¹ ne linnawe,makka banagege daud na pakalayi ata filistin monno pamokoyi.kamurrinage daud na deke kendali wali paterreda ata filistin. ² na pakala dommoyi ata moab monno na rawidi badda beika ne togo tana ukura waidi kalerre.na ukurayi duada wudda kalerre tuba banna pamateyi monno sadekka kalerre a bonnuna tuba banna gaidi badda muarika. kamurrinage ata moab da menyerahni daud monno da yapo upeti. ³ bage daud na pakalaya hadadezer,anana rehob,tokko zoba,dukki banna kako tuba banna pa balige paterrena nee loko efrat. ⁴ daud na yoppayi rata pittu ngasu ata a waina dara monno duada kabullu rata ata a kako tana.daud na ropoyi kaluata keting waki ngaradukkada dara kereta,monno gaidi ngasu dara kereta ne barrana. ⁵ bage,ammidi ata aram wali damsyik badda tuluni hadadezer,tokko zoba,monno daud pakalayi duada kabullu duada rata ata aram. ⁶ daud na tauyi pasukan-pasukan nee negri aram damsyik ba makka yidda ata aram da takluk ni daud monno da ya persembahan upeti. Muori na ya pakita mennangu lai daud dukki banna pataukona. ⁷ bage daud na keketa perisai-perisai masi pa tauda ana buana hadadezer monno ngiddiyi nee yerusalem. ⁸ wali betah monno berotai,yiddi kota-kota hadadezer,na dekeyi tokko daud tembaga mangiada. ⁹ dukki banna rengnge tou,tokko hamat,daud bali pakala kuanadi ngaradukkada pasukanna hadadezer, ¹⁰ tou na pawedeya yoram,ana'na,lai daud banna padukkige sala monno selamatuya oronage ba bali todonage hadadezer ,a ullu a todowe tou.na yoram lakka na ngiddiko pa ngiddi a walina peraku,pangiddi a walina masi, monno pa ngiddi a waliana tembaga. ¹¹ bage,na pa iakadi tokko daud tubana Muori,pa oledi masi monno peraku papa iaka wali ngaradukkada bangsa papa kalana, ¹² a walina lai ata aram,ata moab,pa burruna amon,ata filistin,ata amalek,wali jarahan pa rampasa wali hadadezer, anana rehob,tokko zoba. ¹³ daud na kolena ngara ba banna bali,ba banna pakalayi ata edom nee lembah asin kabullu paddo pata rata ata. ¹⁴ na tauyi nee edom pasukan-pasukan pendudukna. ne ngaradukkage edom na tauyi pasukan-pasukan ngaradukkana edom da dadi ata'na daud.Muori na ya pakitani mennangu dukki banna burruko papatauna. papa resana daud ¹⁵ bage,daud na paresayi ngaradukkana israel,monno baneege daud na pategakuge a adila monno a bennara ne ngaradukkage bangsana. ¹⁶ yoab,anana zeruya,na dadi kapala pasukan.yosafat,anana ahilud na dadi bendahara negara. ¹⁷ zadok anana ahitub,monno ahimelekh anana abyatar,na dadi imam.seraya na dadi panitera negara. ¹⁸ benaya anana yoyada na dadi panglima'da ata kreti monno ata pleti,sedangkan anana daud da dadi imam.