¹ Teguu' ji' do, Jisus sabayaang ha' ji' ngayan. Teguu' Hia' au sabayaang, ji' kalunaan man murid-murid-Hia' duaan ta'-Hia', "Tanangaan, ajar nah kame' sabayaang tiah kelung Yohanes ngajar d'murid na'." ² Au anan Jisus duaan ta' daha', "Teguu' ika' sabayaang, sabayaang nah kelung nuni': 'Ame, ga' kudus nah araan-Ka'. Atang nah kerajaan-Ka'. ³ Mai nah ta' kame' kanan alang secukup na' putung do, ⁴ dahin ampon nah dusa-dusa kame' kenan kame' dap pun mengamponi putung kalunaan alang te' sala' ta' kame'. Dahin, am nah geri' kame' ha' halam pencobaan."' ⁵ Au anan Jisus duaan ta' daha' "Seandai na' salah ji' ika' hipun ji' kalunaan kawan dahin ika' te ha' uma' kawan ka' anan teguu' tengah malam dahin duaan ta' hia', 'Kawan, pujamkan akui telo' roti, ⁶ kenan ji' kalunaan kawan kui alang tengaah na' perjalanan singgah ha' uma' kui, tapi akui jaan hipun nun-nun jung ga' tawarkan ta' hia'. ⁷ Mungkinkah kawan ka' anan man halam uma' nyuee, 'Am ngaru akui! Betaman au ga' kusi dahin akui beserta anaa'-anaa' kui au ha' ngayan tuduu'. Akui jaan haman maur jung mau nun pun ta' ika'.' ⁸ Akui duaan ta' ika' bahwa meskipun kawan ka' anan jaan maur dahin mai gat ta' ika' kenan ika' sahabat na', tapi kenan ika' peging muhon, hia' pasti sang maur dahin megi' nun alang ika' perlukan? ⁹ Jadi, Akui duaan ta' ika' ake nah, ika' sang menerima'. Ilo nah, ika sang havung, Ketuk nah, betaman sang ga' pa'ap kan man ika'. ¹⁰ Kenan hi' pun alang ake sang menerima'. Hi' pun alang ilo sang havung. Dahin hi' pun alang mengetuk, betaman sang ga' pa'ap kan man hia'. ¹¹ Te' kah ji' kalunaan ame ha' antara ka' alang sang mai nyipa' ha' anaa' ka' ha' hia' ake masik? ¹² Atau mai hia' kalajengking, ha' hia' ake teloh? ¹³ Ha' ika' alang ja'a' jaam nuno' mai alang sayuu' ta' anaa'-anaa' ka', apalagi' Ame' ka' alang ha' t'lang julaan. Hia' sang mai Roh Kudus ta' d'kalunaan alang ake ta'-Hia'." ¹⁴ Teguu' ji' do, Jisus muga' sitan man ji' kalunaan lake' alang mam haman duaan. Au sitan anan musang, kalunaan alang mahup na' mam haman duaan anan haman duaan dahin kalunaan bangu' jadi hiran. ¹⁵ Tapi, kuri' kalunaan duaan, "Hia' muga' sitan dahin kuasa Beelzebul, pemimpin sitan." ¹⁶ Kuri' kalunaan alang bale na' ikam menguji Jisus, daha' ake Hia' nujokkan ji' tanda man t'lang julaan. ¹⁷ Tapi, Jisus jaam nun alang daha' pikirkan dahin duaan ta' daha', "Putung kerajaan alang terpecah-pecah dahin saling menuerang sang hancur. Dahin, keluarga alang anggota-anggota na' saling bermusuhan sang tercerai-berai. ¹⁸ Jadi, ha' iblis pun terpecah-pecah dahin melawan diri' na' dap, nuno' mungkin kerajaan na' haman tetap bertahan? Akui megi' nunan kenan akui duaan bahwa Akui mete' kuasa Beelzebul jung muga' sitan-sitan. ¹⁹ Ha' Akui muga' sitan-sitan dahin kuasa Beelzebul, dahin kuasa hi' kah anaa'-anaa' ka' muga' daha'? Kenan anan, daha' nah alang jadi hakim ka'. ²⁰ Tapi, ha' Akui mete' kuasa man Tipang jung muga' sitan, Kerajaan Tipang au atang ta' ika'. ²¹ Ha' ji' kalunaan alang kuat dahin bersejanta lengkap menjaga istana na' dap, harta benda na' pasti halam keadaan aman. ²² Namun, ha' te' kalunaan alang lebi' kuat man hia' sang menyerang dahin ngalah kan hia', maka kalunaan alang lebi' kuat anan harus merampas senjata-senjata alang ga' andalkan man kalunaan anan dahin mai-mai kan harta rampasan na'. ²³ Hi' pun alang jaan te' ha' pihak-Kui, hia' melawan Akui. Dahin hi' pun alang jaan mengumpulkan peji' Akui, hia' mencerai-beraikan." ²⁴ "Ha' bila roh najis musang man lu'ung ji' kalunaan, roh anan sang berkeliling lawat ngayan-ngayan alang kering jung ilo ngayan ngelarah, tapi hia' jaan havung ina'. Kenan anan, akui duaan, Akui sang nekulah ha' uma' alang au ak lak kan.' ²⁵ Teguu' hia' nekukah, hia' halam keadaan ter paa ma'ang dahin teratur rapi. ²⁶ Au anan, roh najis anan leka' dahin ngajak tusu' roh alang lebi' ja'a' man hia' jung mutan ha' uma' atang keadaan kalaunaan anan su' lebi' ja'a' man sebelum na'." ²⁷ Teguu' Jisus duaan ani', ji' kalunaan doih alang te' ha' tebeluaa' kalunaan bangu' pebuka' "Ga'berkat nah rahim alang au nganaa' Ika' dahin bua' dada alang nyusoo' Ika'." ²⁸ Tapi, Jisus duaan, "Berbahagia nah kalunaan alang ngering firman Tipang dahin menaati ina'." ²⁹ Teguu' d'kalunaan alang berkumpul makin ngahum, Jisus duaan, "Generasi ani' generasi alang ja'a'; daha' menuntut ji' tanda, tapi jaan ji' pun tanda alang sang ga' tujokkan ta' daha' selain tanda Yunus. ³⁰ Kelung Yunus alang jadi tanda bagi d'kalunaan Niniwe, nunan nah Anaa' Manusia sang jadi tanda man generasi ani'. ³¹ "Teguu' do kiamat, Ratu man Selatan sang bangkit peji' d'kalunaan man generasi ani' dahin hia' sang menghukum daha' kenan hia' atang man ujung bumi jung ngeringkan hikmat Salomo, sedangkan ha' tini' te' ji' kalunaan alang lebi' taya' daripada Salomo. ³² Teguu' do kiamat, d'kalunaan Niniwe sang bangkit peji' generasi ani' dahin menghukum na', kenan d'kalunaan Niniwe betubat teguu' Yunus berkhotbah ha' nang daha', sedangkan ha' tini' te' ji' kalunaan alang lebi' taya' man Yunus." ³³ "Jaan ji' kalunaan pun alang au murip kan pelita, sang melo' pelita anan ha' ngayan alang tehuk atau ha' hida' gantang. Sebalik na', daha' melo' pelita anan ha' tudaa' pelita atang d'kalunaan alang mutam haman nginaang malaah na'. ³⁴ Mataan pelita lu'ung ka'. Ha' mataan ka' sayuu', lim lu'ung ka' sang ga' penuu' dahin malaah. Tapi, ha' mataan ka' ula', lim lu'ung ka' sang ga' penuu' lidam. ³⁵ Kenan anan, berhati-hati nah sebe malaah ha' halam diri' ka' jaan jadi lidam. ³⁶ Ha' lu'ung ka' ga' penuu' dahin malaah dahin jaan te' bagian na' alang lidam, lu'ung ka' anan sang mai malaah lim ina' tiah kelung teguu' ji' bua' pelita mai malaah kan ika' dahin malaah na'." ³⁷ Au Jisus selesai duaan, ji' kalunaan Farisi mengundang-Hia' jung kuman. Hia' pun atang, lalo melo' dahin kuman. ³⁸ Tapi, kalunaan Farisi anan hiran teguu' nginaang Jisus jaan mayo usuu'-Hia' una' senelum kuman. ³⁹ Namun, Tanangaan duaan ta' hia', "D'kalunaan Farisi kelung ika' ma'ang kan bagian hawa' cangkir dahin wit, tapi ha' halam ka' penuu' dahin keserakahan dahin kejahatan. ⁴⁰ Hai d'kalunaan budoh! Jaan kah Hia' alang na' bagian hawa' juga na' bagian halam? ⁴¹ Kenan anan, bagikan nah nun alang te' ha' halam ka' anan sebagai sedekah ka'. Dahin nunan, ika' sang benar-benar ma'ang. ⁴² Tapi, celaka nah ika', d'kalunaan Farisi! Kenan, ika' mai perpuluu'an ta' hasel selasih, dahin lim macam tanaman kebun ka', tapi ika' mengabaikan keadilan dahin kasih Tipaang. Seharusna' ika' na' lim gat anan tanpa mengabaikan hal-hal alang bale. ⁴³ Celaka nah ika' d'kalunaan Farisi kenan ika' ikam melo' ha' ngayaan paling sayuu' ha' sinagoge dahin ikam menerima' hurmat ha' pasar. ⁴⁴ Celakanah ika' kenan ika' kelung kuburan alang jaan bertanda, alang ga' kajak-kajak kalunaan tanpa daha' jaam." ⁴⁵ Au anan, sala' ji' kalunaan ahli Taurat duaan ta' Jisus, "Guru, teguu' ika' duaan gat-gat ani' Ika' pun menghina kame'." ⁴⁶ Namun, Jisus nyuee, "Celakanah ika', hai ahli-ahli Taurat! Kenan, ika' melo' beban jung ga' pikul kalunaan bale, tapi ika' dap jaan ikam mekam beban anan ji' jari pun. ⁴⁷ Celakanah ika' kenan ngebiti' makam jung nabi-nabi alang ga' nelemate man uku' aya' ka'. ⁴⁸ Bahkan, ika' megi' ta' lim kalunaan ika' mengakui perbuatan uku' aya' ka'; daha' nah alang nelematr nabi-nabi anan, tapi ika' alang ngebiti' kubor na'. ⁴⁹ Ani'nah sebab na', Tipang halam hikmat-Na' duaan, 'Akui sang ngutus nabi-nabi dahin rasul-rasul ta' daha', taoi kuri' man d'kalunaan alang Kui utos jung sang nelemate dahin ga' siksa,' ⁵⁰ sebe dahaa' lim nabi, alang temaoh man dania ga' ciptakan, haman ga' tuntut man generasi ani', ⁵¹ man dahaa' Habel atang dahaa' Zakharia, alang ga' nelemate ha' antara altar dahin Uma' Tipang. Ai, Akui duaan nunan ta' ika' generasi ani' sang bertanggung jawab ta' gat ani'. ⁵² Celaka nah ika', hai ahli-ahli Taurat! Kenan ika' au api' kuci pengetahuan, tapi ika' dap jaan ikam mutam dahun mekap-mekap kalaunaan bale jung mutam." ⁵³ Au Jisus mela' ngayan anan, ahli-ahli Taurat dahin d'kalunaan Farisi nahari' memusuhi-Hia' dahin menekan-Hia' dahin lim pertanyaan. ⁵⁴ Daha' berkomplot jung mekam Jisus dahin duaan alang ga' duaan-Hia'.