Pasalla 8
Maneilo Manganne monno Kuasa.
1
Garra appa sama dengaiwi na ata ama neilo amanganne? Monno, nggarra apandengge atafsira ngarakuana? Maneilo mangannena ata nya appa wegara matana, nyawe ne kattona matadena na mawungngawe.
2
Yowwa kupanewe, "Pa akage ne patekkina na raja orna ne paenda da barana Maromba Allah.
3
Darrapa ngettana bu kedde keremu ne arona a raja. Du dangginkana bu pattuwekkina ne parawi adirraka orona na raja ba na rawige ngarakua appawe ne pakambu atena."
4
Gai kapandengge, Newe patekkina raja mangu kuasana bana kako, monno garrai ata apanewe barrana, "Appawe ne parawimu?
5
Garrukugu a dekuge ne Lii pareta danna pandekige ne a dirraka, ne atena ata amaneilo monno manganne na pandei na loddo monno pana ba kadenggai.
6
wai rapana monno tutuna ngarakuana ponnutana laka na luakoge ne pa rugi dengana na ata pia.
7
danna pandekige wukku appawe ne adadi orona ba garraku atekkigo barramu wukku ne adadi.