¹ Au Jisus menyelesaikan lim daho'-Hia' ha' nang kalunaan bangu', Hia' mutam ha' Kapernaum. ² Ha' tinan, te' ji' kalunaan Perwira Romawi alang hipun budak alang ga' hargai hia'. Budak anan tengaah medam parah dahin hamper mate. ³ Teguu' Perwira anan ngering tentang Jisus, hia' nyuhuu' kuri' muku'-muku' Yahudi pehina Jisus dahin ake Hia' atang jung na' sayuu' pelayan hia' anan." ⁴ Teguu' d'kalunaan anan atang ta' Jisus, daha' laan-laan ake muhon ta'-Hia'. Kurin daha', "Kalunaan ani' layak kelaan pertulongan-Ka', ⁵ kenan hia' mengasihi bangsa ita' dahin hia' lah alang ngebiti' sinagoge man ita'." ⁶ Leka'nah Jisus peji' daha'. Teguu' Hia' au jelang ha' uma' perwira anan, perwira anan nyuhuu' kuri' kawan na' jung duaan ta' Jisus, "Tuan, am Ika' menyusahkan diri' ta' akui kenan akui jaan layak nerima'-Ika' ha' uma' kui. ⁷ Anan nah sebab na', akui dap merasa mam layak jung atang ta'-Ika'. Tapi, duaan nah ji' patah kata tua', maka pelayan kui pasti sang sayuu'. ⁸ Kenan, akui pun ji' kalunaan bawahan alang membawahi prajurit-pajurit. Ha' akui duaan ta' ji' kalunaan prajurit, 'Te nah!', hia' pun leka'. Ha' aku duaan ta' prajurit alang bale, 'Atang nah!', hia' pun atang. Dahin, ha' akui duaan ta' budak kui, 'Na' nah ani'!', budak kui pun sang na' ina'." ⁹ Teguu' Jisus ngering gat anan, Hia' merasa hiran ta' perwira Romawi anan. Sambil berpaling ta' kalunaan bangu' alang ne-Hia', Hia' duaan, "Akui duaan ta' ika', bahkan ha' antara kalunaan Israel pun Akui jaan kalak havung iman taya' nuni'." ¹⁰ Teguu' rombongan alang ga' utus ta' Jisus nekulah ha' uma' perwira anan, daha' kelaan budak na' au sayuu'. ¹¹ Teguu' jima' na', Jisus te ha' ji' bua' kuta araan Nain peji' lim murid-Na' dahin rombongan kalunaan bangu' alang ne Hia'. ¹² Teguu' Hia' jelang betaman gerbang kuta, te' mayat ji' kalunaan lake'-lake' alang ga' usung musang. Kalunaan alang mate anan anaa' tunggal man hinan na' alang au janda. Dahin, te' ngahum kalunaan man kuta anan alang peji' dooh anan. ¹³ Teguu' Tanangaan nginaang dooh anan, Tanangaan berbelaskasihan ta' hia' dahin duaan, "Am nangi". ¹⁴ Au anan, Hia' jelang dahin mekam tandu jenazah anan. D'kalunaan alang mengusung tandu anan pun berhenti. Lalo, Jisus duaan, "Hai anaa' muda, Akui duaan ta' ika', maur nah!" ¹⁵ Au anan, kalunaan alang mahup deh mate anan melo' dahin nahari duaan. Dahin, Jisus nekulah kan hia' ta' hinan hia'. ¹⁶ Lim kalunaan alang nginaang gat anan ga' penuu rasa takut lalo nahari' memuji Tipang dahin duaan, "Ji' kalunaan nabi taya' au muncul ha' tebeluaa' ita'!" dahin "Tipang au lawat umat-Hia." ¹⁷ Dahin, daho' tentang Hia' au menyebar ha' lim Yudea dahin ha' lim ngayan bale ha' sekitar na'. ¹⁸ Murid-murid Yohanes megi' ta' Yohanes tentang lim gat anan. ¹⁹ Lalo, Yohanes muvi' dua' murid na' dahin mengutus daha' ta' Tanangaan jung metang, "Ika' kah alang sang atang anan? Atau, haruskah kame' kave alang bale?" ²⁰ Teguu' daha' atang ta' Jisus, daha' pun duaan, "Yohanes Pembabtis nyuhuu' kame' jung atang ta'-Ika' dahin metang, 'Ika' kah alang sang atang anan? Atau, haruskah kame' kave alang bale?"' ²¹ Teguu' anan, Jisus tengaah na' sayuu' ngahum kalunaan man lim pedam, wabah, dahin roh-roh ula'. Hia' pun mengaruniakan pekinaang ta' ngahum kalunaan mam haman nginaang. ²² Sue Jisus ta' dua' kalunaan anan, "Te dahin im cerita nah ta' Yohanes tentang nun alang au ika' inang dahin kering: kalunaan mam haman nginaang haman nginaang, kalunaan mam haman pano haman pano, kalunaan alang kusta ga' tahirkan, kalunaan mam haman ngering haman ngering, kalunaan mate ga' biti'kan, dahin ta' d'kalunaan miskin ga' ai daho' sayuu'. ²³ Kenan anan, berbahagia nah hia' alang jaan tersandung kenan Akui." ²⁴ Au utusan-utusan Yohanes te, Jisus duaan ta' kalunaan bangu' tentang Yohanes, "Jung nginaang nun kah ika' te ha' padang belantara? Nginaang buluh alang ga' har di? ²⁵ Namun, nun alang te ika' inang? Kalunaan alang mete' hakaow nyamdooh? Nginaang nah, kalunaan alang mete' hakaow nyamdooh dahin murip halam kemewahan te' na' ha' istana-istana hipi'. ²⁶ Jadi, nun alang ika' te kinaang? Ji' kalunaan nabi? Ai', Akui duaan ta' ika', bahkan lebi' man ji' kalunaan nabi. ²⁷ Hia' lah kalunaan na', alang tentang hia' te' ga' tulis: 'Ngering nah! Akui nyuhuu' utusan-Kui una' man Ika'. Hia' nan alang sang mempersiapkan alaan ha' nang-Ika'.' ²⁸ Akui duaan ta' ika', ha' antara lim kalunaan alang kala' ga' nganaa' man dooh, jaan te' ji' kalunaan pun alang lebi' taya' man Yohanes. Tapi, alang paling tu'u' halam Kerajaan Tipang, lebi' taya' man hia." ²⁹ Teguu' kalunaan bangu' dahin lim pengumpul pajak ngering gat ani', daha' pah mengakui keadilan Tipang kenan daha' au ga' baptes dahin baptesan Yohanes. ³⁰ Tapi, d'kalunaan Farisi dahin ahli-ahli Taurat menolak rencana Tipang ta' diri' daha' kenan daha' jaan pah ga' baptes Yohanes. ³¹ "Dahin nun kah Akui mengumpamakan d'kalunaan alang murip teguu' generasi ani'? Kelung nun kah daha' anan? ³² Daha' adalah kelung anaa'-anaa' alang melo'-melo' ha' pasar, alang berseru ji' dahin alang bale, 'Kame' har seruling ta' ika', tapi ika' jaan ngarang. Kame' nyanyi lagu perkabungan, tapi ika' jaan nangi.' ³³ Kenan, teguu' Yohanes Pembabtis atang dahin jaan kuman roti atau dui' anggur, ika' duaan, 'Hia' ga' mutam sitan.' ³⁴ Tapi, teguu' Anaa' Manusia atang kuman dahin dui', ika' duaan, 'Nginaang nah! Hia' ji' kalunaan alang rakus dahin pedui'! Hia' pun sahabat lim pengumpul pajak dahin d'kalunaan bedusa!' ³⁵ Tapi, hikmat ga' laan kan man anaa'-anaa' na." ³⁶ Teguu' ji' kali, te' ji' kalunaan man golongan Farisi alang mengundang Jisus jung kuman peji'-Hia'. Jisus te ha' uma' kalunaan Farisi anan dahin melo' kuman. ³⁷ Ha' kuta anan, te' ji' kalunaan dooh bedusa. Teguu' hia' jaam Jisus tengaah kuman ha' uma' kalunaan Farisi anan, hia' pun mele' ji' bua' butol pualam alang isi na' minyak wangi. ³⁸ Lalo, hia' nekering ha' laung Jisus, ha' jelang tudaa'-Hia', sambel nangi dahin nangi dahin nahari' membasuh tudaa' Jisus mete' ata' mataan na' dahin mengusap ina' mete' buk na'. Au anan, hia' mebo' tudaa' Jisus dahin mengurapi Hia' dahin minyak wangi. ³⁹ Teguu' kalunaan Farisi alang mengundang Jisus nginaang gat terani', hia' duaan halam kenap, "Ha' kalunaan ani' ji' kalunaan nabi, Hia' mesti jaam hi' dahin dooh kelung nuno' alang mekam-Hia' anan kenan dooh anan ji' kalunaan pendusa." ⁴⁰ Jisus menanggapi dahin duaan, "Simon, te' alang ikam Ak duaan ta' ika'." Sue Simon, "Gi' im, Guru." ⁴¹ Jisus duaan, "Te' dua' kalunaan alang berutang ta' ji' kalunaan pelepas kelupah dahin alang bale na' berutang 50 dinar. ⁴² Teguu' dawa' jaan sanggup bayar, pelepas kelupah ani' pun mebat utang dawa'. Kere, hi' kah ha' dawa' kalunaan anan alang sang lebi' mengasihi pelepas kelupah anan?" ⁴³ Sue Simon, "Menurut kui, kalunaan alang paling ngahum ga' bebaskan utang na'." Jisus duaan ta' hia', "Ika' menilai ina' laan." ⁴⁴ Sambel berpaling ta' dooh anan, Jisus duaan ta' Simon, "Nun kah ika' inaang dooh ani'? Teguu' Akui atang ta' uma' ka', ika' jaan mai ata' jung membasuh tudaa'-Kui, tapi hia' membasuh tudaa'-Kui dahin ata' mataan na' dahin mengusap ina' mete' bu' hia'. ⁴⁵ Ika' jaan mai Akui bo', tapi hia' mam henti-henti na' mebo' tudaa'-Kui man Akui mutam. ⁴⁶ Ika' jaan mengurapi kuhung-Kui mete' minyak, tapi hia' meminyaki tudaa'-Kui dahin minyak wangi. ⁴⁷ Kenan anan, Akui duaan ta' ika', dusa na' alang ngahum anan au ga' amppon kenan hia' petujok kasih alang taya'. Tapi, kalunaan alang uk ga' ampon, uk pun mengasihi." ⁴⁸ Lalo Jisus duaan ta' dooh anan, "Dusa ka' au ga' ampon." ⁴⁹ D'kalunaan alang tengaah melo' peji' Jisus nahari' metang halam kenap daha', "Hi' kah Kalunaan ani' atang Hia' haman mai ampon dusa?" ⁵⁰ Jisus duaan ta' dooh anan, "Iman ka' au menyelamatkan ika', te nah dahin damai."