¹ dengngi urra wali lai Muori dukki dukka merretana!Muori a rawi'ge kawuta a ngiddi urra kalada ,monno na urra kalada yada'ni barra'da monno a tubbu ne maredda dana monno ngaradukka'da ata. ² oronage,terafim na tekkiwe a buakala,juru-juru tenung da iatawe pa iata a kawossoka,monno tekkiwe kanaga nippi kawossoka,monno ya hibura idda mangularana.karurunage,yidda bangsa da palawe a linnana bebe monno da karodduka oronage ba dai a dawayi. ³ ku banidi ata a dawa ranga monno ku uku'di ole kamiaka!Muori ponnutana na patiatidi kamiaka-Na ata a pawalian yehuda,monno na padadi'di dara pawaina ne patau danana. ⁴ wali barra'da na oudayi watu monno wali barra'da na oudayi katukku-katukku kariaka,wali barra'da na oudayi busur patau,wali barra'da na ouda pamarengnga dengadi penguasa. ⁵ yidda a linnana pahlawan a liaduna gobba,a linnana rede ne lara dana.da patauna,oronage Muori na palolo dengnga'di,monno da pamakkeyi ata a penne na dara. ⁶ a pawalina yehuda ku rawigimi bei kullisa,monno ku pamuarikami pawalina yusuf.ku marengnga bali'di,karuru nage ku manawwaradi,da dadi ata-ata a linnana dapa letogo oronage yauwa dona Muori,Marobba Allah'da ,monno ku wakeyi. ⁷ efraim a linnana pahlawan,ate'da maringayi a linnana a ianu anggura.ana'da da iatayi monno da maringa ate,ate'da malika mariayi orona Muori. ⁸ ku paou waidi tada monno pakassa'di,oronage bali tebusagu'di.da taba mangiada a linnana a ullu ba'da mangiada. ⁹ gaimu lakka bali yakogudi barra ata-ata,nee padou a marro,yidda ianga douge ba'da lolo-Wa.da muarika ole'di ana'da,monno da bali. ¹⁰ ku marengnga balidi wali tana mesir,monno ku pakassadi wali asyur.ku marengngadi ba'da tama ne tanah gilead monno libanon,dukki ge daima kiama padou tuba'da. ¹¹ da tamage bonnu monno paluwe ngalungu bage ngaradukka'da padou a madalena ne loko nil na marayi.padeika wekki'da asyur pataburridage monno tokko padou bisa'da mesir pamarro dani. ¹² ku pakullisayi ne Muori dana,monno da kako ne ngara dana-Na,''ne linnawe li'i Muori.