¹ na dadiwe kariaba ne rasi papa resana daud selama touda dou na pakita kitage.bage,daud na kako tua pa bowo lai Muori.Muori na wale,''saul monno du'na kadakkayi wutta raa bali pamatedadi ata gibeon.'' ² bage tokko na pa oudi ata gibeon monno na panewe dengngadi.ata gibeon da ata israellumayi,tapi yidda ata a moriyi a rei.ata israel bali auradadi,tapi saul na kabbuge banna pamateyi oronage badda tuludi ata israel monno ata yehuda. ³ linna daud lai ata gibeon,''appa konna parawigu monno peiwaina papa tukkegu penebusan gaimu kou paka nurruyi douna Muori?'' ⁴ da wale ata gibeon,''da perak monno masima urusan ma lai saul monno du'na.daima lakka iyya koa ata a walina israel papa mate.''na tua kiayi daud,''appa na pa beimu parawigu?'' ⁵ da waleya tokko,''ata a padukkama monno a kabbuge papadukkama,ba makka damma kolena padou ne ngaradukkana israel, ⁶ yayi pittu ata anana kabani ka tiarudi ne arona Muori ne gibeon,yiddi ata pa pidina Muori.''tokko na wale,''ku yayi.'' ⁷ tokko na manawwaradi mefiboset monno yonatan,anana saul,oro aura pakette lai Muori a waina lai daud monno yonatan,anana saul. ⁸ bage,tokko na dekeyi duada ana kabanina rizpa,anana mawinne aya,papa dadina tubana saul,nai armoni monno mefiboset,monno limma ana kabanina merab,ana mawinnena saul,papa dadina tubana adriel, anana barzilai,ata mehola. ⁹ na yayi togo limmada ata gibeon nee togo letena,ne arona Muori.yidda pittu ata da mate paredda.uku pamatedi ne rasi saruabu,rasi ba saruabu jelai. daud monno rizpa ¹⁰ bage,rizpa ana mawinnena aya,na deke karung monno wallarage ne togo lete watu,wali a ullu rasi ma kunni dukki banna burru urra wali togo langita ne togo mayatuda.danna gaimaddi keila a wali togo udara badda kadakkadi ba loddoko,atau ranga ma tobba a walina kadawu dana dukki gedde. ¹¹ da tekkinage daud appa na parawina rizpa,ana mawinnena aya,na gundikunna saul. ¹² na daud banna dekeyi ri na saul monno ri na yonatan wali lai ata yabesh monno gilead,bali pa kiaduda wali tana lapang nee bet-san,padou tiarudadi ata filistin ata filistin badda pakalaya saul nee gilboa. ¹³ wali bali na ngiddiyi ri'na saul monno ri'na yonatan, anana.na pakassa dommodi ri'da yidda ata patiaru. ¹⁴ bage na tanedi ri'na saul monno yonatan,anana,nee tana benyamin,nee zela,uadi danana kish,amana.da rawi kuadi papawededadi tokko.makka,Marobba Allah na deibadadi doa da ne negri bawe nee. patauna gobbadi ata filistin ¹⁵ pakitanagege,na dadiwe patauna ata filistin duguda ata israel.na kako daud duguda olena patauna gobbadi ata filistin bage daud na duali. ¹⁶ yisbi benob a paburruna raksasa,buoto nage nobbuna danna kurangumawe touda ngasu syikal tembaga monno na waina pedang a bouna, na pangeddage bisa banna pamateya daud. ¹⁷ abisai,anana zeruya,kamurrinage ammini banna pa tulu na pukkani monno pamateya na ata filistin.ba neege,olena daud da dengngiya duguda liddani,''illamu mu kako kiakana patauna bou marengngagamma,gaimu illa da dukkakana pa burruna israel.'' ¹⁸ giasa ba neege,na dadi baliwe patauna nee gob ba gobbadi ata filistin.dukki neege,sibkhai,ata husa,na pamateya saf a purruna raksasa. ¹⁹ na dadi kiawe patauna nee gob gobbadi ata filistin.elhanan,anana yaare-oregim,ata betlehem,na pamateya goliat,ata gat,a ullu nobbunaa linnana pesa tukang tenun. ²⁰ na dadi kiawe patauna nee gat.waini iyya ata a kaladana wekkina.karagga limmana monno karagga waina enneda makka jumla kuada duada kabuulu patada.na ata pa burru dommo nani raksasa. ²¹ na kamelodi ata israel,ba makka na pamateya yonatan,anana simea,kaana daud. ²² yidda a patana ata pa burrunadi raksasa a walina gat,monno na pamateyi limmana daud monno olena.