¹ Malaikat a panewe dengnga'ga na bali,bage na pakeddewa,alinna'na ata papakedde wali bana dura. ² Na tuawa,''appa na pa iatamu?''ku wale,''ku iataya kandil,ngaradukka kuana parawi'ya wali mas,monno padou minyak ne togo'na.waidi pittu lampu minyak tana duguda pittu corong minyak ne tuba togona. ³ duada wasu zaitun waidi barra'na,iya tuba kawana ne padou minyak monno iya tuba yello'na. ⁴ Bage,ku tuaya na malaikat a panewe dengnga'ga,''appa'na artinage ne ngaradukka kuanage, Muori?'' ⁵ na malaikat na walewa,''dou paddemage appana artinage ne ngaradukka kuana ge?''ku wale,''iddama Muori!'' ⁶ bage, napanewe dengnga'ga,''ne ngiawae li'i Muori aro zerubabel,'da manada'ma monno da kullisama,tapi Diawa-Gu;li'i Muori ponnutana. ⁷ garragu you hai lete a kalada'na?ne aro zerubabel mu dadi tana a liddaka.na louso ngiddiya watu a ullu monno linna:dessa!dessa pongngu na watu! ⁸ Kamurrinage,ammi kiage li'i Muori barragu,linnawe,'' ⁹ limmana zerubabel bali taunage kerena ge ne umma,monno limma dommona na bawe.nee balinnawe,gaimu kou paddege na Marobba Allah ponnu tana bali pawedena'ga barramu. ¹⁰ oronage,garra a patiati hina ge a dadi-a dadi a kii'na,da payawouna bada iataya na watu pa pidi'na limmana zerubabel.a pittuna lampu minyak tana ngiayi mata'na Muori,a woletage ngaradukkana ponnutana.'' ¹¹ bage, ku tuaya,''appana arti'da yidda duada wasu zaitun a waina tuba kawana monno tuba yello'na na kandil?'' ¹² dukki ke duada wudda'na, ku tuaya,''appana arti'da duada kasangnga wasu zaitun a nee'na barra duada pipa emas a pa lai'ge ne wee emas?'' ¹³ na wale'wa,''dou paddemage appana artige ne ngaradukka kuanage ?''ku wale,''iddama, Muori!'' ¹⁴ bage,na panewe,''yidda ngiadoyi duada ta pa pidi,a dede barra-Na Muori ponnutana!''