Tubanage ba piewa ¹ Bage, Yesu na duddakage ne padou mono na kako nee wilayah Yudea mono bali sungai Yordan. Bage, ata mangieda a pakassana a kawore kiani. Mono, a linnana kebiasaan-Na, Ngia na bowo kiadi yiddi ata. ² Bage, yidda ata Farisi da mai barra-Na, mono da nunga-Ya lidda bada tuaya, "Na benarawe na la'ina bana piewa dengani ole ummana?" ³ Na walewe Yesu, Appa pa paretana Musa barramu?" ⁴ Lidda, "Musa na naudi na la'ina bana rawina surata piewa mono piewa dengani". ⁵ Takka, linna Yesu barrada, "Oronage bana kattoge atemu, na Musa na tulisawe ne pareta barramu. ⁶ Takka, ngiapoge nettiya ba rawi ulluna, 'Allah na rawidi kabani mono mawinne. ⁷ oro ba linnawe, na kabani na ga'idi ama mono innana. ⁸ Mono, yidda duada ata da paka iyya bana'. Ba linna kowe, yidda da duada badage, takka iyyadi. ⁹ Bage, appa paka iyyana Allah, da'i kana ata a pa piewadi'. ¹⁰ Bage, nee umma, yidda murita-Na da tua kiaya tubanage neya. ¹¹ Bage, linna barrada yidda, 'Ba garra koni a piewa dengani ole ummana mono na nikah dengana ata waddeka, ngia rawinage zina barrana ole ummana. ¹² Mono, na ole ummana bana piewa dengakoni la'ina, mono na nikah dengana ata waddeka, ngia na rawina zina'. Yesu na pa maringina lakawa. ¹³ Bage, yidda da ngiddiyi lakawa ki'i barrana Yesu ga'i kana padammedi lakawa, takka yidda muritana da teguryi. ¹⁴ Takka, na Yesu bana ietayi, na banidi mono linnadi yidda murita-Na, "Ga'idi yidda lakawa ki'i kada mai barra-Gu mono dei adda kadi oronage ne kerajaan Allah doudage ata a linnana yidda. ¹⁵ Ku tekki takka guge a bia barramu, garra koni a idda deibawe ne kerajaan Allah a linnana na iyya lakawa, dana tamama nee dana". ¹⁶ Bage, Yesu na agudi yidda lakawa, na pamaringidi mono na tau-Ya limmana ponnu katuowada. Ata pote a tullarage bana diekuni Yesu. ¹⁷ Bage, Yesu neni a siap ge pakako-Na, na iyya ata na malle barra-Na mono na kawodo aro-Na mono linna, "Guru a dessa ate, appa parawigu ga'i kaku kolena warisan muorika a idda kadukkana?" ¹⁸ Bage, linna Yesu barrana, "Appa maka dessa ate lummuga? Da'ima lakka iyya ata a dessa, ngiakadona Allah dou. ¹⁹ You mu paddegdi yidda pareta: 'Dou pamate kana ata, dou zina kana, dou kiedu kana. dou yakana saksi palsu, dou makirri kana, paakadi amamu mono innamu". ²⁰ Bage, na ata linna barra-Na, "Guru, yauwa ku dieku kuabadi walipoge netti baku bo'u pona". ²¹ Takka, Yesu na gillakani na ata mono na manawarani, mono linnani, "Iyya a kurang wali barramu. Kakowu mono battadi ngara dukkada doumu, mono yadadi ata milla, bage you mu kolena pote nee Surga dana. Bage, ammigu mono dieku-Ga". ²² Takka, ne patekkina na milla ate dengage mono na kako milla ate oronage bana luadi potena. ²³ Bage, Yesu na gilla kage barrana mono linna barrada murita-Na, "Na kabaditawe na ata a mangu potena bana tama nee kerajaan Allah dana!" ²⁴ Da katattaka yidda murita-Na bada rengewe patekkina. Takka, linna kia Yesu barrada, "Ta lakawa, na kabaditawe ba tamako nee kerajaan Allah dana! ²⁵ Na muda powe na unta bana li nee lubang karuwwe dana daripada na ata pote bana tama nee kerajaan Allah dana". ²⁶ Yidda murita-Na da katattaka mono lidda iyya mono waddeka, "Bage, garra koni pa pamanu mara?" ²⁷ Yesu na gilla kadi mono linna, "Barrada ata pi'a neya na kabaditawe, takka iddama barrana Allah". Upahna ba dieku koni Yesu ²⁸ Linna Petrus barrana Yesu, "Ieta, yamme ma ga'idi ngara dukkada bage ma diekugu You". ²⁹ Linna Yesu, "Ku tekki takka guge a bia barramu, da'ima lakka iyya ata a duddakage ummana, atau na'ana, atau wottona, atau innana, atau amana, atau anana, atau uomana orogu Yauwa mono oronage Injil, ³⁰ ne'e ba linnawe dana deibama ngasu kali lipat umma, mono na'ana, mono wottona, mono innana, mono anana, mono uomana, waige penganiayaan; mono nemmiya, muorika a idda kadukkana. ³¹ Takka, mangieda ata a ullu bage da murri, mono a murri da ullu". Yesu na panewe kia tubana mate-Na. ³² Yidda nedi lara dana bada penne nee Yerusalem mono Yesu na ullu aroda yidda. Mono, yidda da takjub, bage yidda ata a diekuni da madauta. Mono, Yesu na ngiddi kiayi yidda murita-Na a kabullu duadana, na tekki dage appa nage a dadi barra-Na, ³³ linna, "Ietawe, itta neda a pennege ne Yerusalem mono Ana Ata da yaya barrada yidda imam kepala mono yidda ahli Taurat. Yidda da ukku-Ni dukki bana mate mono da yaya barrada ata a idda Yahudi na. ³⁴ Yidda da hina-Ya, mono da panu'i-Ya, mono da tau-Ya, mono da pamate-Ya. Takka, ne ka touda loddo nage, Ngia na kedde bali". Pa dengida Yakobus mono Yohanes ³⁵ Bage, Yakobus mono Yohanes, anana Zebedeus, na mai barrana Yesu mono linna, "Guru, yamme ma beige ne You bou rawige lakka appana pa dengima". ³⁶ Mono, linna Yesu barrada, "Appa pa beimi ga'i kaku rawige barrami?" ³⁷ Lidda barra-Na, "Ga'ini na iyya ata a walina barrama ga'i kana madi'i tuba kawana-Mu, mono na iyya ata kia tuba yello-Mu, nee kemuliaan dana-Mu". ³⁸ Takka, linna Yesu barrada, "Yemmi dei padde mage appa pa dengimi. Mi sanggup bei ienuge ne cawan pa ienu-Gu atau pariwomi waige ne riwo pa pariwo waida-Ga?" ³⁹ Lidda barrana, "Yamme ma sanggup!" Bage, linna Yesu barrada, "Ne cawan pa ienu-Gu memang mu ienuge, mono yemmi da pariwomi waige ne riwo pa pariwo waida-Ga. ⁴⁰ Takka, ne ba madi'i tuba kawana-Gu atau tuba yello-Gu da hak kiguge baku yaguge, takka ne padou tuba dage yidda pa siap bada". ⁴¹ Ne bada rengewe, yidda kabullu murita-Na waddeka da banidi Yakobus mono Yohanes. ⁴² Bage, Yesu na paoudi mono linnadi, "Yemmi mi paddege ne yidda pa anggapda ata pareta ata a idda Yahudi nana rawige seolah-olah bada berkuasa barrada yidda. Mono, yidda petinggi da da waige ne kekuasaan barrada. ⁴³ Takka, da linna mawe barrami yemmi. Bali nage, ba garra koni a beige a dadi ata kalada barrami yemmi, na dadipo pelayanmi, ⁴⁴ mono ba garra koni a beige a dadi ata a ullu ne barrami, na dadipo pelayan walida ngara dukkada. ⁴⁵ Oronage, Ana Ata na mai da layani kini, takka ga'i kana layani, mono ga'i kana yawe lolo ngau-Na sebagai tebusan barrada ata mangieda". Yesu na palengani Bartimeus a kabuola. ⁴⁶ Bage, yidda da dukki nee Yerikho. Ne bada duddakage Yerikho dugguda murita-Na mono ata mangieda, na iyya ata a madengi a ngarana Bartimeus, anana Timeus, neni a madi'i nee uppu lara. ⁴⁷ Ne bana rengeya ba wa'ini Yesu a waliana Nazaret, na kawula mono linna, "Yesu, Anana Daud, manawaraga!" ⁴⁸ Mono, mangieda ata a tegurya mono da patukani bana kadenna. Takka, ngia na kawula kia, "Anana Daud, manawaraga!" ⁴⁹ Bage, na ngau Yesu mono linna, "Paouni". Mono, yidda da paouni na ata kabuola mono linna barrana, "Pakattoge atemu! Dedewu, Ngia na paougu". ⁵⁰ Sambil bana kaige kalabbena, na ata kabuola na dede mono na mai barrana Yesu. ⁵¹ Mono, linna Yesu barrana, "Appa pa beimu ga'i kaku rawige barramu?" Na walewe na ata kabuola, "Rabi, ga'iga kaku ieta". ⁵² Bage, linna Yesu barrana, "Kakowu. Ne ate waimu na palengawu". Na lenga miema ponguna, mono na diekuni Yesu nee lara dana.