang sebenarnya) ⁹ Mayae Yesus delere hila rabo halaeunge aka baeke holona yo hiwa eba he bele hiwa eba he ban nekate. eba he ban nekauge,yo rei mai koin. Rabuhine ban Yesus naei a lelere mai hila rabho kusei mahei ban mae ha laeubene,Allah mare ro bele ro miyea yae me baeyembe. ¹⁰ Eba bele he bele ro miyae nane meraurei mai kon,ye baei-bubaei mekaei jae meyae,nanemene hun hobo orokou wanem herenate. "Hun hobo orokou hu naumene yae nekeungene na orokou otaikoke nane merau na baengko fanyaiboke,nebaei mekai waneng eba he bele ro miyae nunde naei bonde na unfo-wanfo nolora. ¹² Foimoi ro miyae herawembonde hebei umali neyae hebeungonde nebei umali,neyae hokhoma rowende wali hena bona Yesusre buhae haenyelene. ¹³ Ro miyae mbali bekore mokombondere umali hubannele he,Allah yae umali ehubaisi hului nanemerau ro miyae ban beko yae Allah umali ehubaisi hului nanemerau ro miyae re Allah umali ehubayel. ¹⁴ Nebei ro miyae u mekai beko yae wabeisiyeunge eituwele nebei ro miyae nenaeijae na bekore kena haehae kole mokondere elare yae yoboibayeunge nane me rau eibulei bongene. ¹⁵ Nebei bekore haehae kole mokondere elae hulunye hakoiboyolene,u mekai bekobe uwa benaibonde be here unulu bele waheikoke wanen nebei ro miyae Allah le waheneikonde. ¹⁶ Aka naei baeke naei reyae buhaere haemale yo kayae foi hebembe. Ai ame-amere ehakoijae. ¹⁷ Ako Allah yakuna hehe yoni-yoni mokouboke kiyae-unulu yoni-yoni mahi ibewate nebelbe Allah nebei wanen ba ma hire eyeiboi,rambun na foi sele nanemene Allah era wate. ¹⁸ Naei une wane ereweunge mokou weume naei akho faeuko yae eyae nanahale ohoka na bemena wanen. ¹⁹ Aka naei baeke naei kenabuhaere hemale,yo,nda isayembom bere boromba,Yesus naei a elelereyae hale yae borombo,u rabo ehaleyeijae. ²⁰ Nebei,ikele ham konate foi moi neyae eimokoiboi. ²¹ Nebeinye mai ubene niki bele u mekaisa bene enekeijae nane merau bekore kenae haehae koimeyauge hului emekoyeijae. Yesus nael a el elereyae mai kenae une isayaeuboke. ²² Yesus naei a elele huluinye mayae mokombe hele,meyae anggel boroise eyeiboi me bham,u bham,nebei ro miyae ame-ame bhe bele. ²³ Nde yae neai ako faeuko borombondena,emokoinye neyae ro miyae na unulu bejoko yoijoko kaneung ele mekael. ²⁴ Nebaeisa kaneungeboke nauuhulu eukuke elee,isaleng pehaleng ne be yoi nenda waneng. ²⁵ Nebeibe,ro miyae nanahele ronnebonde naei akho feaiko delereyae mokonde nanemerau huba haelsa yanennelena nebei umekai mokole ro'miyae onomi foka hubanainyende. ²⁶ Nde maenim mae na ure nahaleyae dende,nebaei be na fauko melanggeng e kele koinye,na kenae u ame-ame be bele na hila rabo wawa. ²⁷ Ume kai wa mekai foinye nael bene yoinye Allah,naekore alona fafa,miyae rora molowate yo naei rime a kayae hebe mamile nda kani kela yae peko emokoijae.