¹ O atoma hesik inoe kain logousak obara re Nehimia Hakhalya aput, Zedekia ineki amusu hisukwa, ² Seraya, Azarya, Yeremia, ³ Pasyuhur, Amarya, Malkia, ⁴ Hatus, Sebanya, Malukh, ⁵ Harim, Meremot, Obaja, ⁶ Daniel, Gineton, Barukh, ⁷ Mesulam, Abia, Miyamin, ⁸ Maazya, Bilgai, nen Semaya. Ap Walowak Esewerek welaukwa mene inebe ake re yi. ⁹ Apuni Lewi mene inebe: Yesua, Azanya aput, Binui ati ebe re ap ake etage Henadad ati aput, ¹⁰ Nen it inayalak he: Sebanya, Hodia, Kelita, Pelaya, Hanan, ¹¹ Mikha, Rehob, Hasabya, ¹² Zakur, Serebya, Sebanya, ¹³ Hodia, Bani, nen Beninu. ¹⁴ Ap inougi kaintek inetage werek inukuloak etage lopok hesik welaukwa ake inebe: Paros, Pahat-Moab, Elam, Zatu, Bani, ¹⁵ Buni, Azgad, ¹⁶ Adonia, Bigwai, Adin, ¹⁷ Ater, Hizkia, Azur, ¹⁸ Hodia, Hasum, Bezai, ¹⁹ Harif, Anatot, Nebai, ²⁰ Magpias, Mesulam, Hezir, ²¹ Mesezabeel, Zadok, Yadua, ²² Pelaca, Hanan, Anaya, ²³ Hosea, Hananya, Hasub, ²⁴ Halohesh, Pilha, Sobek, ²⁵ Rehum, Hasabna, Maaseya, ²⁶ Ahia, Hanan, Anan, ²⁷ Malukh, Harim, nen Baana. ²⁸ Nen, apuni etama mene ageinapuri ati, ap Walowak Esewerek welaukwa, apuni Lewi mene, kwe halekma yage welaukwa, ap ake etai watarek mene mel, Ninopase Etage pogot awi wurikmo yabu halarek mene mel, nen apuni inebe obogat en Ninopase Walowak en um inoba hikololek apuni inukuloak lopok inokawerek en inebe hegetik laukwa mene mel, inaugi inebe obogat mel, it inageinapuri elegegirugi nen helemigirugi mel, apuni inebe lopok inukuloak kagalek nen inala kagalek mel, ²⁹ Nit ninebe obogat ninogogi kaintek ninom lapukogo logolik Ninopase Walowak etage hopuk palogo mel ogo: Ninopase Walowak en ninasuk wasike wene, at atitigeke Musa yogosikomo at en yogonisasike wene ati hologo hit hogo hagati logogun. Yi'nogo haga'no, ti'nogo haga'no,iluk ninasuk wasike wene ati obogat hologo hit hogo hagati logogun, iluk at etage hupuk palogo ogo ati,'' iluk isukwa. ³⁰ Nit en ninalogomi apuni o atoma welaikarek mene ake nit en wogosasak motok lek nen ake it inalogomi nit ninageinapurik elegekerugi wogeinabusak motok lek. ³¹ It apuni ake o ati welaikarek mene nen yi'mene ti'mene ake Gandum eken ake hunogo tomok mene palogo ineki sapan egarek oba oko wanusak hesik wolok lagalaukwa, nit ineki sapan ogorek oba tegelek hano welagarek ati oba it inagarok ake nit en oko palogo wanusak motok lek. Wam mauge ineki paigoak oba warogo, nit ninakeang oba awi yatarek mene oko wonisani iluk yogosogorek lek. ³² Nit en yi'nogo halelouok iluk halogo hogosik nit hesik eka syikal nineki henagan oba wam mauge ebe lopok nit Ninopase Walowak awi wususak oba hesik wogotelaugu, ³³ Supuruk Roti werago mel, ninuke nanuke isago mel, nen ninuke nanuke warogo etu lolesusak mene mel, ineki sapan egarek oba ati ebe lopok mel, tugi ket mene holokogo nen ineki ake inoe etage werek hagalaike oba halogo hesukwa oba mel, okawerek hesik tegelek hono halogo husak hesik mel, weak halo mene sagalogo legetilik apuni Israel mene ninom lapulogo hisoagaluk hesik nen obogat nit Ninopase Walowak awi wurikmo yabu halukwa. ³⁴ Nit en oageke ap Walowak Esewerek mene inoba lagigik,apuni Lewi mene, nen apuni apigat en hali wurik okawerek hesik wolok nit ninopase Walowak awi wurikmo waukwa, apuni nit mene inebe welaikarek higit hogo ineki yiba higilouok iluk isukwasik wam mauge ebe lopok higi'laukwa, nit ninopase Etage pogot Walowak awulikin halek oba warogo werasusak hesik he, suesika wene warek a'la holal palek eperak higit hogo at halukwa. ³⁵ Nit en hogo re nit ninakeang oba abi alep agik yasugun mene e ebe lopok eken palogo wolok wam mauge ebe lopok Ninopase Etage pogot awi wurikmo wolok wagaukwa, ³⁶ Nen ake re, nit ninageinapuri ap alep talaika mene, nit ninako eak alep agik talaga mene, wam lembu, nen wam domba nit mene Ninopase Walowak awi wurikmo wolok wago nen ap Walowak Esewerek en nit Ninopase Walowak awi wurikmo yabu halukwa. ³⁷ Nit en Jelai al tagalek nit mene wolok wesugun, nit en okawerek hesik hogo mene, nen e eken ake mene ake mene, anggur, nen amusu keralek ap Walowak Esewerek mene a'la sekelek lopok o Ninopase Walowak awi wurikmo hiwesugun. Nit en kweang ake okawerek hesik hugun mene apuni Lewi mene inoba wolok wesugun atiba it kweang o sili obogat nit yabu halorek mene lopok okawerek hesik hugun mene it agalouagak. ³⁸ Ap ake Walowak Esewerek, Harun aput, hubuk apuni Lewi mene inom omakima it en okawerek hesik hisukwa mene ake wanukwa. Nen, apuni Lewi mene nenat okawerek hesik wolok ka mene okawerek etage palogo hugun mene ati nit ninopase Walowak awi wurikmo, a'la sekelek ke lopok oma hiwesusak. ³⁹ Ati nen, apuni Israel mene nen apuni Lewi mene okawerek hesik ake alikmo kek'hogo Gandum eken, anggur, nen amusu a'la sekelek-sekelek ati wolok hiwesusak. Alomo ,yi'hake ti'hake hano tegelek welagarek mene obogat werek, ap Walowak Esewerek mene nen halarek, ap kwe ape oba yage welaikarek, nen ap etai watarek. Nit en Ninopase Walowak awi wurik yi ake nit en ake hebugun motok lek.''