¹ patekki'na ilahi.li'i Muori na maiwe ne togo negri hadrakh monno damsyik,na dadiwe padou ngau,oronage,ngaradukka'da mata ata monno ngaradukka'da kabisu israel aro'na barra Marobba Allah. ² dommo amat a pawatte dengnga'ni,tirus monno sidon,gaipomu lakka'da paddeko. ³ Tirus pakedde benteng tuba'da monno buanina perak a linnana kobbura monno masi,a linnana rede laradana. ⁴ karurunage,Muori na rawini bana milla monno palunage kullisana nee bonnudana,bage makkana na padukkaya apai. ⁵ Askelon iataya,bage na madauta,gaza na kadaddaka monno ekron dommo,oronage pamenne'da bali dapa mennemawe.raja gaza pamateya monno askelon dapa madaka kiamawe. ⁶ pawali a pakassana da madaka nee asdod,monno ku padukkadage ne kiddika wekki'da ata filistin. ⁷ ku kaige raa wali ngada dana'na monno madiggila wali togo ngudduna.yiida a madaka da dadi douna Marobba Allah monno a linna'na kapala ata yehuda.ata ekron a linnana ata yebus. ⁸ ku rawina karika barra umma-Gu a linnana tentara gaimu kadai ata a suasara.daikiamage patauna a li'ya,oronage neeya ku patiati douni. Tokko a mai ⁹ pakallaka,hai mawinne sion!pakallakage,hai mawinne yerusalem!i ataya,tokkomu ammi'ni barra'mu;na adil monno pamuarika,dessa ate monno kalete keledai,kabuaka keledai. ¹⁰ na padukkayi kareta-kareta a walina efraim,monno dara a walina yerusalem.busuruna patanadi.na tekkiwe weemaringngi barra bangsa-bangsa.wilayah pa terrena na luarawe wali bonnu dukki bonnu,wali loko efrat dukki uppu tana. Muori pamuarikayi umatu-Na ¹¹ tubamu you,oro raa pajanji dengnga gugu,ke pasellayi ata pa tahamu wali kaliana idda mangu weena. ¹² bali nee bentengmu,hai ata pa taha a pamenne!loddo ni'i ku tekki guge barramu ku bayaradi parugimu dua duada lipatu! ¹³ karurunage,ku palenturage yehuda a linnana busur monno tauya waini efraim.ku pakeddeyi ana-anamu,hai sion,tuba ba gobba'di ana-anamu,hai yunani.ku rawigu a linnana teko ata a patauna. ¹⁴ Muori na pa iata wekkina barra'da,monno ana-ana panana'na na meleset a linnana kabillaka.Marobba Allah na puawi sangkakala,monno na kako ne kapote dana wali selatan. ¹⁵ Muori ponnutana na dawayi.da padukkayi monno liadu'di watu-watu umban.da ianu raa a linnana anggur monno bonnuna a linnana bokor pa burri wai,alinnana penjuru-penjuru mezbah. ¹⁶ Muori,Marobba Allah'da,pamuarikayi dukki nai loddo a linnana ole bebe umatu-Na.karurunage,yidda a linnana permata lado a kajillita,togo tana-Na ¹⁷ karurunage,na louka padessapowe monno louka pa maringngi poge! bua ata da matto oro gandum monno lakawa rarra oro anggur.