¹ sadekka kia,ata israel da rawige a buakala ne aro mata-Na Muori ba banna mate ehud. ² bage,Muori na battadi togo limmana yabin,tokko kanaan,a terrege paresa nee hazor.panglima tentarana ngiana sisera,a madaka nee haroset-hagoyim. ³ ata israel da paouni Muori,oronage na tokko waidi siwwa ngasu kereta bessina monno na tindasayi ata israel na kejam pongngu selama duada kabullu dou. ⁴ dukki neege,debora,ole ummana lapidot,ata nabiah,na paresa banna dadi hakimuda ata israel. ⁵ na madii dua ne kabu wasu korma debora nee barra rama monno betel togo letena efraim,monno ata israel da kako dukkini badda berhakim. ⁶ na pawede ba pa ouni barak anana abinoam wali kadesh wilayah kabisu naftali,monno linnani,''danna pawedekadomi Muori ,marobba Allah israel a linnana,'kako nee togo letena tabor duguda marengngana kabullu rata ata a wali paburruna naftali monno paburruna zebulon. ⁷ ku tengngikoya sisera,panglima tentarana yabin,duguda kereta monno pasukanna kadda kako barrami nee loko kison,monno yayi limma danamu.''' ⁸ barak na waleya debora,''bou kako marengngakoga,ku kako dommo.ba dou kako'ko diakuga,dakku kako dommoma.'' ⁹ debora na wale,''ianga kako gu bakku marengngagu.ba balinnawe,dou kolemanna pa'aka togo lara na pakakomu,oronage Muori na yaya sisera ne limmana iyyani mawinne.''bage,na kedde debora monno kako marengngani barak nee kadesh. ¹⁰ barak na pawedeyi kabisu zebulon monno kabisu naftali nee kadesh,monno da kako kabullu rata ata badda diakuni,monno debora na kako dommo diakuni. ¹¹ waini iyya ata a ngarana heber,ata keni,a bare wekkina wali kabisu keni,nai paburruba hobar,sadouna musa.na wallarage kariakana dukkiwe nee wasu tarbantin nee zaanaim,a neena barra kadesh. ¹² tekkinage sisera na barak anana abinoam ba bali ammini nee togo letena tabor. ¹³ makka,sisera na pawedeyi ngaradukkada karetana a siwwa ngasuna kareta papatau wai parawi a walina bessi marengngadi ngaradukkada rakyatna a diakuni,yiddi bangsa haroset-hagoyim,da kako nee loko kison. ¹⁴ bage,debora linnani barak,''keddege,oronage nee ngiawe rasinage Muori banna yaya sisera ne limma danamu.ba Muori kaddona a kako nee aromu?''bage,na burru barak wali togo letena tabor monno kabullu rata ata a diakuni. ¹⁵ monno,marobba Allah na pa kacoya sisera duguda ngaradukkada keretana waini mata kiato ne arona barak,ba na sisera makka na burru wali togo karetana monno na kiadu kako waina wai. ¹⁶ bage,barak na ruatiyi kereta monno tentarana diakudi dukki nee daerah bangsa haroset-hagoyim.ngaradukkada tentarana sisera da mate oro mata kiato.daima lakka iyya ata ko a muarika. ¹⁷ sisera na kiadu waina wai nee umma kariakana yael,ole ummana heber,ata keni,oronage wai ge muoli nee barrana yabin,tokko hazor, duguda du'na,na ata keni. ¹⁸ kamurrinage,na lousona yael na tabbokaya sisera,monno linnani,''li,muarigu,mai tama.illa madautakaga.''bage,na li umma kariaka danana monno yael na tuadi waini ingngi. ¹⁹ kamurrinage,sisera linnani na mawinne,''neeya,yaga pa ianu suadi,oronage ku marou pongngu.''kamurrinage yael na wukkeya kirbat susu,na yani pa ianu,monno na pa ingngiya. ²⁰ linnani na mawinne,''dedewu barra binna kariaka.ba ammiko a mai badda tuawu ,''wai ata nii?',waleya,'daima'. ²¹ bage,yael,ole ummana heber,na dekeya katukku kariaka na deke dommo paluwaini limmana.na barrani sisera ngarre-ngarrena,bage na pakoya na katukkuya ne togo pippina na puata wai togo tana ba neeni a mate dura oro dualina,monno na mate. ²² kamurrinage,ammini barak a ruatiya sisera.na lousona yael banna tabbokaya monno linna,''mai,kakku bowogunni natti ata pangaddomu.''bage,na tama monno na iataya sisera banna mate duguda katukku togo pippina. ²³ nee loddo,Marobba Allah na pamokoya yabin tokko kanaan ne aroda ata israel. ²⁴ ma do-doiwe ,na kaladage monno na hebatawe paterreda ata israel nee yabin,tokko kanaan,dukki badda pamateya yabin,na tokko kanaan.