¹ Atiba nen at Abia ebe arat walaikomo, it en o Daud awi silomo keangma salukwa. Arat atiba nen at Asa, Abia aput inoe kain etage werek ket mene ugulokmo menogo hisukwa. At Asa nen aweakma hagasek werokolek ineki wam mauge 10 huli oba kopokogo hagagasek welaike. O ati honotok welike. At Asa, ebe o Yehuda mene inoe kain etage werek welaike wene ² At Asa nen Ninopase etage pogot, Walowak eilanem wene eberogot mene nak higit hogo hagatelaike. ³ At en apuni etage mene nen tugi kaneke halogo hilik hogoratarek mene weagarogo misalogo legetisike. At en oguluk halek uatek welaike mene mesalogo lakesike,nen inelurogo iluk atuli telogo hisukwa mene mesalogo hisike at, nen at en ake inekiba apuni halogo hogoratuke tugi hareken etage Asyera welaike mene misalogo hisihe. ⁴ At en igilpgplik 'apuni Yehuda mene hesik, nit ninopalak hogoratilaukwa mene Ninopase etage pogot, Walowak oba heratelogoino, nen Ninopase etage pogot en halelogousak iluk wene isike mene higit hogoat halelogousak. ⁵ At en hogo re bunuake ago waretelaukwake mene nen oasi hano mene oba werogasogo liagatarek mene o sili Yehuda obagat lapukogo welaike mene legetisike. Nen, at Asa ebe inoe kain etage werek hagalaike, logousak oba hano motok welaike. ⁶ Hano motok werekolek,Asa nen o sili Yehuda ebe lopok ogulok halik wurik laike. At welaike ati oba higit he weim ake hagalagilek motok Ninopase Etage pogot en it hano hano mene wogosasikesik hagasek welaike. ⁷ At Asa nen apuni Yehuda mene yogosigilogolik" o sili ke ati leget yiling waling nit en wurik luok en weni 'iluk yogosasike. Nit en kayo apuni selei mene waganem inel tatelogousak oba wutik, kwe ape palik,nen kwe ape oba palelogousak mene halogo hugun. O yi nit mene nen nit Ninopase Etage pogot, nit Ninopase Walowak ane hologo hagatelago.At en nit welago ke yogo yiling waling nit hano rogo werokolek nit en At hesik oba hanesik logouwak en heratelouok.''Nen, it o atoma hanorogo at haluak. ⁸ At Asa mene ap weim halelogousak mene inebe 300.000 huli atire Yehuda nen tagomake mene sin ugo nen sige hukotek mene wolok laguke, ake 280.000 huli apuni it Benyamin nen tagomake mene sin ugu magatek mene nen sike tok wolok lauke welaukwa. It inebe obogat lapukogo atima re weim inanini weak ekaragun tek inoane apik nen inayuk lek enak welaukwa. ⁹ At Zerah eki ake ba, apuni Etiopia mene nen Asa agoromi weim mene inoasuogoluk inebe ap esa 1.000.000 huli nen esok hagak weim laikarek mene, 300 en, it weim o sili Meresa pikit waukwa. ¹⁰ At Asa nen Zerah eperak weim haligeluk laike, it heta-heta o Zefata toke erangma,o Maresa higit hogo atoma nen ap wim awi halukwa. ¹¹ At Asa nen Ninopase Etage pogot, Walowak oba yogotilgolik, nen mel isike, "Nopase hetage pogot, Hat en apuni inoane lek mene elok leberisikenem apuni inoane werek mene inom elok weim halusak. Ninopase Etage pogot aa! Ninopase Walowak nit lebenisan, nit he Hat halagat en lebenisoak iluk hoba hogo. Nit en apuni weim mene inebe esa huko at mene ninom weim Hat hetage oba halugun. Ninopase etage pogot, Hat hebe Ninopase Walowak nit mene, apuni welek mene nen Hat hoane lek halogo hinogo iluk raksagun o!'' ¹² Nen at Ninopase Etage pogot en apuni Etiopa mene ati at Asa aua Yehuda mene oba nen inoatikesik mawen halogo hisasike, atinogo halogolek apuni Etiopia mene ati hese motok laukwa. ¹³ Ap weim mene Asa agoromi nen ap esa Etiopia mene mugusek motok o sili Gerar hisalaukwa. Apuni Etiopia mene inebe apigat inoatukwa,atiba it inebe ake ineluk heraksigilek, it en Ninopase Walowak eilanem at en nen ap esa holek mene lek halogo hisasike. At Asa agoromi ap weim mene inom en inaselei meme inagarok yimene timene inekiabusak en malaugasik wolok waukwa. ¹⁴ At Asa nen agoromi ap weim mene inom en o sili Gerar obake welaukwa mene inebe obogat lapukogo motok mawen halogo hisasukwa, apuni o sili ati welaukwa mene Ninopase Etage pogot inayuka aike. Ap weim mene Asa agoromi nen o sili atoma yimene timene motok apigat werekma obogat lapukogo inekiabusak en malaukwa. ¹⁵ Ap weim mene nen wam konelogolik pok su oba karek mene salek welaukwake weim wuluk kigilogok wam kambing domba nen unta abigat wanuwa. Nen it iapotke o Yerusalem hobuk laukwa.'iluk isike.