(Sisak En o Yerusalem Inoasigeluk Kisike Wene) ¹ Atem sat he inebe logousak hesik mel nen inebe hurek logousak oba Rehabeam ebe inoe kain etage werek hagalaikesik omame aike, meneat he at nen apuni Israel mene inebe obogat lapukogo nen Ninopase etage pogot en halilouagaluk isike mene ane hologo halik sagalogo hisukwa. ² Sisak inoe kain Mesir mene nen o Yerusalek inoasigeluk kisike ati eki wam mauge huap huli oba o atoma inoe kain etage werek Rehabeam aweama hagasek welaike. It en Ninopase Etagepgot ane hologo halelaukwa lek oba nen wene ati hagalaike. ³ Atiba nen 1.200 kereta oba lagelik kalogo laikarek mene.60.000 ap esa wam kuda oba kalogo laikarek mene.Ap esa holek o Mesir en inom waukwa mene inebe motok apigat mene ake ineki wenatilek, ati mene inebe hatagit obogat lapukogo Libia mene, Suki mene, nen Etiopia mene inomat. ⁴ At Sisak en o sili lopok leget waganek o Yehuda nen pigit horogat o Yerusalem oba nen sebelike. ⁵ At wene yogosikerek mene Semaya Rehabeam nen ap kaintek ukuloak Yehuda mene inoba waike. Ap kaintek Yehuda mene Sisak inayuk en o Yerusalek lapulik welaukwa. Semaya nen Rehabeam nen ap kaintek Yehuda mene ati yogosasike, "Wene Ninopase Etage pogot nen mel ike, hat nen apuni Yehuda mene nen An arat heranapesip nen An nane palek halelogousak iluk isigi mene halilek harakegep, atiba An nen heraginapima Sisak ekiba welagep o.''' ⁶ A'nogo ikokolek ap kaintek ukuloak Israel mene nen inoe kain etage werek Rehabeam inom inebe sebek hogo nen mel isukwa, "Ninopase Etage pogot eberogoat isukwa.'' ⁷ At Ninopase Etage pogot en eileken it hisasike hak he, inekawerek en inebe arat sebek isukwa ati nen Ninopase Etage pogot ane palek at Semaya oba mel isike, "It ebe inokawerek en sebek ega, mare An nen it inebe ake weagarinabigin motok lek, meneat he An nen it weagarinabusak lek mene halogo o Yerusalek Sisak ekimo nen lek hagologo higin. ⁸ Anogo mene at he apuni Israel mene inebe Sisak atitigeke hagalasugun. weni yi hagalasigin he it en yakulugun mene an halanilugi hake lek mene inougi inetage werek kain apuni hunigat mene halinapelougun." ⁹ At Sisak, inoe kain etage werek Mesir mene nen o Yerusalem werekma inoasigeluk kisikesik nen Yimene timene o Ninopase Etagepogot awi wurikmo welagarek oba mene nen inoe kain etage werek welagarek oba mene mel wanike. At en he sike tok wokagarek mene emas oba Salomo nen halike mene wanike. ¹⁰ At inoe kain etage werek Rehabeam en sike tok wokagarek mene emas oba halek perunggu ati at ap ukuloak o inoe kain etage werek welagarek oba kwe kegarek oba welaike mene wogotike. ¹¹ At inoe kain etage werek eki ebe lopok o Ninopase Etage pogot awi wurikmo kikilaike, ukuloak jage welagarek mene nen sike tok kowok wanarek mene peruggu halek wolok waganem hobuk o sekelek ukuloak yage welagarek mene welagarek oba hilagalaike. ¹² At Rehabeam ebe sebek ikenem, Ninopase Etage pogot en at oba amage higin mene At en lek halogo higilaike, atiba Ninopase Etage pogot en at ebe ake weagatigilek.O Yehuda atoma wene ake hano nak welaike. ¹³ At Rehabeam ebe omame apik o Yerusalem hesik okawerek en inoe kain etage werek hagalaikesik welaike. At ebe eki talaike oba welaike wam mauge 41 huli oba nen ebe inoe kain etage werek hagalaike. At ebe o Yerusalem hesik, inoe kain etage werek hagalaikesik eki wam mauge 17 huli oba nen kopokogo warogo welaike. O Yerusalem ati re o sili At Ninopase Etage pogot nen ''Apuni inukul etage lopok Israel mene etage o atoma wetewerogo hisasike. Rehabeam agosa etage Naama aua o Amon mene. ¹⁴ At Rehabeam en Inopase Etage pogot ane halogo halilek, weak mene halike. ¹⁵ At Rehabeam ebe inoe kain etage werek hagalaikesik, aleb at en pikit hubuk awurep kopokogo hagarik waike, suesika oba holal eka wene yogosagarek mene Semaya nen Ido oba holal suesika a'la palek, at eilek hike ati. It en inebe welaikarek mene hesik holal eka oba palogo hisukwa. It ake Rehabeam nen Yorobeam ebe inebe inougi kaintek inetage werek enak inaweama hagasek logolik eberak weim halomotok welaukwa. ¹⁶ At Rehabeam ebe walaikomo re, opalak salinabuka oba omakima salukwa. At ebe o Daud awisilimo salukwa. Ati nen hobuk Abia, Rehabeam aput opase welaike oba ugulukmo inoe kain etage werek halogo hisukwa. 'iluk isukwa.