¹ Tau Gembala, tou ban tanehisut ban abir, ketik tan inthiri jeni jakouban, tara tanin tousero, toba rusut rakouban towa ketik resnaka arek se keca. ² Hangk are keca kini kaba, emetyebeya tou maman towaro, toba ebj puhub terimta. ³ Tongka hang, maman mauwpan arek se keca, henoba maman mamtefmes erijan an terimta, kaba tan taskeij mamna Allah, tara en mehji yesus kristus, naub ren mertef egouh, tara reseyeyo, rakawasa maman toubo arek kesku akuban terimta. (Mamireseb upan Tuhan Allah mer) ⁴ Intitef egouh nakamsrij, anai tan tesnaka ban abir kaba merireseb upan arek keca, mer misen arek maman mamina aroub maman an kinohob. ⁵ Hangk tantenjowbo tanih sut ban tara kobosa nakamsrij, towetoba maman mamobsarasa tau suk mamtef erijanim kin towaro, mamtef eptebiyim kin nakamsrij. Arek tan tenjoubo banan kini kaba mer manauwero, toba ebnaub maman tau suk mamtef ebinbiny suk nosahob. ⁶ Tara mouwehykehi kini, kaba men mehjouh misen tok mametreg tau arek Allah aroub maman an kini towaro tobo maman maimo akoban tara mamtef hom terimta. Tara aregk en aroub maman an kini kaba, tok maman mamuehykey terimta. Akoban kini ka tok manau ero, toba jouman akuban suk nosohob. ⁷ Jecara jaimo tokuni teremta,anay rusut ketika raubahasa jen naungb suk jajahasero renyana rahjabero. Tau ufna misen kini, kaba renyana rahjabero se sinoko akongban, anai ren kaba renjomsa yesus kristus toka emowaten tau boko toka rusut misen towaro, ren raytito toubo nakamsrij, reni situhom kecmep toubo. ⁸ Jebihnino mejitepmes toubo mer ariybahauw arek ren rebetbet tou jen kini terimta.Towetoba arek jen jaymo hop kini, kaba hom emetyebeya tau jen terimta. Towetoba arek jemoaymo hop kini, kaba hom emetyebeya toujen toaro. Toba enc mejen syowa akoban tou jen towa nakamsrij. ⁹ Karangk emaimo yesus merkinero, toba en etregk tau en aruob maman nakamsrij, kaba en metef etogk hom tara Allah towarao, toba karan owfan Kristus en mer akoban kiniteremta, kaba en metef etok hom tara maman mamina Allah mehji Kristus rahwas tok misen towohop. ¹⁰ Tongka kaba karangk en etebej mejen tu. Henebo en ehis Kristus toka emowaten tau boko tok rusut misen. Tou jenero, jemeja eni dara jemesulow, are jep mesira towaro. ¹¹ Anai karangka ep mesira, kaba kini toka ouwsa tara men kecara kesuk kini hop. (Esulow owetep ) ¹² Aremejouh enyana ingka towan naub tesurrouw jen an kini, toba temok akouban kini se surat kinero. Anaiy tanin temembo naub tebet bet tan taniny intir touw jen touwa. Tawantoba maman mamtef akahawkohu aninim terimta. ¹³ ban abtamowa tanihsud sukuni en mehy ren resuwrow ban towa.