( Yesus Surga re Raneuweke Iwole bele Roh Kudus Mende Naei Ayaka Ukeumi ) ¹ reyae molouko kale homofae einye, Teofilus, nebei nanemene Yesus naei meu huba rawaubo ke mo kowole bele, isaei kelewoumi, ² Meke neyae surgare raneuweke iwole yane, neyae lea ikeumi Roh Kudus, le eisa noel abu ako eleu koke yore. ³ Nebei hului mbai naei uwga ya ka waumi nebei yore. neyae hereke ra benen maleu boke nanemene nayaka yaei boke, Naei uwga yae yakawoumi ya rorele u bee hele nanewenem Allah naei hubayo manjo nekele naei bele ayaka uwoumi. ⁴ Nebei nariya mbainye neke wete heyae neyae a huwe rorowoumo Yerusalem, yore enukeijae hele nebeinya nari yambainye mo neke nate rakenate, Allah naei merauw raungehike hu ya menjembonde, Reyae mare a uwale nayakayae, ⁵ Yohanes yae mare bu yae kowombe, nebei be nahekiban mo Allah mare Roh Kudus, yae mende bu wanemae kongkombe.'''(Yesus Surgare Reneuweke Iwde) ⁶ Nebeinye Nariya mabinye nekewate he yae nare a hinanyehike, ''Tuhan, nendae heyae weyae Israel naei yo neme yan neme naei mo kou bondere?'' ⁷ Neyae nebei yore weumi, nebei mai a faeu ban mayae isayembom bere naei hu ya, nebei maeko nemene mokounge hake naei me einye honole. ⁸ nebeibe mayae naeisa lae inyembe, nebei Roh Kudus mende mare hara nenembe, mayae nemene raei nya a faeu uwgamale mbai be Yerusalem, yora huba rawembombe Yudea kanine Samaria bele embe kani kela honole nahuba haeinye ene halembe.'' ⁹ nebei a faeunge uwoumi heyae, nebei yo nare erewanyele yae, neyae raneuweke iwole kanewanyele yo buma yore iwole manggoyae a heungekoke naei ijoko erewainye elsa. ¹⁰ Nebei yo nameman buma remo neyae raneuweke iwole ijokone erainye, nebei ijenne ro bee hele na malokeleumon mae hireikoke nebei yo naei bokone hebeiboke. ¹¹ Nahibi a weimi, ae Galilea ro miyae, rahene nebeinye hebau be, mai ijoko yako remo kanaube? nebei Yesus bumare raneuweke yele ma mbai surgare, benen nebei mekai mbai bensonde mende.''( Abu Ako Mbai Elaei Boke ) ¹² Nebeisa neyae baeiboke Yerusalem yore moko mbai nebei Yerusalem yo kelaeunga Zaitun,wainye nebei mokora Yerusalemde, ahau norobele Eyewate. ¹³ Nebei yone, mayeuboke nayae nahibi naei nekewate a nuwau yowa bumanane yewariefike nebei yo arilasike , naro nela neyae. Petrus, Yohanes, Yakobus, Andreas, Filipus, Tomas, Bartolomeus, Matius,Yakobus Alfeusle kelu, Simon Zelot na ro, Yudas Yakobus le kelu ¹⁴ Nebei yo nanemene arileufike nakena mbai jae roukate nebeinya miyae maenggebele, Maria, Yesus nenake naei aka baeke bele robo halewate a honowainye riwainye. ¹⁵ Nanebei ya, Petrus aunguke nebei yo naei unolo ukainye, homo bala mbainye hila rabo mbai jae halewate yo ( Naro miyae hahelem me baeikoke 120 hului) Petrus a uwoumi. ¹⁶ ''Aka-bae ke, homofae yolo yolo na afaeu molaikoke honole nahuluise yembondere naeise, nabere hele Roh Kudus yae Daud le eugara Yudasle, naeise a eleukoke neyae be neuboke ro miyae Yesus reikilinyabonde re. ¹⁷ Neyae, naei nahele aie nolone aengkele me u mbainye mokomalere be. ¹⁸ Mana, nanenda ro kani mbai rouke nanum kelai mokouboke nayae nebeinye na yunbe bere rukr, nebeisa nauga kaban nemene ruke kayekoke nabuhae kabia nemene aibaleke. ¹⁹ Nebei, bewole yakawole naei Yerusalem na nekewate ro miyae namemene naesaeimo yaeibo ke, nebeinye nebei kanire naei afaeu wae rainyebo ke Hakal-dama, na mekai , 'Ha-Kani'. ²⁰ Rabuhine bam homofae Mazmur ne molaikoke ne naei mekai jae nebei anuwau neke wole be humeban kau ban mae hononende, nebei hulumbai ro kau miyae ban ensonde hiwa yo yae naei anggenekei enai nekende; ²¹ Nebei wanemne ro mbai aenggele mbai nye homo bala orande nolora Tuhan Yesus meyesiyele eituwele aei unolo kainye. ²² Yohanes bure kowoumile hera mewole neyae aei unolo ukaisa raneuweke yane, ro mbai kelemebonde naei abu akore yembonde aenggele nanembainye naei waleuboke are faeufe elemande huwamnde.'' ²³ Nebeinye, robee elaeikoke, Yusuf Barsabas, nanewanem Yustus, yae kaenewainye bele naro hikayero Matiasle. ²⁴ Nebeisamo,Tuhan de ariwanyele, ''Tuhan wembai sele isae yeubo kae nda ro miyae nekande naei kena ei u einye ro meli mekai bele kiyae mana maere yakau me bonde nanenda ro bee nekeirera weyae eleubokae wekaenae kiyae, ²⁵ Waei abu akore yembondere, Yudas na wali waei sei euweke naei kenare koukoke anuwaufe eke.'' ²⁶ Nebeisa nebeiyo oye nihaeibokemo Matiasle rukr nahibi nare nebei nolone me bee onen mbaibele holonane ewufike.