¹ hai lebanon,wukkeyi binna gaimu api kada padukkayi wasu arasmu! ² pa barra'ge hai wasu-wasu sanobar oronage wasu aras bali bukkada .wasu-wasu kalada bali padukkada'di! pabarra'ge hai wasu-wasu sanobar oronage wasu aras bali pamiaradadi! ³ rengngeyi a masali ata a gembala oronage padeikada ba pataburridage!rengngeyi kangawoka singa oronage mapu loko yordan bali padukkadage. ⁴ ne linnawe li'i Muori,Marobba Allahgu,''dawayi bebe pa ropo! ⁵ ata-ata a woi yi da ropo monno dapa uku mayi,monno ata-ata a woi yi da panewe,'madekawu Muori, ku marobba!'madawa-madawa douna dada manawwaramadi bebe-bebe'da. ⁶ oronage,dakku manawwara kiamadi ata ponnutana,li'i Muori.karurunage,ku yayi iya monno iya ata togo limma ole'da monno togo limma raja'na.da pubbukage ponnutana,monno dakku pasellama lakka iyako ata wali togo limma'da'' ⁷ duguda balinnawe,ku dawayi bebe paropo tubada a mabatta bebe.ku deke duada tokko,iya ku pangarani'kemurahan',monno iya ku pangarani makette',bage ku dawayi yidda bebe-bebe. ⁸ ne iya wulla ku kaidi touda ata a madawa ,dakku tarru kiamage ate barra yidda bebe-bebe monno dadi badada beiga. ⁹ bage,ku panewe,''daku nau kiama bakku dawami,a mate lakka da mate,a dada lakka da dada,monno a iangaponi gaimu kada ngaa'di kanaa ole'da.'' ¹⁰ ku dekeya tokko-Gu,nai 'kemurahan',ku pataya monno pa balalage ne janji bali pakettegu duguda ngaradukkana bangsa. ¹¹ jadi,ne janji na balawe nee loddo a battana bebe da patiatinaku paddege ba ngiawe li'i Muori. ¹² bage, ku panewe barra'da ,''bei pangeddage bana dessakowe ,ya'ga kasiawa,ba idda ko,gai kado ge!,,bage,da kilowe 30 bolla perak tuba kasiawa. ¹³ takka balinnawe,Muori na panewe barragu,''yawe barra a burri logam!''--welli a madiata pa nile'da tubagu.bage,ku deke 30 bolla perak monno ku'ya barra a burri logam nee umma Muori. ¹⁴ kamurrinage,ka pataya tokko a ke duada,nai makette',tuba ba piatawe a pa ole dadina yehuda monno israel. ¹⁵ ba neege, Muori na panewe barragu,''deke kia sadekka pawai'da ata dawa ranga a ngade! ¹⁶ oronage, karurunage ku pakedde ne negri iya ata a dawa ranga a idda pangedda'di a dada,a idda ngaddoyi a sillira,a idda palengngadi a manu'a, a idda urusayi a sehat, tapi a ngaa kanaa bebe a morru monno a batuda'di kuu'da. ¹⁷ Mayilla yi ata a dawa ranga a ngade,a duddakadi bebe-bebe'da!gaimu teko kana kenna dadi lako'da monno mata kawana'da!gaimu lako'da marokko-rokkota, monno mata kawanana buram pongngu!''