¹ ''ettipona,na mawukkewe mata wee tuba du'na daud monno ata yerusalem ba uapi dadi doku monno jala da.dai kiama rumata kawossoka ² ettipona,ne linnawe li'i Muori ponnutana,''ku padukkayi ngara-ngara a nobba wali ne tana gaimu illa'da lolo kiayi.ku wudayi rumata monno diawa idda dessa wali ne tana. ³ iya ata banna marawi kiako,inna monno ama a bali padadini da panewe barra'na,'dou muarika kiama,oronage you mu kawossoka waigage ngara Muori!'ama monno innana a bali padadini da tawwe ya na neeni a marawi. ⁴ etti pona,rumata da kolena makke oronage pa iatana bana dadi rumata.dada sillu tau kiama kalabbe a pawullu bada lippa kawossoka; ⁵ takka balinnawe,da panewe,'yauwa da rumatamawa,yauwa pengusaha tana oronage tana ngiawe pote douge wali bakku ki'i pona.' ⁶ ba waiko ata a tua barrana,'manua appa orowe a waina togo wekkimu?'na wale:ne ngiawe manua pakolegu wali lai ole gu!'' ⁷ ''hai teko,kedde aro dawa ranga-Gu,wali ata a barraga!''ne linnawe li'i Muori ponnutana.''pamateyi ata a dawa ranga gaimu bebe ka'da ka issaka!ku tauya limma-Gu aroda ata a talunnasa. ⁸ makka,na dadiwe ne ngaradukkana negri,ne linnawe li'i Muori,duada per touda wali na pamateyi,ngaradukka'da da mate kua,tapi per touda iangadi a muarika. ⁹ ku tauyi seper touda ne api dana monno pa warrasadi a linnana ata a pawarrasana perakku ujiyi a linnana ata a uji masi.da pauogage ngara-Gu monno ku waleyi.ku panewe:yidda ngiayi umatu-Gu,monno da wale:Muori ngiana Marobba Allahgu!''