¹ Ne balinnawe, du oledadi pamanawaragu, pakalada denganage ategu, baku bisa dede kullissa barra Muori. ² Yauwa kudengiwe barrada Euodia dugguda Sintikhe ga'imu kadda pamanawwarana barrana Muori. ³ We, ku dengiwe barramu ole dadigu, gaimu keigatadi yidda mawinne-mawinne apayilli langu takka amarengaga netti lippa pakakowe li'ina, monno olegu waddeka a ngarana a waina buku morika dana. ⁴ Na egewe ate barrana Muori. Sadekka kia kutekkiguge, na egewe ate! ⁵ Gaimu ne ate kakamu kada paddegu ata mangiada. Na Muorida na tukke bana. ⁶ Ommana papangeddage. Takka, ngaradukkanage tekkiwe pabeimu barrana Muori ne sabayang danamu. ⁷ Weemaringi weemalala na koro golluge ate papangeddamu barrana Mouri Yesus Kristus. ⁸ Kadukkanage, du oledadigu, ngarakuomi a kawana, ngaradukkana a mulia, ngaradukana a adil, ngaradukkana a suci, angarakuana a indah, ngarakuana a terpuji, ngarakuana a sempurna, ngarakuana padeika, pangedda kuokodi ngaradukkana. ⁹ Appa pa balajaramu, pa deiba, pa rengnge, duggu ieta wali barragu, dokokuodi ngara kuada, gaimu Allah pu'una damai sejahtera kana yagimi weemaringi weemalala. ¹⁰ Yauwa na egewe ategu barrana muori orona ne'eya, wali netti yemmi mi yawe papangedda barragu. Takkalinnakowe, danamadukkiwe beiyagage barragu, takkalinnadommowe yemmi daima kaluoga. ¹¹ Baku tekkiwe damillamaguge, sebab baku balajarba patutuwekkina lakka peikona a marawi. ¹² Ku paddege appanage neya milla dengo, monno kupadde dommoge appanage atutu. Ngaradukkanage monno a appanage amarawi, ku balajaraba pata morika a tutu, apakah a biekuta atau a karieba, apaka morika mangiada ritti atau daima ritti. ¹³ Ku bisa baku payilli ngarakuanage orona mouri a yaga kullisa barragu. ¹⁴ Ne balinnawe, yemmi a rawige a dessa mi pabare dengngagage a buoto. ¹⁵ Yemmi do'u mi paddege, jemaat Filipi, wali kawunage bapadukkige li'i, walipoge baku duddakage tana Makedonia, daima jemaat a nau pabare dengngagage ne a buoto bamabare monno bamadeiba, iggipoge yemmi. ¹⁶ Bakan, banega tana Tesalonika, yemmi mi pangiddiga bantuan tangana pabutugu louka wali sadekka. ¹⁷ Linnamowe, dangiamayi bantuan pangaddogu, ne pangaddogu wu'ah a pakaladagage pautugu. ¹⁸ Yauwa kudeibabayi wellida a bonnu, bahkan loukayi. Yauwa bowai'ba ngarakuana pabutugu oronage patulumiga pangiddimiga yauwa lai Epafroditus. Payamuga yidda ajadi persembahan a dessa, kurban a patubana, pakaladanage atena Allah. ¹⁹ Muorigu napatutuguge ngaradukkana sadukkimu wali potena-Na a dessa barra Yesus Kristus. ²⁰ Maringi malala walina Allah monno Amada lappata napa. Amin. ²¹ Padukkigamage salam manawarame yamme barrada ngaradukkada ata bisa barrana Yesus Kristus. Salam barrami wali du oledadi seiman a wa'ina ni'i barragu. ²² Ngaradukka ata bisa napangiddi salam barramu, tubada yidda a payilli ne istana Kaisar. ²³ Maringi malala wali muori Yesus Kristus na korogollugu rohmu. Amin.