¹ bou madiiko bou ngaa dengngani ata a kuasa,patiati padessage a waina aromu, ² monno tauwe kiato togo kokomu,you ba ata nafsu kaladakowu. ³ illa beikage minnakanage,oronage ngiawe pangaa a panipu.-7- ⁴ illa pasusa wekkikamu bou dadi ata pote,gaige pengertianmu. ⁵ matamu banna patiatige,na dadawe,oronage na rawina kapana,monno na wurruna ne togo angkasa a linnana rajawali.-8- ⁶ illa ngaakadi rotida ata a kapoi,illa beikage minnakanage. ⁷ oronage,ngia a linnana ata a mayiapa ne ate danana.''ngaa monno ianu,''linnagu,tapi atena daimage barramu. ⁸ mu muttage suap bali pangaamu,monno mu pa sia-siage patekki a liggisa.-9- ⁹ illa panewekanna togo katilluda ata ngade,oronage na paremedi patekkimu a padde.-10- ¹⁰ illa mu padikkikani dikki tana a madoi,atau tama uama danada lakawa ana lalo. ¹¹ oronage penebusanda na kuliisawe,na bakawe palakara da gobbagu.-11- ¹² ngiddiwe atemu lai bowo,monno katillumu lai patekki bowo.-12- ¹³ illa iarikage bowo wali lai anamu,bou palu waikodi wasu,dadda matema. ¹⁴ bou palu waikoni wasu mu pamuarikanage touna wali ponnu tana ata mate.-13- ¹⁵ ya anagu,banna padde kowe atemu,ate gu na gembirawe. ¹⁶ tougu na sennanguwe,roowiwwimu banna tekki kowe a bennara.-14- ¹⁷ illa gaikage atemu banna iriwe barrada ata jala,tapi madautani Muori loddo mangiada. ¹⁸ oronage,masa depan wai takkage,monno pamennemu danna dadamawe.-15- ¹⁹ rengngwe,hai anagu,dadi ata padde,monno patingngoge atemu ne togo lara a bennara. ²⁰ illa waikana ne barrada a ianu anggur,atau barrada ata a ngaa kanaa. ²¹ oronage,a ianu monno a ngaa da dadi milla,monno dura na rawidi ata badda tau kalabbe mairra.-16- ²² patooya amamu a paanagu,monno illa hinakaya inna mu ba bali kawiadakona. ²³ woiwe a bennara monno illa battakage,bijaksana,bowo,monno pengertian. ²⁴ amada ata a bennara da sennangu takka pongngu,a pa anadi ata adde da sennangu orona. ²⁵ gaini amamu monno innamu kanna sennangu,gaimu kanna paana sennangugu.-17- ²⁶ hai anagu,yawe atemu barragu,monno gaidi matamu kanna patiatigani laragu. ²⁷ oronage,mawinne jalang ngiana kaliana a madalena,monno mawinne iaka ngiana sumur a sadingngota. ²⁸ Na pariama a linnana a pangaa wawina,monno pamangiadadi pengkhianat ne barra ata.-18- ²⁹ garra a pawolona?garra a mangu keluhanna?garra a pangangngarana?garra a berkeluh kesah?garra a manua a dai orona?garra a rarana matana? ³⁰ yidda a madiidukki tillu gedde oro anggur,yidda a kako ngaddo anggur papakassa. ³¹ illa patiatige anggur a rarana sadana,dukki banna silangune gelasu dana,dukki banna lai pakitawe. ³² dukki kadukkanage,na pakati a linnana nippe a mangu wunnuna,monno sibborage wunnu a linnana noppe beludak. ³³ matamu na iatawe a ane,monno papa ngaddamu na tekkiwe patekki a kaco. ³⁴ you a linnana ata a beika tillu bonnu,a linnana ata a beika ne ponnuparii kapal. ³⁵ mu panewe,''da tauwa,dakku karoddukama,da pakaroddukawa,dakku poddamage.pirra bakku podda?ku ngaddo kiapo anggur.''