Mangaka nu, ku ita ya ta lima awana na YINA nama ngodu ta pimu hangaji nu howu kojul hurat biha nama ningu tuluhuna taka raha bara dalu dangu ta habalu, napa kawubuhu wengu pucu kawucuku, Dangu, ku itaya nahatu malaikat bakul nama ka okangu wengu ngahali wadung, " Herayaka nama piaku paweihaya na kojulu hurat biha nu dangu nama waihaya na kawubuhuna"? Taka yina, da ni'angu hatu ta surga, ta pinu tana dangu ta lubu tana nama piayaku bu'aiya na kojulu hurat biha nu. Maka, yanu ku hia mila ati mula da ningu hatu ma piayaku pa waihaya na kojul hurat biha nu atau ma itaya na ihuna. ⁵ Taka jiayaka nu, hatuna walingu ta mabokulu wena ti yanu, "Pajangka pahia! Botunaka, Singa walungu ta kabihu Yehuda, ubuku ni Daud, nama hawingu taluna lodu na piayaku bana waihaya na kojul hurat biha nu dangu na pucu kawubuhuna." ⁶ Dangu, ku ita tapa dua hangaji dangu patu ranga awe, dangu ta padua mabokul na hangiwu Ana Bebi na denguru, hama pawingu paropuya, nama ningu pucu kaduna dang pucu mata, jiayaka na pucu Ngahu Macua ni Allah napa lewa ta pinu tana. ⁷ Ana Bebi nu name dangu na tekiya na kojul hurat biha walingu ta lima awana na Yina nama ngodu ta pinu hangaji. ⁸ Dangu, na Ana Bebi bana tekuya na kojul hurat biha nu, da patu ranga dangu da kadu'da kabulu patu mabokulu da karoduku ta haga Ana Bebi nu, da kawera ketangu howu kecapi dangu howu koba amahu nama binu wengu kemenyan, jiahaka da tu biha. ⁹ Mangaka nu, yida da lodu wengu lodu wudungu, wenaka: "Yumuka ma piayaku patekuya na kojul hurat biha nu dangu nama buaiya na kawubuhuna mulanaka Yumuka pa ropu. dangu wengu wai re-MU Yumu ka ma pod'daha da tu walingu ta ngara duka kabihu, dangu kaboguru untuk i Allah. ¹⁰ dangu Yumuka ma woluha yidda da jadu kerajaan dangu padita-padita untuk i Allah, dangu yida dama jadi pareta ta pinu tanah." ¹¹ Mangaka nu, ku itaya, dangu ku ranguya na ngahali walingu ta malaikat dangu nama koruna na hangaji, patu rangu, dangu dama mabokulu nu. Dangu da kirada yida harata rihuda, tipa kabulu ratada, ¹² na ka'okangu wengu ngahali wadung, "Yinaka na Ana Bebi nama piayaku dangu napa hawingu ropuda nama katakiya na kuaha, dangu na dedu, dangu na pengu, na pakalu'a dangu nakabibaku, dangu napa oha." ¹³ Mangaka nu, ku rangiya da ranga dama nida ta surga, ta pinu tana dangu ta lubu tana dangu ngara dukana dama nida, dapa newiya, "ti YINAIYAKA, nama ngodu ta pinu hangaji, dangi ti Ana Bebi, ngara dukana na paoha, napa patebu, kabibak dangu kuaha lodu lupana!" Dangu, da patu ranga nu, da panewiya, Amin! dangu da mabokulu da karoduku dangu da hamayungu.