¹ Na hikmat banna pa oukadonna? na pengertian banna palousokadoge liina? ² ne togo padou a madiata ne lara dana,ne lara dana a pabarena,nee bali na dede. ³ ne barra binna gerbang kota,barra binna-binna tama,na pa ouna. ⁴ ''barramu,hai ngaradukkana ata,ku pa ouna,monno liigu lai ana ata. ⁵ hai ata-ata naif,paddege kecerdasan,hai ata-ata ngade,paddege akal budi. ⁶ rengngewe oronage ku tekkiwe palakara a mulia,wali ngadagu na mawukkeyi palakara a lurrusa. ⁷ oronage,ngadagu na tekkiwe a bennara,kefasikan ngiawe kekejian tuba roo wiwwigu. ⁸ ngaradukkada patekkina ngadagu na bennarayi,daima a ma podeta atau a sillira. ⁹ ngaradukka da jelas tuba a padde,monno bennarayi tubada a tabboka padde. ¹⁰ deibawe pa bowogu louka wali perak,monno padde wali masi pa pidi. ¹¹ oronage,himat na louka padessa wali watu permata,monno ngaradukka kuada pa beida ata,dappa bisama pabandingudi.'' ¹² ''yauwa,hikmat,madaka oleni kecerdasan,monno ku kolena pengetahuan monno kebijaksanaan. ¹³ madautani Muori dappa bimage a buakala. sombong monno congkak,lara buakala monno ngada a pagobba,ku benciyi. ¹⁴ dou gu ngiayi bowo monno lii hikmat,ku douna pengertian,ku douna kullisa. ¹⁵ orogu,tokko da paresa,monno penguasa da pawede we a adila. ¹⁶ orogu,pemimpin da berkuasa,monno bangsawan, monno ngaradukkada hakim ne ponnutana. ¹⁷ ku manawwaradi a manawwaraga,monno yidda a ngaddo pakitawa da sangngatawa. ¹⁸ pote monno kehormatan na palolo dengngaga,monno kemakmuran a tetap monno keadilan. ¹⁹ wuagu na louka padessayi wali masi,bahkan masi murni,monno pakolegu na loukayi perak pa pidi. ²⁰ ku liya lara a bennara,ne tilluna lara keadilan, ²¹ ku yadi pote tubada a manawwaraga,monno ponnudadi pa boddala waida. ²² Muori na rawidi wali ettipona papa yilli-Na,parawi-Na a ullu pongngu. ²³ wali purbakala pa didarawa,wali a ullu,ba dappa rawipoge ponnutana. ²⁴ ba daipoge samudra,ba padadiga,ba dai poge wee a luana. ²⁵ ba dappa rawipodi letena,dai pommadi bukit ba padadiga. ²⁶ ba danna rawipoge ponnutana monno mareddana,kobbura a ullu ne ponnutana. ²⁷ ba neeni a rawige bonnu,waiga nee bali,ba neeni a garisa wai langita ne ponnu samudra. ²⁸ ba neeni a rawige kawuta nee diata,ba neeni a pakaladi mata wee samudra. ²⁹ ba neeni a patetapudi bonnu monno dikki-dikki nage,gaimu wee illa na palage patekki-Na,monno banna patukage kere ponnutana. ³⁰ nee ga barrana,a linnana a kapala payilli,monno iyya loddo iyya loddo ku dadi a pasennangu-Ni,sennangu pakita ne aro-Na. ³¹ sennangu ne ponnu tana-Na,monno malingngo dengngadi ana ata. ³² monno neeya,hai anagu,patiatiga,da sennangu a diakuni laragug. ³³ rengngewe bowo monno dadi padde,illa dengngakage. ³⁴ da bahagia ata a patiatiga,a madawa iyya loddo iyya loddo ne barra binnagu,monno a riamana barra pari'i binnagu. ³⁵ oronage,lakka garrakoni a sangngatawa,a tabboka muarika,monno na kolena manawwara wali lai Muori. ³⁶ akan tetapi,a jala barragu,na pacalakawe tou douna,ngaradukkada a benciwa,da beige mate.''