¹ bage,Muori na pawedeya natan lai daud.na mai barrana monno linna,''waidi duada ata ne kota dana. na iyya na pote,na iyya kia na milla. ² ata a pote mangiadayi kamiaka bebe monno lembu sapi. ³ namun,na ata a milla daima a waina kecuali na iyya ana bebe bei pa woi na monno na urusaya. na ana bebe na matto barrana monno oledi anana,na ngaa wali pangaa monno ianu wali pialana duguda na dura togo babana a linnana ana mawinnena. ⁴ ammini kulla tubana na ata pote monno na manawwaradi banna dekeyi kamiaka bebena atau lembuna banna patiidi tubana na kulla a maibage,na dekeya na bei bebena ata milla na patiini tuba na na ata a mai.'' ⁵ na keddewe banina daud na lai ata bage linnani natan,''demi Muori a muarika,lakka garra konni na ata a rawige a linnana uku ponni kanna mate! ⁶ monno, na ana bei bebe bayaraponni siapana pata kali lipat tuba ganjaran oronage banna rawige ne a linnana ba danna pamanawwara pongngu.'' natan na tekkinage daud tuba jalana ⁷ bage,natan linnani daud,''you donna na ata! ne linnawe lii Muori,Marobba Allah israel:'yauwa a pidiwu bou dadi tokko'da israel, monno bali pasella gugu wali togo limmana saul. ⁸ bali yaguguge pamadiina muarimu ne togo babamu.bali yagugudi ata israel monno yehuda barramu, ba badanna tutukoyi,ku taba kiagudi. ⁹ Appa makkamu hinawawe lii Muori bou rawina a buakala ne aro-Na?uria,ata het mu pamateya waini kiato,bage ole ummana mu dekeya bou wai ole ummani.mu pamate waini kiato da ata amon. ¹⁰ oronagge neeya,kiato danna marromawe wali pa burrumu dukki kadukkanage ngiawe akibatunnage bou hina-Wa bou dekeya ole ummana uria,ata het,bou wai ole ummani .' ¹¹ ne linnawe lii Muori:'karurunage ku tauguge barramu buakala wali du doumu. ku dekeguddi ole ummamu ne aromu monno yayi lai ata waddeka.yiddi ata da dura ole guddi ole ummamu ne aro matamu ne loddo kaka dana. ¹² oronage,bali rawi kadennamuge, tapi neya ku patingngo dage ne aroda ngaradukkana israel ne aro matamu terang terangan.''' ¹³ bage,na panewe daud lai natan,''bali jalagu arona Muori.''namun,natan na waleya daud,''Muori bali uapinagudi jalamu.dou matema. ¹⁴ akan tetapi,oronage ne palakara bali rawinadi gobba-Na badda nistaya Muori, makka na lakawa a dadi na mate.''anana daud monno batsyeba na mate ¹⁵ bage, na kako natan nee ummana, monno Muori na tulaya lakawa papa anana ole ummana uria barrana daud makka na karodduka. ¹⁶ kamurrinage daud na dengngiya Marobba Allah tubana na lakawa.na wali atege daud ba danna ngaa danna ianu na tekun monno tama dana gedde mangiada na beika togo tana. ¹⁷ ammidi rato ne padouna badda pakeddeya wali togo tana,tapi danna nauma pangaa dengngadi. ¹⁸ na lakawa bage na mate dukki loddo ke pittu tapi atana daud dadda beranima badda tekkinage tuba matena na lakawa.oronage,da panewe,''na lakawa banna muarikappo bali panewe dengnga dadnni daud tapi danna patoomadadi patekkida.peiwaina ge batta padukkinage tuba matena na lakawa? ba ianga rawinage pamate dengnga.'' ¹⁹ namun, daud na iatayi pagawe na badda paka buttika na paddege ba bali matena na lakawa.daud na tuayi pagawena,''bali matena nai lakawa?''da wale,''bali matena.'' ²⁰ na kedde daud wali togo tana,bage na riwwo,na ma uara, na pasiapadi kalabbena. na mai ne ummana Muori monno na kawodo banna sembahya.bage,na bali ne istanana na dengngi ba yani roti banna ngaa. ²¹ bage,da tuaya pagawena ,''appa nage artinage ne parawimu?oronage,na lakawa banna muarikappo dou ngaa dou ianuma iangagu a ngio dukki na lakawa banna mate,mu kedde bou ngaadi pangaamu.'' ²² na wale,''na lakawa banna muarikappo, dakku ngaa dakku ianuma iangaga a ngio,oronage papa ngeddagu,''ianga na kasiani moga Muori luggu gaimu na lakawa kanna muarika.' ²³ neeya bali matena. appa kia larage ba dakku ngaa ba dakku ianu?na bisa kaddowe banna kedde bali? yauwa a kako barrana,tapi danna balima barragu.'' na dadi salomo ²⁴ bage,daud na hiburaya batsyeba,ole ummana.na mai banna barrani monno na oleni.bage,na mawinne na pa ana kiani lakawa kabani tubana,na pangarani salomo,monno Muori na manawwarani. ²⁵ li lai padiawa natan,na pawedeya pangarani na lakawa yedija,a artina oronage Muori daud na dekewe raba ²⁶ bage,na patauna yoab gobbadi raba monno ata amon,monno na keloge ne kota kerajaan. ²⁷ kamurrinagwe yoab na pangiddina ata lai daud na panau,'' ku todowe raba ku kolege ne kota monno mata weena. ²⁸ oronage nee,pakassadi tentara a rei,rawinakariaka ka kepunguwe ne kota,monno dekewe,gaimu illa yauwa kanna a dekewe ne kota monnonngaragu na mashurwe oronage.'' ²⁹ kamurrinage daud na pakassadi tentarana,bage na kako nee raba, banna rampokawe ,monno na kolege. ³⁰ na dekeya lado wali togo katuawana tokko, a buotona setalenta masi duguda permata a mahalu,bage na tauya togo katuawana.na deke mangiada takkayi jarahan wali ne kota. ³¹ ata a waina na dekeyi,bage na yadi payilli duguda gergaji,penggerak bessi, monno pogo bessi.na pawedeyi payilli ne padou rawi watu bata.ne linnawe parawina daud ne ngaradukkanage kota ata amon.bage,na bali daud marengngadi tentarana nee yerusalem.