¹ Au hiti', Jisus duaan ha lim murid-Na, ''Bato sandungan pasti sang tek,, tapi celaka na kelunaan alang nyebabkan hia'. ² Lebih sayu ji bato kilangan an d' ngatung ha' keraan na dahin hia ketaah ha halam laut daripada hia jadi sandungan bagi da nyaam uk ani'. ³ Waspada na! ha' da harim na dusa ha ika, im duaan hia; ha' hia nyesal t' dusa na, im asi' hia. ⁴ Bahkan, ha' hia bedusa t' ika' kahum na tusuu' kali halam jii do, dahin nekulah ha ika' tusuu' kali dahin duaan, 'Akui nyesal, 'im ngapon na hia.'' ⁵ Dahun rasul-rasul anaan man Tanangaan, "tambah na iman kame!" ⁶ dahun Tanangaan ha daha', "Ha ika' hipun iman alang ayaan na nekelung uaang sesawi tuaa', ika hamaan duaan ha kayo' murbei ani', 'Tubit nina man tanaa dahin d' nuvuu' ha laut,' dahin kayo' anaan samg taat ha ika''." ⁷ "Hi alang man p'lo alang hipun hamba, alang tengaah membajak atau menggembala, sang duaan ha hamba na anaan teguu' hia' nekulah man luma', 'Ha nah, melok na dahin kumaan'? ⁸ Jaankah hia' sang duaan dahin hamba na anaan, 'Siap na pengumaan man akui dahin hakaw alang layak nayaan melayani selagi akui kumaan dahin dui'. Au hia naan, baru na ika' hamaan kumaan dahin dui'? ⁹ Sang na hia' berterima kasih ha hamba na anaan kenaan na alang an na suhuu'? ¹⁰ Nunaan lim pa dahin ika'. Apabila ika' au na lim alang an d' suhuu' ha' ika', duaan na im, 'Kame hia ni ka hamba alang jaan berharga. Kame hanya na nun alang wajib kame na." ¹¹ Halam alaan-Na te ha Yerusalem, Jisus mano lim perbatasan t'haang Samaria dahin Galilea. ¹² Teguu' mutaam ha' ji desa, Hia' pehina dahin pulu' kelunaan kusta alang nekring suu'-suu' man-Hia' ¹³ dahin daha' bukaa' mete' dahun bo', "Jisus, Guru, im asi' na kame'!" ¹⁴ Teguu' Jisus lemnang daha', Hia duaan ha' daha', "Leka ne im dahin petulaa na lu'ung ka ha' imam-imam." Dahin, teguu' daha' halam ano, daha' jadi tahir. ¹⁵ Teguu' sala' ji man daha' nyinang bahwa diri na au sayuu, hia' nekulah dahin memuji Tipang dahin dahun alang kuat, ¹⁶ au hiti' besujud ha' nang tudak Jisus dahin beterima kasih ha'-Hia. Kelunaan anaan hia' ti' kelunaan Samaria. ¹⁷ Au hiti', Jisus duaan dahi kelunaan anaan, "Jaan kah tek puluu kelunaan alang au an da tahirkan? Ha hino na pitaan kelunaan alang bale? ¹⁸ Jaan tek t'haang daha' alang nekulah sang memuliakan Tipang selain kelunaan asing ani? ¹⁹ Au hiti', Jisus duaan dahin na', "biti' na, iman ka au nulong ika'." ²⁰ Teguu' an da metang man kuri kelunaan Farisi tentang hiraan Uma' Tipang sang atang, Jisus nyuee daha' au hiti' duaan, "Uma' Tipang au sang atang jaan inaa-inaa alang hamaan tulaa', ²¹ jaan hamaan te' kelunaan alang duaan, 'Nyinang, Uma' Tipang te' ha hini'!' atau, 'Uma' Tipang te' ha tinaan!' kenaan sebenar na Uma' Tipang te' ha' tebeluaa' p'lo." ²² Au hiti', Jisus duaan man murid-murid na, "Sang atang na do na ika' ikam patee lemnang ji do man do-do Anaak Kelunaan, tapi ika' jaan hamaan lemnang hia'. ²³ Kelunaan-kelunaan sang duaan dahim, 'Nyinang, hiti'!' atau 'Nyinang, tinii'!' Tapi, am leka' dahin livoh kelunaan-kelunaan anaan." ²⁴ "Kenaan nekelung bekilat alang tulaa' man ujung langit alang jii t' ha' ujung langit alang balee, demikian pa Anaak Kelunaan teguu' do-Na. ²⁵ Tapi, Anaak Kelunaan harus kahum peraah terlebih unaak dahin da' tolak man generasi ani. ²⁶ Dahin, nekelung alang au terjadi teguu' do-do ha' zaman Nuh, demikian pa tayaan teguu' do-do Anaak Kelunaan. ²⁷ Kelunaan-kelunaan kumaan dahin dui, ngehawaak dahin da' kahawaak atang teguu' do Nuh mutaam ha halam bahtera dahin atang na lepaa' ayaa' au hiti' lematee' lim daha' pah. ²⁸ Tiah hal na alang terjadi t' zaman Lot, teguu' anaan kelunaan-kelunaan kumaan, dui, melee', belee', nuvuu', dahin nekring. ²⁹ Tapi, t' do teguu' Lot melaak kota Sodom, api dahin belerang legaak man langut nekelung usaan dahin lematee' lim daha' pah. ³⁰ Nunaan na keadaan na t' do teguu' Anaak Kelunaan da nyatakan. ³¹ Teguu' do anaan, hi pun alang te' ha seng umaa', dahin gat-gat na te' ha halam umaa', am nyuhu hia' ngileh hujung api' ina; dahin hi pun alang tengaah te' ha' luma', jaan na hia' laap. ³² Ingat na nun alang terjadi t' hawaan Lot! ³³ Hi pun alang mahali memelihara nyawa na, sang pu'eh nyawa na. Dahin hi pun alang pu'eh nyawa na, sang nulong hia'. ³⁴ Akui duaan dahim, t' malam anaan sang te' na 2 kelunaan alang tudu' ha' 1 nayaan tudu'. Tapi, alang ji kelunaan sang da' gerii', sedangkn alang balee' sang da' laak. ³⁵ Dua' doh sang ngelukung gandum pejii', alang ji kelunaan sang da gerii', sedangkan alang balee' sang da' laak. ³⁶ [Nunaan pa dua' alang nyadi ha' luma', alang ji kelunaan sang da' gerii', sedangkan alang balee' sang da' laak."] ³⁷ Au hiti' murid-murid metang dahin Jisus, "Ha'hino, Tanangaan?" huee' Jisus man daha', "Ha' hino te' bangkai, ha' tinaan na manuk nyaho' sang pehengkung."