¹ "Dangu, hagang malaikat kaboguru ti Sardis tuluhika: Ninakah napanewi-Na nama ningu pucu Ngahu ni Allah dangu pucu adinu nu: Ku pena napata dadukumu. Daloluki olimi nigupa baumuruku, taka nama padenungu mati ya. ² Pa atiya, dangu pakaluaya garaya nama ninapa, nama tipa mati, dadipa KU itaya naparamu bana patupungu ti mata ni Allah. ³ Mulanaka nu, munamiyaka garaya napa kolumu dangu napa itamu, manudunaka nu dangu hariayaka! Jiaka du paatiakaya, KU megu hamanaka tu kedu dangu yumu du pemana jam piraya bu KUmegu yumu. ⁴ Taka yina, nidapa tu pira tu ta Sardis dama dadipa pairak wikuda; dangu yida da halaku are-GA da paku kalabu kaka mula yida da layak. ⁵ Na tu nama talu dapapakuda kalabu kaka dangu Daku pod'dahama na ngarana walung ta Buku Bakul. KU akuya na ngarana ta hagani Ama-GU dangu ta haga ni malaikat-malaikat-Na. ⁶ Heraika nama ningu kaculuna ka rangika garayaka napa wena i Ngahu Macua hagang takabogur-takabogur." ⁷ "Dangu, hagang malaikat kaboguru ti Filadelfia tuluhika Ninaka na hilu walingu Nama Biha dangu Nama Manang, nama pamanuya na kuci Daud, nama buwaiya da ni'ang hatu ma toniya dangu da ni'ang hatu ma buwainaya: ⁸ KU pegiya na patamu. Itaiyakah, Ku buwagi na waba, da ni'ang hatu matoniya mulanaka nakaluamu nama ha wutuna, taka mu panuduna na pulung-GU dangu dukatadak wemana na ngara-GU. ⁹ Itaiyaka, nida ta tumu pira walingu ta kaboguru i Kabaliku, dama we wikuda tu Yahudi, taka dana padenung ma, da palagitang, taka jia yina KU pakarodukkuha ta hagamu dangu da peka, batunaka Yanu Ku namu ayimu. ¹⁰ Mulanaka bu manuduya na pulungu Yanu, peku mu canu bu pate-Ga, maka ba tunaka nu KU pa mawu pa inugu walingu ta harui ta haduka na me walingu ta gida-gida nama pagigu ngara dukana na nina ta pinu tana. ¹¹ KU geha nomugu. pamanuyaka nama nina ti yumu, peku da ni'ang hatu matekugiya na duma muruku palupangu. ¹² Heraya ka nama talu, KU pajadiyaka kabaringu Uma Hangaji Bihana i Allah-Gu, dangu da helu lalungumanaika walungi tu nu; dangu KU tuluhunaika na ngarani Allah-GU dangu na ngara panyia hangaji ni Allah-GU, ba jiayaka na Yerusalem wudungu, nama purungu walingu ta surga, walingu ti Allah-Gu, dangu na ngara-Gu nama wudungu. ¹³ Herayaka nama ningu kaculuna kana rangiyaka garaya napa tikina Ngahu Macua hagang takaboguru. ¹⁴ " Danu, ti malaikat kaboguru Laodikia tuluhika: Jia yakah na ngaha'li ni Yehu, saksi nama manudu dangu nama manang, nama kawunga walingu tapadowuni Allah; ¹⁵ KU pena ngaradukana napatamu du maringu dangu du wajalu. Na rihupa pahamu bau maringu atau bau wajalu. ¹⁶ Mulanaka bu dau maringu ata bu dau wajalu, maka KU muta baligu walungu ta a'ba-GU. ¹⁷ Mulaka napa newumu, 'Ku dedu, dangu da ni'angu majapu gara-gara,' dang du pemana bau harui, mila, kabola dangu kalolu. ¹⁸ KU panauwumu peku mu hiya walingu ti Yanu amahu rara peku mu dedu, dangu kalabu-kalabu kaka mu peku pakiya peku namakemu mulanak nakalolumu abi na hunga, danu rohina minya namatamu kapiakuna bu ita. ¹⁹ Heraya napa namu-GU, KUpanauwiya dangu KUpaliya; tunakanu, pahagallaya na atimu danu harianaka! Botinaka! KU denguru ta waba umamu dangu KU kayekagu. Jika nikanaka nama rangiya na ngahali-GU dangu na waihaya na pidu, KU tama ti yina dangu KU ngangu dangana dangu yina na oli-GA ²¹ Herayaka nama talu, KU helana nangodu danga-GA ta HangajiGU, hamanaka Yanu nama talu danu KUngodu dangana na Ama-GU ya Hangaji-NA. ²² Herayaka nama ningu kaculuna tunaka kanarangu garaya napa tomana i Ngahu Macua ti kaboguru=kaboguru."