¹ ne linnawe li'i Muori tuba israel.li'i Muori a wallarage langita,a rawi ge ponnutana,monno a rawina dadi ata, ² ''karurunage,yerusalem ku padadige pasu, a pamabukayi ngaradukkana bangsa monno barrage,yehuda dommo da kolege mayilla ba nee ge yerusalem pa woleta. ³ ettipona,ku padadige yerusalem watu pa deitu tuba ngaradukkana bangsa.garra a keketaya na manua pongu.ngaradukka'da bangsa ne ponnutana da pakassana ba'da gobbani. ⁴ ettipona,ne linnawe li'i Muori,ngaradukka'da dara ku pa bingunguyi,a kaleteyi da kalangngo.togo ata yehuda,ku wukkeyi mata-Gutapi ngaradukka'da dara-dara ku rawidi ba'da mettena. ⁵ ba nee ge,kapala ata yehuda na panewe ate dana'na,ata yerusalem da kullisa orona Muori ponnutana,Marobba Allahda. ⁶ ettipona,ku rawini kapala ata yehuda a linnana wurro api ne tillu wasu pa tunnu monno a linnana api ne tillu-tillu patau wai gandum.da padukka kuayi kabisu bangsa ne tuba yello monno tuba kawana,tapi ata yerusalem iangadi ne padou dou'da. ⁷ Muori na pamuarikayi kariaka-kariaka yehuda a ullu,gaimu du'na daud monno ata yerusalem illa da padeika wekkina aro yehuda. ⁸ ettipona,Muori na dawayi ata yerusalem bage a talunnasa wali lai yidda na dadi a linnana daud,monno du'na daud da dadi a linnana Marobba Allah,a linnana malaikat Muori a memepelai yidda. ⁹ ettipona,ku beriktiar tuba ba padukkawe ngaradukkana bangsa a mai ba gobba ge yerusalem.'' ¹⁰ ku paburruni diawa ya monno diawa pa dengngi togo du'na daud,monno togo ata yerusaelm,da pa tiati-Ga,bali pa tawwe'da,da saliya a linnana ata a sali ana kanissana,monno da milla oronagr ngia a linnana ata a ngioni ana kawungngana. ¹¹ ettipona,wai masali a kalada'na ne yerusalem, a linnana masali nee hadad-rimon ne lembah megido. ¹² Nee negri,ngaradukkada ata du dou monno ole umma'da yiida dou da masali,nai pawalina daud monno ole umma'da, ¹³ ata pawalina lewi monno ole umma'da,ata simei,monno ole umma'da, ¹⁴ monno dommo ngaradukka'da ata a rei,ata dou monno ole umma dou'da.''