¹ Mula na nu, olidadi buhagu, nama pariki wiwi wala mata wa dangu nama pakawau gu, dengur ka wengu madung ti Muri. ² Ku kadingi ya i Euodia dangu i Sintikhe peku da muruk pa buhang ti Muri. ³ Ya, ku kadingimi oli ati gu, tulu keda da awini mula yida ke dama rama buat danga ga ta parama Injil, dangu jala ke i Klemens dangu oli rama kema hawayik ku, na ngarana nama tuluhungu ta hurat bakul. ⁴ Riki wiwi wala mata ka ti Muri. Hadaka wali ke ku panewi gimi, riki wiwi wala mata ka! ⁵ Tunaka na maddahu atimu kana pegi ya na tu ngara duka na. Tuki nai ka I muri. ⁶ Abi momu di ngara duka na. Taka, patoma balena na pawuku atimu ti Allah dalu habayangmu dangu paka dingu dangu gaku koku egi ati. ⁷ Hagela hawola ni Allah nama rihi walingu ta peda jiaya nama pawa rada dai na ati da dangu na pangadngmu ti Yehu Kritu ⁸ Ba tunaka, olidadigu ngara dukana nama manangu, ngara dukana nama adil, ngara duka na nama warahu, ngara duka na nama hamu, ngara duka na napa pa'oha, pangadana ka ngara duka na. ⁹ Garraya ka napa pemu, kataki ya, rangi ya, dangu napa itamu ti yanu, pa halakiya ka duna, peku i Allah nama duma na na hagela hawola na pawa rada gu. ¹⁰ Lali ku riki wiwi wala mata ti Muri mula na nucu, bu paitta balige ya na perhatianmu ti yanu. Memang, ta habalina ana da ni'ang alogamu bu boti ga. ¹¹ Ku lolukki ngerana ya, mula da ka'dang baniga ta majapi, mula ku pajukang wiku gu boku pa ganang wikugu ta dali garra bali. ¹² Ku pena garrai ya na artina na majapi, dangu ku pe jalana garrai ya na artina na d'edu. Dalu ngara dukka dangu ta dalu garra bali, ku hawingu belajar na kuci muruku harengu hamu, ngerang ta bihu tungu jala ta karebang, tukana ta muruk dangu kamarak doui hamang ka ba da ningu doui. ¹³ Na piaku ku pa dowi ya na ngara dukana mula nina Yina nama uga kalua ti yanu. ¹⁴ Taka yina, hawingu mu padowi ya nama hamu mu haga danga giyanamabuatu. ¹⁵ Yumu mu pena, kaboguru Filipi, ba ta kawunga pahalakiya na pelayanan Injil, boku kedengana na parengu Makadonia, da nimang kaboguru ma buhang bana doki danga ge nama buatu, ta dalu ungu dangi kayi da, meha'am yimi. ¹⁶ jiapa, ba ta parengu Tesalonika wa, mu pa nidu jala ga tulungu pa b'ira wudang. ¹⁷ Taka yina, da ji'ama patulung pamanyara gu, na pa pamanyara gu na wuana nama pa bakulu gi na uttumu. ¹⁸ Ku awingu kayi ya na wudana, dangu na rihi wali ka. Na tomang daba ka garaiya napa perlu gu mula na ungumu napa panidimu ti yani lewat Epafroditus. na patulungu mu na j'adi kamarak persembahan nama hamu, kurban nama padenungu, dangu na pabuhana i Allah. ¹⁹ I Allah gu na pagana dab'bagi yanapa perlumu panamatu na na d'eduNa nama kabibak ti Yehu Kritu. ²⁰ Na biha makka duma nai Allah dangu Ama da yita lodu lupangu. Amin ²¹ Pa tomakege ya na patebugu yanu hagang ta tu haranu ti Yehu Kritu. Patebu duma mu walingu ta olidadi oli haranu da dama arega ti ya. ²² Ngara dukana na tu haranu na panidimi patebu ti yimi, tut mehang yida dama rama ta hangaji Kaisar. ²³ Na hagela hawola walingu ti Muri Yehu Kritu na pawa radagimi na hadewamu. Amin