¹ Ammige li'i Muori ponnutana ,punninage, ² ''ne linnawe li'i Muori ponnutana:ku mobbo oro sion duguda mobbo kalada.'' ³ ne linnawe li'i Muori ''ku bali nee sion monno madaka nee tillu yerusalem.yerusalem tekkiwe kota a padiaku,ne letena Muori ponnutana tekkiwe letena a bisa.'' ⁴ Ne linnawe li'i Muori ponnutana,''wai kiadi ubbu waika a madi'i ne lara dana yerusalem,iya monno iya terrena tokko ne togo limma'da oronage bada kawiada. ⁵ lara'na na kota bonnuna lakawa kabani monno lakawa mawinne a malingngo.'' ⁶ Ne linnawe li'i Muori ponnutana,''etti pona ne kawuttuka bangsa papa ngedda'da ne bana ajaibwe,apakah yauwa dommo ku pangeddage bana ajaib we?li'i Muori ponnutana,.'' ⁷ ne linnawe li'i Muori ponnutana,'' balinnawe ku pamuarikayi umatu-Gu wali padou puatana mata loddo dukki padaou tamana. ⁸ ku marengnga bali'di,gaimu kada madaka ne tillu yerusalem.makka da dadi umatu-Gu monno ku dadi marobba Allah'da ne padiaku dana monno a bennara.'' ⁹ Ne linnawe li'i Muori ponnutana,pakullisage atemu,hai ata wali ettipona arengngewe ne li'i, ngiawe li'i patekki ngada'da padiawa wali kere umma Muori ponnutana ba tauwe ba pa keddewe umma bisa. ¹⁰ ne balinnawe,ba dappa dukki poni na rasi dai'ma kasiawa tuba ata,monno dommo tuba ranga.daima ata a lousona monno ata atama,oronage ku rawidi ata ba'da pangangarana duguda ata waddeka. ¹¹ takka balinnawe,neeya,yidda ata arei da sillu luggumadi a linnana ettipona,ne linnawe li'i Muori ponnutana. ¹² winni sobbara wali atege.anngur na wuayi, tana na ya ige,monno langita na pakatessekana wee penni.ku yadage yidda bangsa a rei ba'da douge ne ngaradukka kuana. ¹³ oro balinnawe,a linnana a ullu bei dadi aura ne barra bangsa-bangsa,hai ata yehuda monno ata israel,neeya ku pamuarikami gaimu kei dadi kanurru kanegga.illa madautakana,pakattoge atemu! ¹⁴ Ne linnawe li'i Muori ponnutana,''lakka ku beikoge bakku pamaiwe pa damo dengnga barrami yidda ubbu waikamu ba'da pakedde gage bani- Gu,dana ki'i mage ate-Gu,''li'i Muori ponnutana. ¹⁵ linna dommowe,nii loddo,ku beige bakku pamaiwe a dessa barra yerusalem monno yehuda.illa madautakana! ¹⁶ Ne ngiapowe parawimi:panewe takka iya monno waddeka,monno rawige uku a linna takkana monno a pamai maringngi ate ne aro binna tamamu. ¹⁷ illa pangedde kage a buakala ne ate danami iya monno waddeka,monno illa beikage aura kawossoka.oronage,ngaradukka kuana dakku beimage,''ne linnawe li'i Muori. ¹⁸ Ammige li'i-Na Muori ponnutana barragu. ¹⁹ Ne linnawe li'i Muori ponnutana,''rasi ba dappa ngaa ba dappa ianu dukki wulla pata,wulla limma,wulla pittu,monno wulla kabullu,na dadiwe diata koko ege ate,loddo kalada a pa ege ate'na tuba'da yehuda.oronage,beige a bia monno muoli!'' ²⁰ Ne linnawe li'i Muori ponnutana,''amma kiaopodi bangsa-bangsa monno ata mangiada kota. ²¹ ata kota iya kako barrada ata kota waddeka monno lidda,'mai katta kako dobba dengngi manawwarana Muori!' ²² mangiadayi kabisu bangsa monno bangsa-bangsa a kullisa ammidi ba'da ngaddoya Muori ponnutana nee Yerusalem monno dengngi manawwara-Na.'' ²³ Ne linnawe li'i Muori ponnutana,''ettipona,kabullu ata a walina ngaradukka'na bangsa monno panewe da terre kullisage uppu kalabbena na ata yahudi sambil ba'da panewe,kako mage ba'ma palolo dengnga'gu,oronage bali rengngemage na Marobba Allah bana palolo dengnga'gu!''