¹ "Sebab, Umaa' Telaangjulaan anaan nekelung alang hipun kebon jehima-jehima sekali leka' sang pelip hadi-hadi man kebon anggur na. ² Teguu' hia' au sepakat dahin daha' alang nyadi, hia' nyuhuu' daha' ha kebon anggur na. ³ Dahin, kira-kira t' jam ketelog. ⁴ Lalo, hia' duaan man daha', 'Ika', leka' lim pa ha kebon anggur dahin nun alang pantas sang ak aii man ika'.' Dahin, daha' pun leka'. ⁵ Harijuee uak, sekitar jam keenam hia' leka' dahin na hal alang tiah. ⁶ Dahin, kira-kira jam puluu' jii', hia' leka' dahin pehinaa alang bale na tengaah nekring dahin hia' duaan dahin daha', 'Avin nun pa ika' nekring ha tini' nganggur putung do?' ⁷ Daha' duaan dahin na, 'Kenaan jaan pa te' alang pahadi kame'.'Alang hipun kebon anaan duaan ha daha', 'Ika', te lim pa ha kebon anggur kui.' ⁸ Teguu' do au nahari malam, alang hipun kebon anaan duaan dahin mandor na, 'Uvi na lim daha alang nyadi au hiti' bayar na ha daha' upah na, nahari dahin alang bayaa' atang alang tahari.' ⁹ Teguu' daha' alang d' pahadi t' jam puluu' jii, atang, masing-masing kelunaan nerima 1 dinar. ¹⁰ Teguu' daha' alang d' pahadi tahari, atang, daha' ngira sang nerima lebih kahum. Tapi, daha' masing-masing lim pa nerima 1 dinar. ¹¹ Teguu' nerima na, daha' protes t' alang hipun kebon. ¹² Daha' duaan, 'Kelunaan-kelunaan alang mutaam bayaa' hanya nyadi selama 1 jam, dahin ika' na' daha' tiah dahin kame', alang au menanggung beban dahin lasuu' terik ji do.' ¹³ Tapi, alang hipun kebon anaan nyuee dahin duaan ha jii man daha', 'P'lo harik, akui jaan besalaa' ha ika'. Bukankah ika' au sepakat dahik jung jii dinar? ¹⁴ Apii' na anum au hiti' laap, tapi akui ikam mai man kelunaan alang bayaa' ani', tiah nekelung dahim. ¹⁵ Apakah akui jaan d' benarkan sang na nun alang ak ikam terhadap alang ak hipun dap?' Atau, apakah mataam ja'ak kenaan akui sayuu'?' ¹⁶ Jadi, alang bayaa' sang jadi alang tahari', dahin alang tahari' sang jadi alang bayaa'." ¹⁷ Teguu' Jisus sang te leka' ha Yerusalem, Hia' geri puluu' dua murid na bepisah. Halam ano, Hia duaan ha daha, ¹⁸ "lemnang im, ita' sang te ha Yerusalem dahin anaak Kelunaan sang d' ai man imam- imam kuhung dahin ahli-ahli Taurat. Daha sang ngehukum hia' dahin lemate. ¹⁹ au hiti' daha sang mai hia' man bangsa-bangsa bale sang ngulok, nyipat, dahin nyaleb Hia'. Dahin, t'do ketelog, Hia sang an d' bangkit." ²⁰ Au hiti', hinaan man d' anaak-anaak Zebedeus peji dahin d' anaak-anaak na atang ha Jisus dahin besujud sang akee gat ha Jisus. ²¹ Dahin, Jisus duaan dahin na, "Nun alang im ikam?" doh anaan nyuee, "Suhuu' na jung kedua anaak kui hamaan melok halam Umaa'-Ka, ji ha behenji betao'-Ka dahin ji ha behenji behulee-Ka." ²² Tapi, Jisus nyuee, "Ika' jaan jaam nun alang im ake. Apakah ika' mapu dui' man sawaan alang harus Ak dui'?" Daha' duaan dahin Jisus, "Ai', kame' mapu." ²³ Jisus duaan dahin daha', "Ika' memang sang dui' man sawaan-Kui, tapi sang melok betao'-Kui atau behulee-Kui, bukan na hak-Kui mai ina', melainkan bagi daha' alang au d' persiapkan man Ame-Kui." ²⁴ Teguu' puluu' murid alang bale ngering ina', daha' heleh ha kedua d' paharin anaan. ²⁵ Tapi, Jisus muvi daha' dahin duaan, "Ika' jaam bahwa lim penguasa bangsa-bangsa bale memerintah usun daha, dahin kelunaan-kelunaan tayaa' daha mano wewenang usun daha'. ²⁶ seharus na jaan nunaan man p'lo, tapi hi alang ikam jadi taya'a t' haang p'lo, hia'a harus jadi pelayaan ka. ²⁷ Dahin hi lim alang ikam jadi alang ke'ji t' haang p'lo, hia'a harus jadi hamba ka, ²⁸ tiah nekulung anaak kelunaan, alang atang jaan jung d'layani, tapi sang melayani dahin mai beruaan sebagai tebusan man kahum kelunaan." ²⁹ Dahin, teguu' daha' melaak Yerikho, kelepang kelunaan livoh Hia'. ³⁰ Dahin, dua kelunaan buta alang tengaah melok ha bahe' alaan, teguu' ngering bahwa Jisus lalo, daha' bukaak, "Tanangaan, Anaak Daud, masii' im kame'!" ³¹ Kelunaan kahum duaan jung daha' ngeraam. Tapi, daha' semakin tayaa' pebukaak, "Tanangaan, Anaak Daud, masii' im kame'!" ³² Au hiti', Jisus nagaah dahin muvi daha'. Hia' duaan, "Nun alang im ikam Ak na man ika'?" ³³ Daha' duaan dahin-Na, "Tanangaan, kame' ikam mataan kame' an d' ap." ³⁴ Jisus tergerak kenaan belas asii' ha daha', dahin menjamah mataan daha', dahin do anaan lim pa daha' nerima hinang na uak, dahin livoh Jisus.