( Stefanus Yahudi Yoyo Koseyore A uwoumi ) ¹ Imam kabammae a weunge, ''Nahele nenda a elate?'' ² Nebeinye Stevanus a huba raweuboke weumi, ''Aka baeke arainyaei mana raeinya a borombo. Allah nene wae-wae hele kiyae aei yobe-yobe Abrahamnde nauga yakaunge boke mesopotamia ne nekewole haeijae namemam haran yore eijae na u keunge neyae, ³ Kulum wele ele waei kani kelara, waei aka baeke nolora oro moloubonde ele kani kela mbai reyae ware ereikeleibote.' ⁴ Nebeisa Abraham kasdim kanira kulum uke eke haran kanine ekenekewole nebeisa naeko hereke moisa, Allah yae ukeunge kulum ukenda kanire meke, mana nane anuwau mayae nare nekaube. ⁵ Nebeibe Allah yae nare naei kani yae ewei nane merau kani hee kela hee mbai hambai uhele nebeibe Abraham nde aremo ukeunge nebei kani kela naei se enjembonde nebei hului mbai nekenggondera Abraham naei oro mena yoyae nekenayende naei kani kelare embende nen nebei Allah yae naei ayde hete ungokoke kani kela. ⁶ Nebeibe Allah a nda wanemae ukeunge naei orona mena yo meko-meko yo wanemae nekenate nare hereungamile yabaei bubaeise nekenate naralo yakama 400 mainyekekoke. ⁷ Nebeinye Allah nda ayae eleukoke nebei yo yam raei eleubokale wekanale yore meboi auboise kami reyae ehee buku beko nebei yo yamde me no romiyonde hele nebeisa raei romiyae nemene menai balende menate rare nenda anuwaunge buma menai sekolonde ⁸ Nebeisa Abraham nde Allah yae waline name u emokonde naeise a huwe Abraham Ishak re nebei meu kaleuboke na kelu Ishakre ya maehae mbai me hina name bele yeubokemo sunat mo krungeboke Ishak Yakub naeko nanemerau yobe naei me bee Oronnr bee bele nemene. ⁹ Nebeibe Yusuf re naise mesir kani we hael boke nebei Allah eifoi aungeboke Yusufre. ¹⁰ Nawali hole molowounge na waline hubawongera Firaun me ei u einye nebei ondofolo Firaun mae anuaw Firaun he bene yoinye mokoungeboke beyun beyebaere yeuboke mesir yone yanne nanemerauw ondofolo naei imae obe einye yo bele nanemene.