Patekkina Yesu tubana akhir zaman Bait Allah da pukkage ¹ Bage, na Yesu bada duddakage Bait Allah, na iyya murita-Na linna barra-Na, "Guru, gillakadi na dessa takkayi yidda watu mono na dessa allayi yidda bangunan!" ² Mono, na walewe Yesu, "Mu ietayi yidda bangunan a dessa? Da'ima lakka iyya watu a iengana nee togo watu waddeka pa dapa pukkada". Awal mula bana mayilla ³ Mono, na Yesu ba neni a madi'i togo lete Zaitun a arona nee Bait Allah, Petrus, mono Yakobus, mono Yohanes, mono Andreas da tua kamiesaya Yesu, ⁴ "Tekki gamage, pirra bana dadiwe neya, mono appa tada a dadi ne ngara dukka nage bana dukka koge?" ⁵ Bage, linna Yesu barrada, "Paatemi ka da'ikana ata a pasillirami. ⁶ Mangieda ata a mai waige ngara-Gu, a linnana, 'Yauwa dona Ngia'. Mono, yidda da pasillira ata mangieda. ⁷ Ne bei renge kowe tubana patau mono patekkida tubada patauna, dei madauta kana. Neya na dadi powe, takka kadukka nage ngara dukkada dana dadi powe. ⁸ Oronage, bangsa na kedde bana lawage bangsa, mono kerajaan na lawage kerajaan. na kedde iepu iyya oadou iyya padou; wa'ige karieba. Ne ngiadowe permulaan na walina karodduka paana. ⁹ Takka, dawa wekki douna. Oronage, yidda da yawu nee pengadilan dana, mono you da paluwu nee sinagoge dana mono you mu dede arona Sanhedrin mono tokko orogu Yauwa, sebagai kesaksian barrada yidda. ¹⁰ Mono, ne Injil tekki ullu powe barrada ngara dukkada bangsa. ¹¹ Mono, ne bada ngiddiwu bada yawu, dou khawatir kana tubana appana patekkimu, takka lummu appanage payadagu barramu oronage da youma a panewe, takka Roh Kudus. ¹² Mono, na ole dadi na yaya ole dadina nee mate dana, mono na ama barrana anana. Yidda lakawa da kedde bada lawadi inna amada mono da pamateyi. ¹³ Mono, yemmi da bencimi ngara dukkada ata oronage ngara-Gu. Takka, yidda ata a bertahan dukki kadukka nage da manumara". Ne a buokala a paoroge ne kehancuran. ¹⁴ "Takka, ne bei ietayi yidda pembinasa keji a dede nee padou a idda padouna, yidda a nena Yudea da mallepo togo letena. ¹⁵ Yidda ata a nena togo umma dada burru kana atau dada tamakana nee umma bada palousona lakka appana walina nee umma. ¹⁶ Mono, yidda ata a nena uoma dana, dada bali kana bana dekeyi kalabbena. ¹⁷ Celakayi yidda a pati'a mono yidda a pasusu lakawa netti loddona. ¹⁸ Sabayami ga'i neya ka dana dadi kawe nee musim kalikka. ¹⁹ Oronage, netti loddona na dadiwe ne mayilla kalada a idda dadipo walipoge ba rawige, parawina Muori dukki neeya, mono dana dadi kiama wege. ²⁰ Mono, na Muori ba dana persingkat kowe ne loddo, da'ima lakka iyya ata pa manumarada. Takka, demi pa pededa, pa pede-Na, Ngia na persingkatwe ne loddo. ²¹ Bage, ba wa'iko ata a tekki guge barramu, 'Ieta, Kristus wa'ini ni'iya!' Atau, 'Ieta, Ngia wa'ini ne'eya!' Dou waikage. ²² Oronage, yidda mesias palsu mono nabi palsu na kedde mono da patingoge tada mono keajaiban ga'i kada pasillirayi yidda ata papede. ²³ Pa atemi! Yauwa ku tekki ullu bagu mige ne ngara dukkanage. ²⁴ Takka, netti loddona, ne bana dadi bawe ne mayilla kalada, 'Na mataloddo na kapottana, mono wulla dana mangiewalama. ²⁵ Yidda madubbu da kaboula walina togo langita, mono kuasa togo langita da kiddukadi'. Yesaya 13 : 10; 34 : 4 Ammini Ana Ata ²⁶ Bage, yidda da ietaya na Ana Ata bana mai ne kawuta dana waige kuasa mono kemuliaan a kaladana. ²⁷ Bage, Ngia na patukadi yidda malaikat mono na pakassadi pa pededa walina yidda pata arah mata angin, walina uppu tana dukki uppu langita. ²⁸ "Belajarmi walina na tudda wasu ara : yidda dahan na bada moddasako mono ro'ona bada louso kona, mu paddege ne musim wadala ammi bage. ²⁹ Linna alladowe yemmi, ne bei ietakowe neya bana dadiwe, paddege ne Ngia ba ammini. ³⁰ Ku tekki takka guge a bia barramu, ne generasi dana berlalu mawe dukki ne ngara dukkanage bana dadiwe. ³¹ Ne langita mono tana na berlaluwe, takka li'i-Gu dana berlalu mawe". Waspada mono berjaga - jaga mi ³² "Takka, tubanage loddo atau jam, da'ima lakka iyya ata a paddege, dana padde allamage yidda malaikat Surga dana, lakka Ana, ngiakadona Ama. ³³ Waspadami, berjaga - jaga mi. Oronage, yemmi dei padde mage rapa ba ammige. ³⁴ Neya mirrika atami a nena lara dana. Ne bana duddakage ummana mono yadi kuasa yidda pelayanna, payilla douda, mono na paretayi yidda a dawawe binna ga'i kada berjaga - jaga. ³⁵ Oro ba linnawe, berjaga - jaga mi oronage yemmi dei padde mage na muori umma bana mai, mamale, atau tillu gedde, atau bada kuku manu, atau kabu gedde ki'i, ³⁶ jangan sampai na mai bage na kolegumi ba negumi a dura. ³⁷ Appa ne patekki-Gu barrami, Ku tekkiwe barrada ngara dukkada ata : 'Berjaga - jagami!"