Yesu na tama nee Yerusalem a linnana Tokko ¹ Mono, ne bada tekki padukki nee Yerusalem, barra Betfage mono Betania, togo lete Zaitun, Yesu na patukadi duada murita-Na, ² mono linna barrada, "Kkaowu nee wanno dana aromu, mono ne bou tama koge, yemmi mi reggaya na iyya keledai muda a makette, pa dapa penne poda ata. Pasellaya na keledai mono ngiddiya. ³ Ba wa'iko ata a tuami, "Appa maka mi rawige neya?' limmi, 'Tuhan a perluya na keledai mono na pangiddi kiani ni'iya". ⁴ Bage, da kako mono da reggaya na iyya keledai muda a makette barra binna, nee bali gounga, lara dana, bage da pasellaya. ⁵ Yidda pirra ata a dede neeya da tuayi, "Appana parawimi bei pasellaya na keledai?" ⁶ Yidda da walewe a linnana patekki banadi Yesu barrada, mono yidda ata na ga'idi bada kako. ⁷ Bage, da ngiddiya na keledai barrana Yesu, na tau kalabbe togo keledai, mono Yesu na madi'i nee togo keledai. ⁸ Mono, mangieda ata a wallarana kalabbena lara dana, mono waddeka na tau karagga wasu pa katupuda walina uoma dana. ⁹ Ata mangieda a kako ullu aro mono a padieku da kawula, "Hosana! Maringini Ngia a mai nee ngara dana-Na Muori. Mazmur 118 : 25 - 26 ¹⁰ Maringina kerajaanna Daud a ammina, ama kawieda da! Hosana, nee padou a madieta!" ¹¹ Bage, Yesu na tama nee Yerusalem mono na kako nee Bait Allah dana. Mono, ne bana ietawe ngara dukkanage ne barrana, Na kako nee Betania dugguda kabullu duada murita-Na oronage ba ammibage a geddena. Yesu na kutukya wasu Ara ¹² Mono, kuoka ba linnawe, ne bada duddakage Betania, Yesu na karieba. ¹³ Ne bana ieta wali marroya na wasu Ara a mangu ro'ona, na kako bana gillakani ba wa'iko lakka appanage pa kole a walina nai wasu. Ne bana dukki nee barra wasu, da'ima pakolena kecuali ro'ona oronage ba da rapa wua Ara we. ¹⁴ Oro balinnawe, linna Yesu barrana na wasu, "Da'i kiakana ata a nga'a wua a walina barramu dukki a idda kadukkanage". Mono, yidda murita-Na da rengewe. Yesu na kako nee Bait Allah dana. ¹⁵ Bage, da dukki nee Yerusalem. Mono, Yesu na tama nee Bait Allah dana mono na wudayi yidda ata a ma batta nee Bait Allah dana. Na kabaliyi yidda meja pa tukar wai ritti mono kursida ata a battana keila merpati, ¹⁶ mono Ngia dana kiama yidda ata bada ngiddiyi barang da bada li Bait Allah. ¹⁷ Bage, Yesu na bowodi mono linna, "Dana matulisakiwe, "Umma-Gu da tekkiwe umma sabayada yidda ngara dukkada bangsa?' Takka, yemmi mi ubahwe dadi sarang ata kiedu". ¹⁸ Mono, yidda imam kepala mono ahli Taurat da rengewe mono yidda da ngaddo pata pei wa'inage bada pamate-Ya. Oronage, da madauta-Ni oronage yidda ata mangieda da kagumge patekki-Na. ¹⁹ Mono, ne bana geddege, Yesu mono murita-Na da duddakage ne kota. Mangu ate waimi nee Allah dana. ²⁰ Bage, ne kabu gedde bada lewat, da ietaya wasu ara a mara kalarritana. ²¹ Petrus na lolowe mono linnani Yesu, "Rabi, ieta! Na wasu ara pa kutuk-Mu You na mara bana!". ²² Mono, Yesu na waleyi, "Mangu ate waipomi ne barrana Allah. ²³ Yauwa Ku tekki takka gugemi a bia barrami, lakka garrani na linnage ne letena, 'Makeketawu mono ma letowu nee bonnu dana,' mono dana raguma nee ate danana, takka na waige appa patekkina bana dadiwe, bage neya na dadi takkawe. ²⁴ Oro ba linnawe, Yauwa luggugu barrami, lakka appana pa sabayami mono dengiwe, waige ne yemmi mi deibawe, bage neya da yawe barramu. ²⁵ Mono, ne bei dedeko mono sabay, ampuni ni ba wa'iko pa boddalami ate danami barrana na iyya ata, ga'i na Amamu a wa'ina nee Surga dana na ampuni gudi salamu. ²⁶ Takka, ne yemmi ba dei ampuni ko, na Amamu a wa'ina nee Surga dana ampuni allamagudi salamu". Pemimpin Yahudi na tua tubana Kuasa Yesu. ²⁷ Bage, da mai kia nee Yerusalem. Tammura Yesu bana kako nee Bait Allah dana, yidda imam kepala, mono tua - tua Yahudi da mai barra-Na. ²⁸ Mono, lidda barra-Na, "Appa kuasa pawai-Mu bou rawige neya, atau garrani a yaguge ne kuasa bou rawige?" ²⁹ Linna Yesu barrada, "Yauwa Ku tuawu iyya pertanyaan barrami. Wale-Wa, bage Yauwa Ku tekki guge appa kuasa pawai-Gu baku rawige neya. ³⁰ Ne baptisan Yohanes walina nee Surga dana ata walina barrada ata pi'a? Wale-Wa!" ³¹ Yidda da woroge iyya mono waddeka ba lidda, "Bata walekowe, 'Walinage Surga dana' linna bana, 'Bage, appa maka dei waige?' ³² Takka, bata walekowe, 'Walinage barrada ata pi'a?" Yidda pemimpin da madautadi yidda ata mangieda oronage yidda ngara dukkada da anggapya na Yohanes nabi takkaya. ³³ Oro ba linnawe, da waleya Yesu, "Yamme dama padde mage". Bage, linna Yesu barrada, "Linna alladowe Yauwa, Yauwa daku tekki alla maguge appa kuasa pawai bana rawige neya".