¹ Duuki badda rengngewe anana saul ba bali matena abner nee hebron,dadawe ate da a barani monno ngaradukkana israel da kageta. ² anana saul waidi duada rombongan.iyya ngarana baana monno a ke duada ngarana rekhab,yidda anana nadi rimon a walina beerot,pa burruna benyamin. ³ ata beerot bali kiaduda nee gitaim monno dadi a mai nee bali dukki neeya. ⁴ yonatan,anana saul,waini anana a kalikku waina.limma douna dukki ba ammige berita tuba'da saul monno yonatan wali yizreel.na keketaya inang a urusaya ,bage da kiadu.tapi,oro badda kiadu kayappuka,na guggila monno na timpang.mefibosetuya ngarana. ⁵ da kako anana rimon,nai ata beerot,nai rekhab mono baana.da mai loddo kaka dana nee ummana isyboset.ne loodo neeni a beika togo padou beikana. ⁶ da tama dana umma na a dawa umma neeni a pawarrasana gandum.da tawwenage tia'na,bage da mallerekhab monno baana,duada du'na. ⁷ da tama ne dana umma,ngia neeni togo padou beikana,ne koro dana.da pamateya monno kainage katuawana bage da dekewe katuawana monno da kako li araba-yordan gedde malou. ⁸ ne katuawana isyboset da ngiddinage daud nee hebron,monno liddani tokko,''ne ngiawe katuawana isyboset,anana saul,gobbamu,a kabbuge kaiguge lolo ngaumu.Muori na ya balasa lai muarigu tokko lai saul monno pa burruna nii loddo. '' ⁹ daud na waleyi rekhab monno baana,anguwuana,anana rimon,ata beerot,linna,''demi Muori a muarika,a bali pabebasaga wali susa! ¹⁰ dukki ba wai a tekkiwe saul ba bali matena,lakkana patiati wekki konna ba ngiana a ngiddi patekki a dessa,tapi ku yoppaya monno pamateya nee ziklag.oro balinnawe,ku yanage wellige ne patekkina. ¹¹ louka kia neeya,dukki ata fasik badda pamateya ata bennara ne ummana,ne togo padou beikana.apaka dakku tuntutamawe raana wali togo limmami monno pamatemi wali ne ponnutana? ¹² bage,daud na pawedeyi ana buana badda pamateyi.limma monno waina tippu kadadi,bage mayatuda tiarudadi ne uppu telaga hebron.katuawana isyboset dekewe ,tane ge padou tanedanni abner nee hebron.