Kummpulan Papanungga amaneilo ¹ Ne ngara andua na nduapo daripada ne minyaka a boto wellina, monno ne loddo mate na nduapo daripada ne loddo dadi. ² Na nduapo kako matedana daripada kako ne pesta dana, orona ne mate dana ba ndukkabana tolekana atapia, monno hida atolleka aka lalluge ate dana da. ³ Ngi o ate na nduapo dari pada maita ate, orona ne ngio ate, nalewara ate dana. ⁴ Ne atena ata pande waige ne umma matedana, tapi ne atena na ata kambokko nee waige ne umma akadumdamaka. ⁵ Na nduapo ne teguran na ata pande daripada ne ndodona ata kambokko. ⁶ Appa pahinna 'dengngawe, Patuddawaige tarawasu amuttuna ne kabu tawali, hinna kaiwe maitana ata kambokko. Ne ahinnana na kobbokawe. ⁷ Ne patindasa na rawiwi na ata bana kambokko, monno ne mapodeta na pakaroddukawe ne ate.. ⁸ Na nduapo ne bana murriwe daripada bana ulluwe. Ne mawu ate na nduapo daripada keketa wekkinna. ⁹ Ndu ngettakana ne atemu bana buttuge, orona ne buttu ate nee ngge akadakka ne atedeta da ata a kabokko. ¹⁰ Ndu panewekana, "Appa hitti manna-manna patalira kana nduapo daripada ne bahinna nee? Orona, Nda walikina pande danamu bu tekkiwe. ¹¹ Ne pande na sama ndua dengage hidda warisan, monno nyawe pa utuna na ata a etawa na mataloddo. ¹² Appa pahinna dengawe, Pakarawa dengawe ne pande na pagaige bakarawawe ne riti. Monno ne paseipa dengana ne pande orona bana patolekawa na morina. ¹³ Patuungge ne papawillina Maromba Allah! Nggarra apa wessi appa lurusage ne papakabekkoNa? ¹⁴ Ne Loddo a ndua, senangnga atewu. Hinnamo ne loddo papa dangora denga patuungge, Na Maromba Allah na rawige ne a ia hinna kaina bana rawingge waddeka. Ndaii pongkipu ia ata atabbokawe wukku apa dadi koka . Gaiilngge na atapia kadana tabokakawe ne wuku apa dadi ne koka. ¹⁵ Ne tolekanggu a tillira, ku etaba ngara kuana. Waiwi ata nduwa a mate ne nduwa dana na, monno waiwi ata ata bokala a mate ngindiwe ne kadekalana. ¹⁶ Darra pa allu nduwa monno ndarra pa allu pande. Nee kaneenggu appa worraka douwe ne toumu? ¹⁷ Ndarra paallu pasika atau allu kambokko. Nee kaneenggu pamate wekkina badanna dukikipo rapa matemu? ¹⁸ Na nduwapo be terrengge newwe, monno ndupasellawa nawwa ia awali ne limma detamu. Orona, na ata ama ndautawi na Maromba Allah ba na seidolla wali ngarrakuana. ¹⁹ Ne maneilo manganne na yawi pawessi ngarakua ata mangu pandena monno na seipa kambullu ata paama ne a iya kota. ²⁰ Orona, ndaiki ia ata a bennara ne ponnu tana, apa willingge ndua monno da mangngu salana. ²¹ Monno, ndu bondallaka ate dana mu ngarakua patekkina ata gai kandu rengngeka na ata papawedemu banna pasarro nggu. ²² Orona, Ne atemu mu pandengge bahwa ne you mu lummu kaina bu pasarrowi olle atamu. ²³ Hidda ngara kuwana kunungnga kuabai wali ne aneilo dana nggu. Yowwa ku panewe, "Yowwa ku beingge pande,'' tapi ne pandde na marro barra nggu. ²⁴ Ne aptekki nggu na marro ba monno na ta ndane ngge, garraku ata atabboka? ²⁵ Ku madikkira gai kaku pandengge, ku salidika monno ku ellewe ne maneilo manganne lappata ku ku deke douge pangedda. Monno, gai kaku pandenge pasikna ne ka mbokko monno matekalita. ²⁶ Waii ngge patabookanggu a louka marettika wali ne matedana, yaitu ne atena mawinne a mangngu irrana monno katoka monno hidda limmana mangu rantena. Ota amandautawi maromba Allah da barrakiwi, tapi na ata mangu salana a sadapa. ²⁷ "Mattarangge, Yowwa ku tabbokabawe," hinna patekkina Pengkhotbah, " ia monno ia gai kaku deke doungge sappolana,'' ²⁸ Urra dewanggu, engapuwi a ellewe, tapi dana tabokkakiwe. Ku tabboka iya ta ne dongana rata ata, tapi daku taboka kiwa ia ata ne tillu dongada ngara kuana. ²⁹ Mattarangge, Ia ngge ne patabbokanggu, bahwa na Maromba Allah bana raiwi na ata bana jujura, tapi hidda ata a elle lara bama podeta.