Mangaka nu, ku itaha da patu malaikat dama denguru ta patu penjuru pinu tana, talanga hada daha da patu ngilu pinu tana abi da'da hagang ta tana mara, ta tahuk, dangu ta pungu yia. Mangaka nu, ku itaya na malaikat hawayuku nama hunga walingu ta pahunga ladu, dangu na nidiha da kawubuhu walingu ti Allah nama muruk. Na ka'okangu wengu lingu wadung ta tuma patu malaikat dapa hawingu u'da kuaha dama paruhaya na pinu tana dangu na tahuk, "Jammanaka paruhakya na pinu tana, tahuk dangu da pungu yiaba da'dipa bama uyaiya na tada kawubuhu ta koba matada da wicu palima na Allah da." ⁴ Yani ku rangiya ba tuma pirraha dapa kawubuhu da dangu da 144. 000 tu. Dama walingu ta pira-pira kabihu da anana i Israel. ⁵ Walingu ta Kabihu Yehuda 12.000 walingu ta kabihu Ruben 12.000 walingu ta kabihu Gad 12.000 ⁶ walingu ta kabihu Asyer 12.000 walingu ta kabihu Naftali 12.000 walingu ta kabihu Manasye 12.000 ⁷ Walingu ta Kabihu Simeon 12.000 walingu ta kabihu Lewi 12.000 walingu ta kabihu Isakhar 12.000 ⁸ walingu ta kabihu Zebulon 12.000 walingu ta kabihu Yusuf 12.000 walingu ta kabihu Benyamin 12.000 mangeka patina tada. Da Tu hamatahuk. ⁹ Mangaka nu ku itaya, da tu rara kaba'ba dapa da pena kirada, dama walingu ta ngara duka parengu dangu kabihu, kaboguru, da denguru ta haga hangaji dangu ta haga Ana Bebi, dapa wanang kalabu kaka dangu da ketang ru dawar; ¹⁰ da ka'okangu pawadung "Na muruk palupang tunaka i Allah ma nama ngodu ta hangaji, dangu duma ni Ana Bebi." Dangu, ngaradukada da malaikat dama denguru ta kalihu hangaji nu dangu takalihu mabokol, dangu takapatu ranga nu, yida da karoduk ta haga hangaji dangu da hamayangu ti Allah, ¹² wengu hilu, "Amin! Napa'oha dangu naka bibak dangu na pengu dangu riki wiwi dangu ta patebu dangu ta kuaha, dangu tapakalua dumana i Allahda lodu luppana. Amin!" Mangaka nu, na hatu mabokulu napa newi dangu na katanawa yanida, Herrakah dama pawanang kalabu kaka ni dangui gida wali nida?' Maka, kuhimaya, "yummukah mu peda maraba." Mangka, wenaga, " Yidda ni tu ma hawingu luhu walingu ta mayilla bakul dangu dapa pawarahu wikuda walingu ta wai re Ana Bebi. Ba tunaka nu, da denguru t haga hangaji Allah dangu da paata wikuda ti Allah ladu malung dang hangani-NA, dangu da enga danga na YINA nama ngodu ta pinu hangaji. Yida da'da helu karebang dangu da'da mada'uma ; dangu bolu da'da paddamaya wajalu na mataladu. Mulanaka, Ana Bebi nama nina ta dua hangaji nu nama Pawada yidda dangu nama irruha yidda ta mata wai muruk; dangu Allah nama poddaha da wai matada