: ¹ Lalo, teguu Jisus melak Bait Tipang, sala ji kelunaan murid-Na duwaan man-Hiak," Guru, nyinang im nyemdoh laan bato-bato dahin nyemdoh na bangunan-bangunan anik!" ² Dahin,Jisus nyuwena,"Nanun jaan ka nyinang bangunan-bangunan alang nyemdoh anik? Jaan tek ji bato pun alang sang melak ha usun bato bale na alang jaan sang an da nasak." ³ Dahin, jaruun Jisus melok ha usun Bukit Zaitun alang berhadap Bait Tipang, Petrus, dahin Yakobus,d ahin Yohanes, dahin Andreas metang man Jisus daap, ⁴ "Gi man kame, hiraan hal-hal hiak ti sang terjadi, dahin nun sang jadi tanda hiraan lim hiak ti sang haring pah?" ⁵ Lalo, Jisus nahari duwaan man daha, "Berhati-hati na hujung jaan tek kelunaan alang na ikak lingo. ⁶ Kahum kelunaan sang ataang halaam araan-Kui, duwaan , 'Akuina Hiak.' Dahin, daha sang pelingo kelunaan kahum. ⁷ Teguu ikak ngering tentang perang dahin berita-berita tentang perang, jaan nusah tegah. Hal-hal anik harus terjadi, tapi akhir man lim inak jaan terjadi. ⁸ Avin, bangsa sang bangket ngelawan bangsa, dahin kerajaan ngelawan kerajaan. Sang terjadi gempa bumi ha ngayaan; sang tek lao. Anikna tahari man asa nganak. ⁹ Tapi, jaga na luung ka daap. Avin, daha sang mai ikak man pengadilan, dahin ikak sang an da nukul ha sinagoge-sinagoge dahin ikak sang nekering ha naang Sanhedrin dahin raja-raja kenaan Akui, jadi kesaksian man daha. ¹⁰ Dahin, Injil hrs lebih unak an da pedengah man lim bangsa. ¹¹ Dahin, teguu daha geri ikak dahin mai ikak, am na tegah unak dahin nun alang sang im duwaan man daha, tapi gi im nun pun alang gat da karunia man ikak teguu hiak ti kenaan bukan ikak alang duwaan, melainkan Roh Kudus. ¹² Dahin, ji harin sang mai harin na man pate, dahin ame man anaak na. Anaak-anaak sang bangket ngelawan kelunaan ayak nadahin lemate daha. ¹³ Dahin, ikak sang an da besi kenaan lim kelunaan araan -Kui. Akan tapi, kelunaan alang tetap bertahan ataang akhir na sang an da selamatkan." ¹⁴ "Namun, teguu ikak nyinang pembinasa keji, daha alang tek ha Yudea harus liuung ha gunung. ¹⁵ Kelunaan alang berada ha atap uma am ngileh atau mutaam ha alam uma untuk musaang nun pun man halaam uma na. ¹⁶ Dahin, kelunaan Alang tek ha lumak, am nekulah untuk api' jubah na. ¹⁷ Selaka na daha alang mali dahin daha alang nusok nyaam-nyaam na tek do-do hiak ti. ¹⁸ Berdoa na hujung hal-hal anik jaan terjadi man musim hengaam. ¹⁹ Avin, man do-do ti sang terjadi teguu perah ayak alang jaan terjadi sejak permulaan penciptaan, alang Tuhan ciptakan ataang kereni, dahin jaan sang kalak terjadi nguwaak. ²⁰ Dahin, hiraan Tenangaan jaan mempersingkat do-do hiak ti, jaan sang tek ji kelunaan pun alang an da selamatkan. Akan tapi, demi alang da pili, alang mempersingkat do-do hiak ti. ²¹ Au hiak ti, hiraan tek kelunaan duwaan man ikak,' Nyinang, Kristus tek ha inik!' Atau,' Nyinang, Hiak tek ha hi ti!' Jaan parsaya. ²² Avin, mesias-mesias mamoh dahin nabi-nabi mamoh. ²³ Waspadalah! Akui au megi man lim pelo pah sebelum na. ²⁴ Namun, teguu do-do hiak ti, au hiak ti terjadi na teguu perah ayak,' Matando sang jadi lidam, dahin bulan jaan na nyemo malah. ²⁵ Kerawing-kerawing sang legak man langit, dahin kuasa-kuasa ha langit sang an da goh."' ²⁶ Lalo, daha sang nyinang anaak Kelunaan ataang halam awan-awan dahin kuasa dahin kemuliaan alang tayak. ²⁷ Lalo, Hiak sang mengutus malaikat-malaikat dahin mepang alang an da pili man keepat arah mataan di, man puun-puun bumi ataang ha puun-puun langit. ²⁸ "Pekale na man perumpa-maan puun lunun: teguu gaang-gaangna au ngelema dahin itun-itun na musaang, maka ikak jaam bahwa musim lasu au jelaang. ²⁹ Nunaan pa dahim, hiraan ikak nyinang hal-hal anik terjadi, ikak jaam bahwa Hiak au jelaang, ha tebeh betaman. ³⁰ Akui megi alang laan na man ikak, generasi anik jaan jaan sang lalo ataang lim anik au terjadi. ³¹ Langit dahin bumi sang lalo, tapi firman-kui jaan sang kalak lalo." ³² "Akan tapi, kelung do atau jam hiak ti, jaan tek ji kelunaan pun alang jaam, jaan lim malaikat-malaikat ha surga, jaan lim pa Anaak, ha Bapa. ³³ Waspada im, berjaga-jaga na. Avin, ikak jaan jaam hiraan sang ataang. ³⁴ Hal anik kelung kelunaan na hadi halam ano. Teguu hiak melak uma dahin mai' kuasa man pelayan-pelayan na, dahin hadi na daap-daap, dahin lim nyuhu da alang jaga betaman hujung tetap pekave-pekave. ³⁵ Kenaan hiak ti, berjaga-jaga na kenaan ikak jaan jaam hiraan da halam uma hiak ti sang ataang, levi do, atau belua malam, atau teguu henyaam ngeturut, atau jehima-jehima buta', ³⁶ am sampai hiak ataang petekejat dahin nyinang ikak lagi tudu'. ³⁷ Nun alang Akui duwaan man ikak tinik, Akui duwaan man kelunaan kahum lim: 'Pekave-pekave na!"'