¹ Anggur ngiana pencemooh,pa ianu a karasi ngiawe papatau dengnga,monno lakka garrakoni papa sillirana danna paddema. ² kengerian wali lai tokko a linana punni bua singa,lakka garra koni a pakeddenage banina na pabahaya wekkina. ³ waige paaka lai ata a pamarroge patauna,tapi ata ngade da giasa patauna. ⁴ ata wawwo dadda payillima rasi kalikka,na ngaddo rasi merretana monno daima pakole waina. ⁵ papa ngedda ate dana'da ata a linnana wee a madalena,tapi ata a padde da okewe. ⁶ mangiada ata a tekki wekkina banna dessa,tapi ata a padiaku,garra a tabbokayi? ⁷ ata a bennara da kako jujura. ⁸ tokko a madii ne padou pengadilanna,a buakala na tallara waige matana. ⁹ garra a panewe,''ku pawarrasage ategu,ku warrasa wali jala''? ¹⁰ duada watu kilom,monno duada takaran,yidda duada ngiayi dappa beina Muori. ¹¹ lakawa paddedi wali parawida,na murni monno jujurakadona. ¹² katillu a rengnge monno mata a iata,Muori bali padadi kuanadi. ¹³ illamu beikage dura gaimu illamu mu mulla,wukkeyi matamu kou biakuta waina pangaa. ¹⁴ ''danna manadamana,''linna a mawoi,ba banna kako,na madeika. ¹⁵ waidi masi monno watu permata a mangiada,tapi roowiwwi a padde ngiawe a pawelli. ¹⁶ dekeyi kalabbe'da ata a tagudi jaminanda ata iaka,tapi ata iaka,iaridi a linnana sandera. ¹⁷ roti pakole wali ba matipuna minnakayi badda poddadi ata,ba neege ngadana na bonnuge watu karikki. ¹⁸ pakabbu a didara oro bamakilo,oronage rawige patauna waige matuntuta. ¹⁹ garra a eledi a fitnah,da wukkeyi rahasia,oronage illa olekadi ata a kanirra ngadana. ²⁰ na ata banna kutukakoya amana atau innana,lampu na boddage dukki banna kapottana. ²¹ pote pa giasa kole wali ullunage,dappa berkatimayi dukki kamurrinage. ²² illa panewekanna,''ku balasage a buakala'',riamani Muori,monno na pamuarikawu. ²³ duada watu kilo ngiayi dappa beina Muori,monno neraca danna dessamayi. ²⁴ pagada ata Muori ngia a aturayi,bage peiwaina ata da paddege lara muarikana? ²⁵ ngiana sirru ba panewe awako,''kudus'',monno watu bou kilo ba'ba nazar. ²⁶ tokko a padde na yayi ata fasik,monno da kirrini roda penggilingan ne togo'da. ²⁷ diawa ata ngiana pelita Muori,a ngaddowe ngaradukkana atena. ²⁸ padiaku monno bennara na diakuni tokko,monno takhtana na rukkawe padiaku. ²⁹ kemuliaanda bua ata ngiawe kullisana,tapi kehormatan ata kawiada ngaiwe logena a kakana. ³⁰ Manua a raana pawarrasage buakala,palu pawarrasage ate kii.