¹ pakitanagege,na keddewe banina Muori lai israel.na pangaruya daud linnani,''kako,yiapadi ata israel monno ata yehuda.'' ² bage,tokko linnani yoab monno panglima tentara a diakuni,''neeya kakoge ne ngaradukkana kabisu israel,wali monno dukki bersyeba.tulisayi yiddimi ata gaimu kakku paddedi luada.'' ³ yoab na waleya tokko,''kiranya Muori, Marobba Allahmu,na tabana ata wali israel ngasu kali lipat sadekka kia gaimu matamu muarigu tokko kou iatayi,namun,appa muarigu tokko makka mu beiwage ne a linnana?'' ⁴ akan tetapi,ne papa wedena tokko terpaksa na rawige yoab monno panglima tentarana wali arona tokko banna tulisayi luada ata israel. ⁵ da palage loko yordan bage da rawina kariaka nee aroer,ne tuba kota a neena tillu ngaba gad a arona yaezer. ⁶ bage da dukki nee gilead monno ne negrida ata het,bage da tama monno dekeya a arona sidon. ⁷ bage,da dukkidi padou a mangu bentengunna,tirus,ngaradukkada kotada ata hewi monno ata kanaan.kamurrinage da tama ne tuba selatan yehuda,nee bersyeba. ⁸ bage da kakoge ngaradukkana negri monno ba ba siwwa wulla duada kabullu loddoda da bali nee yeruslem. ⁹ yoab na tekkiyi pakoleda wali badda datayi rakyat ne lai tokko.wai paddo pata ngasu rata da kabani israel a kullisa a parubatanna monno a padde paterrena kiato,monno limma ngasu rata ata kabani yehuda. Muori na ukuni Daud ¹⁰ kamurrinage,dukku-dukkuwe atena daud ba banna yiapadi rakyat.bage,daud linnani Muori,''ku jala oronage bakku rawige.neeya,Muori,neeya pamarrodi jalana na ata-Nu oro ne parawigu a ngade.'' ¹¹ dukki kuaka banna kedde daud,lii Muori na maiwe lai rato gad,a iataya daud,linnawe, ¹² ''kako monno tekkinage daud,lummuni:ne linnawe patekkina Muori,'touda da pa kolegugu.pidi iyya wali yidda touda gaimu karawidi barramu.''' ¹³ bage,ammini gad lai daud banna tekkinage ne a dadi linnani,''ammi ge pittu dou kariaba ne negrimu?atau,touda wulla madoinage bou kiadu wali aro gobbamu iangadi badda ruatiwu? atau,na dadiwe touda loddo karodduka sampar ne negrimu? neeya,pangeddage monno timbanguwe,appa na papa dukkiguni a pawedewa papadukkige ne patekki.'' ¹⁴ daud na waleya gad,''na susawe ategu.ta kaboula dua ne limma danana Muori,oronage na kaladage manawwarana.namun,illa ku kaboulakanna ne limma dana da ata.'' ¹⁵ bage Muori na pamaidage karodduka sampar lai ata israel,wali kabu gedde dukki rasi patekkina.da mate wali yidda bangsa,wali monno dukki bersyeba,pittu kabullu tara ata. ¹⁶ dukki malaikat banna padedeya limmana ne yeruslem banna padukkayi,na menyesalu Muori oronage ne karodduka.bage linnani na malaikat a pamai padukka dengnga lai yidda bangsa,''tutuwe! neeya pa burruni limmamu!neeya,na malaikat Muori neeni barra padou pengirikan arauna,ata yebus. daud na woi we padou pengirikan ata yebus ¹⁷ Daud linnani Muori dukki banna iataya na malaikat a padukka yi yidda bangsa,linna,''karurunage bali rawigu jala.bali rawigu jala.tapi,appana parawida yidda domba-domba?gaidi limma-Mu kanna todowa monno du'gu.'' ¹⁸ nee loddo ammini gad lai daud,bage linna,''kako,monno padede tubana Muori mezbah ne padou pengirikan arouna da, ata yebus!'' ¹⁹ na kako daud monno rawige patekkina gad,a linnana papa wedena Muori. ²⁰ arauna neeni a lippa ngaddo banna iataya tokko monno pagawe -pagawena banna mai barrana.na kako arauna,bage na kawodo sembahya tokko matana togo tana. ²¹ na tua arauna,''appa muarigu tokko makka mu mai ne lai atamu?''daud na wale,''tuba bakku woiwe wali barramu ne padou pengirikan.ku padede mezbah tubana Muori,gaimu kanna ngau tula a todoyi rakyat.'' ²² arauna linnani daud,''dekewe monno ya appa na muarigu tokko papa tiatimu a dessa.iatawe,waidi lembu tuba korban patunnu monno eretan-eretan pengirik,duguda perkakas-perkakas tuba parii lembu. ²³ ngaradukka kuada arauna na yanadi tokko.'' arauna linna dommoni tokko,''kiranya Muori,Marobba Allahmu,berkenan lai tokko.'' ²⁴ patekkina tokko lai arauna,''iddama,karurunage ku beige bakku koleni wali ba woi waini ritti wali barramu.dakku beimage ba ya korban patunnu lai Muori,Marobba Allahgu,bakku kole kaluani.''bage daud na woiwe ne padou pengirikan duguda sapina duguda limma kabullu syikal perak. ²⁵ bage daud nee bali na padedewe mezbah tubana Muori,banna ya korban pamuarika dengnga.bage Muori na deiba nadi pa dengngina tuba da ne negri ba makka na ngauwe tula pa yanadi ata israel.