( Yahudi Romiyae Paulusre Menokainyele ) ¹ Ya maehae mbai nendo yeubokemo, Iman kaban Ananias Yahudi yun-yun hiwa yo bele Tertulus nenda yo mekate gubernur le bene Paulusre me nokainyele. ² Rabuhine ban Paulus re keunaeiinye kokera, Tertulus yae nare a ahungwounge rowa waei yo hu nekeyae, einye meyae wali foi, re mai nekeyande, ³ Maei yo yan neke yande nemene waeinya foi moi kaban hele habayane ro, Feliks buma hele kaeyaeyete. ⁴ Nebeinye nafofoyae ya heki koko re eyoboi yae, reyae riyawale waei kena u nafoi jae afaeu uwmayete boroumobonde nda imon ebin fere honole einya. ⁵ Rabuhine ban nendare nanemerau Yahudi ro miyae nenda kaniran kelaran nare mokoumi beko hele baete nebei hului mbai neyae nasrani naei beyunde hebele. ⁶ Neyae nendana Allah le ei mon-mon imae hebelere nabeko hele mokeyeunge nanewanem ane heyayeunge nebeinye meyae ikelandeboke.meyae kolomangkonde nare ehee umgnonde. ⁷ Nebeibe, Lisias,fela yunmae meke maei mera hammae meke kowoume yaweunge hoke, ⁸ Benen nebei ro miyae nare mere nokainyele yore ukeumi waei bere mekate mana wenaeiya a hineunge konde mo naei euwa na a faeu elele kayero weyae isaeyeubonde rahene meyae nare me nokande.'' ⁹ Yahudi romiyae nemene nane kena mbai nebei a faeu uwgainyele re nebei are hamane nahele yaemo elewate. ( Paulus Feliks le Bene Naei U Are Molowkole ) ¹⁰ Gubernur Paulus are elenggonde naei, u mekaiyae kongekoke Paulus aunguke mo weunge reyae isaeise nekale weyae ralo yakama nda kanina ro miyae re mere koloi me yaemae nebei wanenne reyae rei mai hubanale waei robe ro yoinye raei a faeu elere re ¹¹ Wenaei yae hulu koloinye ya mebee orone bee moise hayaendekoke ya reyae Yerusalem yore Allahle ei mommom imaere ewale. ¹² Nebei yo rare ehubayeikoi reyae a kila kila hiwayo bele nane merau a moi moi a mokoi ro helem miyae helem nolone Allahle eimommom imae na kaben hele kiyaene ei moloi-moloi imae hiwa-hiwane nebei hulumbai naei yo yam nekate ahine ahine reyae ehuweyei. ¹³ Nebeiyo rare mere nokaisele naei a faeu elate ware wayete nanemene hubabam haei bam hele. ¹⁴ Nebeinye reyae nayaka ufetere nenda nibi a neyae elate nebei sekte hibe aungunuke keluumi nanembaya aei yobe naei mokowate Allah mbai semo ro rowainye be hinewainye waei wali heere foloukoke einye nekewate naneme rau rabo halewate. ¹⁵ Nare Allah mbaisemo rabo halewate nare rakewate naei einye herenate yo be nen anyu-anyu molomile romiyae wali nahele yae nekewate yore nanemerau wali naheleban nekewate yo bele. ¹⁶ nanenda mambe eranalene reyae ra kena u hole molale nayolo-yolo yaemo nekere ndere Allahle robe royoinye nebei hului mbai robe miyae bene. ¹⁷ Ralo yakama nameyae baeikoi moise hayaendekoke reyae mekale ndare. ¹⁸ raei mena una erambum bele raei aka baekere raei yo yande raei yo ho yonggore waheremile naei be mekale mekamokale nebei be neyae erekaise Allah le ei mom-mom imaene onomi bu koubokale ra romiyae ban nanewanem akubam anaubam nebeinye Yahudi romiyae name nin-nimo Asia kanira mekate yo nanggele. ¹⁹ Naei nahele nebeiyo yae mana waei bene rareme nasowoube naei ijokore erewate reyae beko mokoubokalena. ²⁰ Nebeinye nane romiyae wemile menate mo nenaeiya naei ijokore erewate naeisaeise nekate afaeu reyae elewale beko mokawale sanhedrin be bene mekale hebewale haneiyae. ²¹ Nebeinye reyae a mbai hele elaeyae elewale nda neyae nebei yo naei nolone' Herenatera benen walenate naei a faeu be uwgaemaele.'', nebei aerene rare mana waei bene mekate beko mokowale ayae wayate.''' ²² Nebeibe Feliks naei isaei he baem nahului nebei nibi a naeise nasaei hele nebeinye nane afaeu elewate he nekeumimo weumi Lisia fela yunde hebele menderamo nda afeu elunde reyae hokorokonde. ²³ Nebeinye Feliks nafela yun hikayero ukeunge Paulus re einye haenyekoke nebeibe bohifomangeboke naei holona orowate yore deeefoloiyae naei bokare nendon oronate ei hau nganyele.( Paulus Naei Hila Rabo Kristusle Einyemo Nekewole Naei Ayaka Uwgoumi ) ²⁴ Ya hekiban nakaikokemo Feliks namiyae Drusila Yahudi maenggele mekete mo Paulus ukainyele meke nainya a faeu elenggonde nane merau Paulus naei hila rabo Yesus Kristus le einyemo nekewole kayero ayoka elenggonde. ²⁵ Nebeinye paulus wali aheleyae nekemale naei nulu kemmebonde wali beko eisa erabuhinebam aei wali bena yane hului emmekolonde ya nobeungekoke aremo elewote Feliks buhae hele hokounge bokane, "Weunge nenae nda hee yae eye reyae imon ya foi roufele mo benenende ware kaendeikote.'' ²⁶ Nebeinye Feliks naei rabo halewole Paulus nare roi yenele nebei meraunge Paulus re roko mbemba weunge mele naei bokore nanggele ahuba mbainye eyelete. ²⁷ Nebeibe ralo yakama bee moi hayaei ko kemo Feliks le anuau nekewolebe Perkius Festus yae yenguweu boke naei kena Yahudi ro miyae naei kena foi nekenaterene Feliks Paulus re waeunge hike kuna haenye koko imaene hebewole.