¹ karurunage,loddo Muori bali ammini,papa matemu baregudi ne barramu. ² ku pakassa kuadi bangsa monno tauwe yerusalem,dekewe ne kota,umma-umma dekeyi ,mawinne oledi.waddeka ata kota da kako ne paleto dana,tapi a louka wali ata dapa pamateayi wali ne kota. ³ ba neege,Muori na kako patauna gobba'di bangsa-bangsa a linnana ba patauna dukki loddo patauna. ⁴ ettipona wai-Na mangu orona nee letena zaitun a neena aro yerusalem ne tuba timur.ne letene zaitun na ma bokka duadawe wali timur dukki barat ba makkana dadiwe ngaba a luara.waddeka wali neletena na gessurage nee utara monno waddeka tuba selatan. ⁵ mi malle li ngaba lete-Gu,oronage ngaba letena jangkauwe sisina.mi malle a linnana bei malle bana iapuna rasizaman uzia,tokko yehuda.bage,Muori,Marobba Allahgu,da mai marengngadi ata-ata kudus-Na. ⁶ ettipona,daima mangiawala,kalikka,monno langita na kapottage. ⁷ taka ba linnawe,waini iya loddo--loddo pa paddena Muori daima loddo monno gedde,waini mangiawa dukki loddo. ⁸ ettipona,wee muarika na laiwe wali yerusalem,waddeka na aroge bonnu timur monno waddeka na aroge bonnu barat.na dadi pakitawe rasi wadala monno rasi klikka. ⁹ Muori na dadi tokko ne ngaradukkana ponnutana.dukkini nai loddo,Muori iya kadona monno ngara-Na iya. ¹⁰ ngaradukkana negri na ubahwe bana dadiwe a linnana araba-yordan,wali geba dukki nee rimon tuba selatan yerusalem.ne kota na madiatawe monno iangage padounage,wali binna benyamin dukki padou binna tama a ullu,monno wali binnatama susut,wali menara hananeel dukki nee padou passu anggur raja. ¹¹ ata da madaka nee dana,oronage dai kiamage pamate.yerusalem na kadennawe ¹² yidda ngiayi tulah pa yanadi Muori barra bangsa-bangsa a tauwe yerusalem:kanna'da na bowowyi yidda neepodi a dede waidi waida,matada na bowoyi ne ri dana'da,lommada na bowoyi ngada dana'da. ¹³ ettipona,gemparan kalada walo lai Muori na kennayi.ata da yoppayi limmada monno keketayi limmada gobbadi ole'da. ¹⁴ yehuda dommo da patauna nee yerusalem.poteda ngaradukkana bangsa da woletadi monno da pakassadi,masi,perak,monno kalabbe a luana mangiada. ¹⁵ tula a linnana kennayi dara,bagal,unta,keledai,monno ngaradukka'da ranga a waina kariaka-kariaka dana. ¹⁶ bage,ngaradukkada ata a rei wali ngaradukkana bangsa a bali mai patau we yerusalem da mai wali dou ke doubada kawodo barra na raja,Muori ponnutana,monno urrata dukki loddo pondok roo. ¹⁷ ba waiko kaum-kaum ne ponnutana a idda mai nee yerusalem ba kawodoni tokko,nai Muori ponnutana,dada kolemana urra. ¹⁸ ata mesir ba dada nauko pa mai monno ba dada pa aroko,dada kolemana urra.tulah na yadi Muori barra bangsa-bangsa a idda mai urrata ge ondok roo. ¹⁹ ne ngiawe uku tuba mesir monno uku tuba bangsa a idda mai ba urratage loddo kalada pondok roo. ²⁰ ettipona,kerencingan-kerencingan dara da matulisa''suci tubana Muori!''kuali-kuali ne ummana Muori na dadiy bokor-bokor pa burri wai aro mezbah. ²¹ ngaradukkada kawale nee yerusalem monno nee yehuda da dadi suci tubana Muori ponnutana,monno ngaradukkada aya kurban da pa dekeyi monno patii waidi.ettipona,dai kiama a mabatta nee umma Muori ponnutana.