¹ illa banggakana tuba loddo kuaka,oronage dou paddemage a dadi dukkini na loddo. ² gaidi ata waddeka a deikawu,da ngada doumamu,ata iaka,monno da roo wiwwi doumamu. ³ watu na buoto monno kuarasa na buotowe,tapi banida ata ngade na louka pa buotowe wali yidda duada. ⁴ bani na kejamuwe,bani megge tobbula wee bahwe,tapi garra a bisa pa iangana ne aro cemburu? ⁵ na louka padessawe baka papa tekki,dari pada manawwara pakabunni. ⁶ manua a wali lai ole pawaiyi,tapi dekkida gobba na luadi. ⁷ tou a biakuta na liaduge madu,tapi tuba tou a kariaba,ngaradukka kuada a poddu na minnakayi. ⁸ a linnana keila a kiadu wali yobbu danana,linna dommo ata kiadu wali ummana. ⁹ minyak monno a bu sirrita a pa bei atena,linna dommoyi minnakada ole a mai wali bowo atena. ¹⁰ illa gaikadi olemu monno olena amamu,illa mu maikana ummada du'mu dukki bou sadukka.na louka padessa ole barra umma wali du a marro. ¹¹ dadiki padde,anagu,monno pasennangugage ategu, gaimu kakku waleyi ata a langilirawa. ¹² ata a padde na iatawe bahaya,bage da kabunni,tapi ata naif da li'we,bage kenna uku. ¹³ dekeyi kalabbe'da ata a dadi penjamin ata iaka,monno tassani banna dadiko penjamin mawinne iaka. ¹⁴ garra a ya'di wee maringngi wee malala ole atana waina lii lingngu,kabu gedde pongngu,yiapa wainage kutuk. ¹⁵ ole umma a beige pangangngarana a linnana katesseka wee,a idda ngau dukki loddo urra,, ¹⁶ garra a tarruge,na tassana paringngi,monno limma kawanana na ugguna minyak. ¹⁷ bessi na pamatamana bessi,monno ata na pamatamana ole atana. ¹⁸ garra a radana wasu ara na ngaani wuana,monno garra a dawaya muarina pa akani. ¹⁹ a linnana wee a pakaninnona mata,linna dommo ate ata paka ninnona ate ata. ²⁰ ponnutana ata mate monno mate danna puasumawe,lidda dommo mata ata a idda puasu. ²¹ kui peleburan tuba perak monno perapian tuba masi,linna dommo ata ba uji koya deikapoya. ²² ata ngade lakka mu palu waikoni alu ne ngou dana bai oleni gandum,ngadena danna dada mawe. ²³ padde padessakini ole bebemu,monno patiatidi ole'da rangamu. ²⁴ oronage,pote da ianga doumadi,na lado ta ianga kadona wali generasi dukki generasi? ²⁵ dukki yidda ruta badda dada,ammi kiaponi a ouda a tubbu,monno pataddo togo letena pakassadi, ²⁶ makka yidda bebe da sadiagu kalabbemu,monno kamiaka mane na pawelliyi tuba uamamu. ²⁷ na tutuyi susu kamiaka tuba pangaamu monno pangaa'da du mu,monno muariakada a payilligu mawinne.