Yesu da tullarani nee kota padou wali-Na ¹ Bage, Yesu na kako walina neeya mono na dukki nee kota padou wali-Na, mono yidda murita-Na da diekuni Ngia. ² Ne bana dukkiwe loddo Sabat, Yesu na bowodi ata nee sinagoge dana. Mono, mangieda ata a renge-Ya da a takjub, mono lidda, 'Gie wali ngianage bana kolege ne ngara dukkanage? Appa hikmatwe payada-Ni mono mukjizat a linnana parawina limma-Na? ³ Ngia da tukang wasu kiya, anana Maria, mono anguawuana Yakobus mono Yoses mono Yudas mono Simon? Yidda wottona da wa'ikidi barrada itta?' Bage, yidda da tersandung mono da tullarani Ngia. ⁴ Bage, linna Yesu barrada yidda, 'Lakka gie dou ata da paakani na nabi, kecuali nee padou wali douna, mono nee tillu du douna, mono nee umma douna'. ⁵ Bage, Yesu dana rawimana mujizat neeya, kecuali tauya limma-Na nee ponnu katuowada yidda ata a karodduka mono na palengadi. ⁶ Mono, Ngia na heran oronage ba dada waige. Bage, Ngia na kako bana woletage ne wanno mono na bowodi ata. Yesu na patukadi murita-Na. ⁷ Bage, Yesu na paoudi yidda kabullu duada murita-Na mono na patukadi duada - duada ata, mono na yadi kuasa atas roh a najis. ⁸ Bage, Ngia na yadi pareta barrada ga'i ka dada ngiddikana lakka appana nee laradana, kecuali tokko, ommana roti, ommana tas, ommana ritti nee kalerre begge danada, ⁹ takka waina kappe wa'i mono omma waikana duada bolla kalabbe. ¹⁰ Mono, linna Yesu barrada, 'Lakka gie doukoge umma patamami, madakawu nee dukki bou lousona walina neeya. ¹¹ Mono, ba wa'iko padou a idda deibawu mono a idda rengewu, ne bou kakoko kobbasadi kobbura walina togo wa'imu sebagai kesaksian barrada yidda'. ¹² Bage, yidda da kako mono da tekkiwe ga'i yidda ata kada derra. ¹³ Bage, da wuda muori tana mangieda mono yidda ata a karodduka da kuddodi minya, mono da palengadi. Herodes na rengewe li'i tubana Yesu. ¹⁴ Mono, Herodes na rengewe, oronage ngarana Yesu na terkenal we, mono lidda ata, 'Yohanes Pembaptis na kedde bana walina mate dana, bage yidda mujizat na payilliyi nee tou dana-Na'. ¹⁵ Yidda waddeka lidda, 'Ngia ngiadona Elia'. Takka, yidda waddeka lidda, 'Ngia ngiadona nabi, a linnana na iyya nabi'. ¹⁶ Takka, na Herodes bana rengewe neya, linna, 'Yohanes, pa kaigu katuowana, na kedde bana!' Yohanes Pembaptis da pamateya. ¹⁷ Ngia doudona Herodes a patukana ata, a paretayi ga'i ka yoppaya Yohanes, mono ketteni nee gollu dana tubana Herodias, ole ummana anguwuana, Filipus, oronage Herodes bana nikah dengani Herodias. ¹⁸ Oronage, Yohanes pirra wudda bana ba linnani Herodes, 'Dana benara mawe bou deke douya ole ummana anguwuamu'. ¹⁹ Oro nage neya, Herodias na dendam ya Yohanes mono na beige bana pamateya, takka dana bisa mawe. ²⁰ Oronage, Herodes bana madautani Yohanes ne bana paddege na Yohanes ata a benaraya mono ata suci ya, mono Herodes na dawaya. Na Herodes bana rengewe tubana Yohanes, na bingung, takka Herodes na senang bana rengeya Yohanes. ²¹ Takka, dukkiwe loddo a tuba, ne ulang tahun na Herodes bana rawige ne perjamuan tubada yidda pejabat, perwira mono pemimpin Galilea. ²² Bage na ana mawinnena Herodias na tama mono na nego, na pamaringaya Herodes mono na madi'i dengani. Bage, na tokko linnani na lakawa ki'i, 'Dengiwu lakka appana pa beimu mono yauwa ku yagu'. ²³ Bage, Herodes na aura barrana, 'Lakka appana padengimu barragu, ku yagu, bahkan dukki waddeka kerajaan gu'. ²⁴ Bage na lakawa na kako mono linnani innana, 'Appako pa dengigu?' Na walewe innana, 'Katuowana Yohanes Pembaptis'. ²⁵ Bage, na kako miema pongu na lakawa barrana na tokko mono linna, 'Ku beige nee balinnawe bou yagage katuowana Yohanes Pembaptis nee ponnu dulangu'. ²⁶ Oronage neya, na tokko na milla we atena, takka oronage aurana mono yidda ata a nga'a dengani, dana tullaramage pa dengina na anana. ²⁷ Bage, na tokko na patukani na algojo ga'i kana ngiddiwe katuowana Yohanes, bage na algojo na kako mono na katupuwe katuowana Yohanes nee gollu dana. ²⁸ Bage, na ngiddiwe katuowana Yohanes nee ponnu dulangu mono na yanage na lakawa, mono na lakawa na yanage barrana innana. ²⁹ Bage, ne bada rengewe yidda muritana Yohanes, da mai mono da dekewe touna Yohanes mono da tanege nee uodi dana. Yesu na yadi panga'a yidda limma rata ata. ³⁰ Bage, yidda rasul na pakassa dengani Yesu mono da tekki nage barra-Na appa parawida mono appa pa bowoda. ³¹ Bage linna Yesu barrada, 'Maida kata pa kadenna wekkina nee padou a kasika mono kata ngau suodi'. Oronage, mangiedayi ata a mai mono a kako, mono ba nga'ako dana sempat ma. ³² Bage Yesu mono murita-Na da kako pa kadenna wekkina waina tiena nee padou a kasika. ³³ Takka, yidda ata a mangieda da ietayi bada kako mono da paddedi. Bage, yidda ata a mangieda da malle dobba da li lara togo tana walina ngara dukkada kota, mono da dukki ullu walina Yesu mono murita-Na. ³⁴ Na Yesu bana kako nee uppu suoba, na ietayi ata mangieda, mono na kasihan di oronage yidda mirrika bebeyi a idda mangu atana. Bage, mangieda pa bowonadi Yesu. ³⁵ Ammibage a kapottana, yidda murita-Na Yesu da mai barrana Yesu mono lidda, 'Ne padou na kasika we mono na gedde bage. ³⁶ Patukadi kada kako nee padou a barra mono nee wanno dana ga'i kada wo'i lakka appana kada nga'a. ³⁷ Bage na walewe Yesu, 'Yemmi po a yadi nga'a". Bage, lidda barrana Yesu, "Ma kakopo bama wo'i roti a wellina duada ngasu dinar mono mono yadi bada nga'a?" ³⁸ Linna Yesu barrada, " Da pirra roti a wa'ina barrami? Kako mono ietawe!" Ne bada padde bage, lidda, "Limma roti mono duada kabokko". ³⁹ Bage, Yesu na patukadi ga'i kada madi'i waina kelompok togo ruta a morona. ⁴⁰ Yidda ata mangieda da madi'i waina kelompok, wa'i a ngasu atana mono wa'i a limma kabulluna. ⁴¹ Bage, Yesu na dekeyi yidda limma roti mono duada kabokko, na tangara togo langita, na malangi mono na bareyi, bage na yadadi barrada murita-Na ga'i kada yadi yidda ata mangieda. Ngia a bare allayi duada kabokko barrada ngara dukkada ata. ⁴² Mono, yidda ngara dukkada da nga'a dukki bada biekuta. ⁴³ Bage, da dekeyi kabullu duada keranjang a mango sisa roti mono kabokkona. ⁴⁴ Mono, wa'idi limma rata kabani a nga'a roti. Yesu na kako ponnu wee. ⁴⁵ Bage, Yesu na patukadi yidda murita-Na kada penne ne'e togo tiena mono kada kako ullu nee bali loko, arona Betsaida, bage Ngia na patukadi yidda ata mangieda ga'i kada kako. ⁴⁶ Bana ba pamit dengadi, na kako togo letena bada sabaya. ⁴⁷ Dukki bana geddege, na tienada neni tilli suoba, mono Yesu kamiesaki togo tana. ⁴⁸ Bage, ne bana ietayi yidda murita-Na bada susah payah dayung ya na tiena oronage paringi a ma puowi pasele dengani arah dugguda yidda, kira - kira jam bada dawa gedde ka patana, Yesu na mai barrada bana kako ponnu suoba mono na kako ullu wali barrada yidda. ⁴⁹ Takka ne bada ietaya Yesu bana kako ponnu suoba, noto hantu ya lidda, bage na dangu, ⁵⁰ oronage yidda ngara dukkada da ietaya Yesu mono da madauta. Takka, Yesu na panewe dengadi, mono linnadi, "Kadenna. Ne Yauwa! Dei madauta kana". ⁵¹ Bage, Ngia na penne togo tiena da, mono na ngau na paringi, mono yidda da takjub. ⁵² Oronage, ba dada padde poge tubana mujizat limma roti oronage da pakatto poge ateda. Yesu na palengana ata mangieda. ⁵³ Bage, Yesu mono murita-Na da pala bana, da dukki nee tana Genesaret mono da pa disseni tiena da. ⁵⁴ Ne bada burru walina tiena dana, yidda ata da tadaya Yesu, ⁵⁵ mono da malle nee wanno dana mono da ngiddiyi ata a karodduka nee ponnu kasur, lakka gie dou renge dage tubana Yesu. ⁵⁶ Bage, lakka gie dou padou kakona Yesu nee wanno dana atau kota dana, atau daerah barrada, da pa beikayi ata karodduka nee padou a rame mono da dengi-Ya ga'i kada todowe lawi kalabbe-Na. Mono lakka garrani a todowe kalabbe-Na da lengana.