¹ ata da pangedda ate danana,pawale lomma a walinadi lai Muori. ² ngaradukkada larana ata na warrasa ne banna iata douya,tapi Muori na kiloya diawa. ³ yawe parawimu lai Muori,makka pa kabbumu na padidarayi. ⁴ Muori bali rawinadi ngaradukka kuada dou-dou dou'da,tubada ata fasik loddo a idda dessa. ⁵ ata a madiata ate ngiayi dappa beina Muori,karurunage,danna bebasama wali uku. ⁶ oro manawwara monno setia,jala na tebusayi,monno oro ba madautani Muori ata na kabali wali a buakala. ⁷ larana ata banna beikoni Muori,gobbana na rawidi badda muoli dengngani. ⁸ louka padessawe ba suadi waige a bennara,dari pada banna luadi pakole ba dappa adila. ⁹ ate ata na pangeddani larana,tapi Muori a patetapunani pagana. ¹⁰ pa piatana Marobba Allah waige togo roowiwwina tokko,ngadana danna jalamawe banna penghakiman. ¹¹ Kilo monno neraca dounani Muori;ngaradukkada watu kilo kantong dana papa yillinadi. ¹² ba rawikoge a buakala ngiawe dappa beina tokko,oro takhta padidarawe a bennara. ¹³ roowiwwi a bennara ngiayi pabeina tokko,monno na beidi ata a tekkiwe a jujura. ¹⁴ banina tokko ngiawe pawede mate,tapi ata a padde na pakadennaya. ¹⁵ togo matana tokko a mangiawala waige muarika,monno pa beina a linnana kawuta a ngiddi urra rasi urra. ¹⁶ na louka padessawe ba kolena bijak wali masi,monno ba kolena pengertian wali perak! ¹⁷ larada ata a jujura na marroge a buakala.yidda a patiatini larada da karawawe muarikada. ¹⁸ kiddaka wekkina na pa ulluwe mate,monno diawa a madiata ate na paullu we kaboula. ¹⁹ Na louka padessawe ba paradaka wekkina oledi ata a milla,dari pada ba bare pa sibbata oledi ata a sombong. ²⁰ yidda a patoo patekki ata da kolena dessa,monno da bahagia a waini Muori. ²¹ ata a padde atena tekkiya banna padde,monno patekki a liggisa na tabawe pabowo. ²² tekki ngaiawe padou walige muarika tuba a douge,tapi bowo tuba ata ngade ngiawe a ngade. ²³ ateda ata padde na rawige ngadana banna paddewe,monno na tabawe bowo togo roowiwwina. ²⁴ patekki a dessa a linana yobbu madu,liggisayi tuba ate monno moroyi tuba ri. ²⁵ waini lara papa tiati bennarada ata,tapi padou dukkana a saganani mate. ²⁶ ate a payilli da payilli tuba dou dou'da,kariabana na paksaya. ²⁷ ata a idda mangularana na yei douwe a buakala,monno patekki a linnana api na pakarrage. ²⁸ ata a idda jujura na tekki pangangngarana,monno a ngiddi panewe pamarrodi a pa'olena. ²⁹ ata a kejam da godaya ole atana,monno na ngiddiyi lara a idda dessa. ³⁰ ata a pakapaddekana mata,na kabbuge patipu,a tuadiwe roowiwwina,na ponnuwe a buakala. ³¹ loge a bali kakana ngiawe lado kehormatan,pa kole lai lara a bennara. ³² ata idda beige bani na louka padessa wali a kullisa,monn ata a tarru wekkina wali ata a rebut kota. ³³ undi letodi ne togo baba,tapi pa piata a walinage lai Muori.