Mangka, na ugaya na hapangu awu, na hadana hama takung ukur, dangu na hiluna, "Halakuka dangu ukur ya na Umana ni Allah dangu altarna dangu jala yida nama hamayang. Taka yina, jamana na pelataran Umani Allah taha bali uma, abi ukur diya mula udayaka ta parengu; dangu yida nama kangijakna Kota Suci dalu 42 wula. Dangu, KU unaiya na kuaha ta du'ada saksigu dangu yida da bernubuat selama 1260 ladu bada paku katari haduka." Yidakadi da 2 pungu zaitun dangu 2 api pelita dama denguru ta hagana i Muri nama duma na pinu tana. Dangu, ba nikangu tu buhangu pamayillaha yida, na luhu na api walingu ta abana yida peku pakaciya da gabbada yida. Hera balika nama pamayillaha yidda, dapa mati wena api. Ba tuma dua ningu kuaha bada toniya na awangu abi na purungu na urangu ta ladu nubuat da yida; dangu ningu kuaha ta pinu wai peku pahepana wai re peku pamayilaiya na pinu tana wengu pira harui, piangu bada buhangu. Dangu, bada patuppuna kesaksian da yida, na ranga nama hunga walingu ta kabu kelangu mati napa bera gabbana yida dangu nama kalahya dangu napa matiha. Dangu, daka matina tuma dua da tahabar ta larung kota bakul, nama pangerana dapa ngarana Sodom* dangu Mesir, panyianai Muri da yita jala bada harikaya. Dangu, walingu ta ngara duka parengu dangu kabihu dangu ta hilu da itaya daka matina da tuma dua selama 3,5 ladu dangu da'da pa o'ahamana bada tanina ta ratu. Dangu, nama engangu ta pinu tana nida ta riki wiwi wala mata mulada yidda; dangu da kawera paniduda hadiah hatu demi hatu mulanaka da tuma dua nabi da pamayilaha yida dama ningu ta pinu tana. Taka yina, ta habali 3,5 ladu, na ngahu muruku walingu ti Allah na tama ta tuma dua ma mati, dangu na denguru ta pinu wicuda yida lodu yida dama itaiya da hawada. Mangka, yida dama rangiya na ngahali wadung waling ta surga nama wena "Detaka ti nemi!" Dangu yida da deta ta surga ta lubu arumangu, dangu da botida da gabbada. Dangu, ta rahina nu, nina na opung bakul lodu nabuluru sepersepuluh parengu nu; dangu pucu rata tua rara mati mulana opung, dangu nama da mati hawada datenguna, dangu dapa ohaya i Allah nama ta surga. Na haduka nama ke dua na lapahaka; itaiya ka na haduka nama ketiga nama nomina. Mangka, na malaikat nama kapucuna na puwiya n trompet na, dangu ta rangiya na nghali walingu ta surga nama wena, " Pareta pinu tanah na jadikah pareta na i Muri da yita dangu Yina Yang Diurapi-Nya*, dangu Yina na Mapareta lodu lupana." Mangka nu, da dua pulu patu mabokul* dama ngodu ta hangajida, ti hagani Allah, daka karoduku dangu da hamayingu ti Allah, Wengu panewi, "Ma pamalangingu ti Yummu, oh Muri, Allah nama Kuaha, Nama Nina dangu Nama Hawingu Nina, mulanaka MU teki baliya na kuaha-MU nama bakul dangu MU pareta. Dangu, da pira parengu da bani, taka na bani-MU na meka, dangu tomanaika na rahina da tu mati peku dihakimi dangu MU uda kahewada na wicu lima-MU, nabi-nabi* dangu da tu haranu dangu dama hawadaGU, dama mameduku dangu dama mabakulu, dangu peku paruhaya dama paruhaiya na pinu tana!" Mangka nu, na tawaihaka na Bait Allah ta surga dangu na hungaka Tabut Perjanjian Allah ta Bait-Nya, dangu na ninakah naka billa dangu na ngahali kabala dangu na opung dangu urangu es bakul.