¹ Mangka, malaikat kalimana na puwiya trompetna, dangu kuitaya na adinu ta awangu na kanabiya ta pinu tana, dangu ti yina da unaiya na kuci kabonga kelung kaka. ² Na buwaiya na kabonga kelang kaka, maka na luhiya na kubuhu walingu ta kabonga, hama kubbuhu api walingu ta culur bakul, na mata ladu dangu na arumangu kapatang mulanaka na kubbuhu liang. ³ Mangka, walingu ta kubbuhu liangu da luhu da kabala ta pinu tana, dama bani hama tamicuk ta tana. ⁴ Da peka'da peku abi daparuhuha da matur ta tana, dama macubbu atau da pungu yia, taka dapa ruhha'da hanya ji'aha yid'da dama daningu tada waling ti Allah ta koba matada. ⁵ Da'da palewaha untuk ba'da pamatiha, taka hanya peku da pamayillaha yid'da selama 5 wulla; hama mayilla ruku cicukku tamicukku. ⁶ Ta rahi nu, na tu rara nama nyarana na mati, taka da'da paddayama. Da buhangu pa mati, taka da'da toma ma pamati. ⁷ Da hada kabala hama jaraha dapa hadia paki pabera wengu; dangu nida ta pinu katikuda dama hama tera amaha, da ngorada dapa ngora tungu. ⁸ Da logi'da hama logi awini dangu da ngidu'da hama ngidu singa, ⁹ da kurru'da hama kalabi bihuha, da kappa'da da puni hama puni kereta dapa wengu jara dangu ta panyia pabera. ¹⁰ Dangka, da kiku'da hama tamicuk dama ningu madakut'da, ta kiku'da ningu tara peku pama yilla weha da turara bal 5 wulla. ¹¹ Maraba dama palewaha na ngarana malaikat kelang akat, nama ta hilu Ibrani na ngarana "Abadon", taka mangka jala tahilu Yunani dapa ngarana "Apolion". ¹² Na harui kawunga na lappahaka, taka neminapa na dua'da harui. Trompet na kanamu napuniya ¹³ Mangka, malaikat nama kanamuna na puwiya na trompetna, dangu ku rangiya na ngahali walingu ta pati kadu altar amahu nama nina ta lihi ni Allah, ¹⁴ na wena ta malaikat nama kanamuna nama ketang trompet, " Pahella'da da pati malaikat dapa leku ta loku efrat bakul." ¹⁵ Maka, da pati malaikat, dapa siap wengu jam, ladu, wulla, dangu dungu dapa hella'da peku pa matiha sepertiga turara. ¹⁶ Da tentara wengu jara 200 juta dangu'da; boku rangihha da kira'da. ¹⁷ Dangka, tuna nuka dapa itagu da maga dipa da jara dangu dama madidu'da; dama madidu,da da paki kalabi bihu rara habila, moru metung, dangu wingur hama belerang; da katiku jara hama katiku singa dangu walingu ta abbada na luhu api, muahu, dangu belerang. ¹⁸ Walingu ta katilunaka sepertiga turara da matiha; wengu api, muahu, dangu belerang nama luhu walingu ta abba'da. ¹⁹ Mula, ta kalua jara nina ta abba'da dangu ta kiku'da. mula da kiku'da hama maddiha dama ningu katiku'da, dapa weda untuk pama yillaha da turara ²⁰ Taka yina, da turara dama muruku, dama da mati da harui nu, da'da hariamapa walingu ta pata muruku'da abi da hamayangu ta marapu dangu ta katoda amahu, perak, tembaga, wacu, yia; dama da ita, da rangi, dangu jala halaku, ²¹ dangu yidda da'da hariama bada pamati tu, kabali mata, ta ropangu, dangu ta kedu.